ఆయన పాటందుకుంటే చాలు
సప్తస్వరాలు ఒకదానికొకటి పోటీ పడుతూ
రాగవిన్యాసం చేస్తాయి
ఆయన వాక్ప్రవాహానికి
ఝరులు, సాగరాలు ఉరకలేస్తూ వొచ్చి
సాష్టాంగంగా సాగిలపడతాయి
అక్షరాలకు ఆకృతిని
పదాలకు పరమార్థాన్ని
మాటలకు మకరందాన్ని
అందించిన అక్షర నారాయణుడు
జ్ఞానపీటాన్ని అధిష్టించి
తెలుగు ఖ్యాతిని
విశ్వంభరాలకు చాటి చెప్పిన
పదకవితా పద్మభూషణుడు
ఆయన తీక్షణమైన చూపు
ఎక్కు పెట్టిన రామబాణం
ఆయన చిరునవ్వు
చల్లని వెన్నెల కిరణం
ఆయన నవ్వినా కవిత్వమే
నడచినా కవిత్వమే
ఆయన కర స్పర్శతో కవిత్వం
తపించి తరిస్తుంది
తలవొంచి నమస్కరిస్తుంది
ఆయనే సినారె
షాయర్ కినారే....
