స్టేజ్ మీద మాట్లాడడం ఒక కళ.. ఇక్కడ చాలా ఏళ్ళ నుండి అనేక స్టేజ్ ప్రజంటేషన్లని గమనిస్తూ, ఈ సబ్జెక్టు మీద ఆసక్తి కొద్దీ నేర్చుకున్న అతికీలకమైన పాయింట్స్ మీకు షేర్ చేస్తున్నాను. ఇంత డీటెయిల్ గా ఎక్కడా దొరకవు. వీటిని జాగ్రత్తగా సేవ్ చేసుకొని అవసరం వచ్చినప్పుడు ఫాలో అవ్వండి.1. సబ్జెక్ట్ ఏదైనా స్టోరీలా చెబితే చాలామంది కనెక్ట్ అవుతారు. టివిలు, రేడియోలు రాక ముందు క్యాంప్ ఫైర్ చుట్టూ కూర్చుని కధలు వినేటప్పటి నుండి హ్యూమన్ DNAలో ఈ అలవాటు ఉంది.2. మాట్లాడే సబ్జెక్ట్‌కి సంబంధించి చిన్న చిన్న గణాంకాలు, స్టాటిస్టిక్స్ చెబితే ఎఫెక్టివ్‌గా ఉంటుంది.3. చిన్న పిల్లలు పుట్టినప్పుడు పబ్లిక్ స్పీకింగ్‌కి భయపడరు. వాళ్ల పద్ధతిలో వాళ్లు అలా ఓ ఫ్లోలో మాట్లాడుకుంటూ ఉంటారు. కానీ ఎప్పుడైతే ఒక ఏజ్ వచ్చాక అది మాట్లాడకూడదు, ఇలా మాట్లాడకూడదు అంటూ పెద్ద వాళ్లు కంట్రోల్ చెయ్యడం మొదలుపెడతారో అప్పటి నుండి పబ్లిక్ స్పీకింగ్ స్కిల్స్ తగ్గిపోతాయి.4. అవసరం అయిన చోట ఎగ్జాంపుల్స్ చెబుతూ ఉండాలి. నడవాల్సి వస్తే మెల్లగా నడవాలి. Chin ఎత్తుగా ఉండేలా ఉంచుకుని ఆడియెన్స్ వైపు చూడాలి. అందరు ఆడియెన్స్‌ వైపూ ఐ కాంటాక్ట్ మెయింటైన్ చెయ్యాలి. ఒక వాక్యం ఒక వైపు చూస్తూ, మరో వాక్యం గానీ, మరో కాన్సెప్ట్ గానీ మరో వైపు చూస్తూ మాట్లాడాలి.5. పబ్లిక్ స్పీకింగ్‌లో మొదటి 90 సెకన్స్ ముఖ్యం. అప్పుడు పీపుల్‌ని కనెక్ట్ చేసే ఫన్నీ, ఇంట్రెస్టింగ్ ఫ్రేజెస్ వాడాలి.6. కూర్చున్నప్పుడు ఎలా ఉంటారో అలా నిలబడకూడదు.7. మాట్లాడేటప్పుడు క్రిందికి చూడడం గానీ, లేదా గాలిలోకి చూడడం గానీ, పరధ్యానంగా ఉన్నట్లు ఉండడం గానీ చెయ్యకూడదు.8. డయాస్ మీదకు వచ్చిన వెంటనే మాట్లాడడం స్టార్ట్ చెయ్యకూడదు, అందర్నీ గ్రీట్ చేసి.. అందరి చిరునవ్వుతో చూస్తూ వారితో కనెక్ట్ అవ్వాలి.9. ఒకే కాలి మీద బరువు పెట్టి నిలబడకూడదు10. ఎట్టి పరిస్థితుల్లో చేతులు కట్టుకోకూడదు11. ఆడియెన్స్ వైపు వేలెత్తి చూపకూడదు12. ఆడియెన్స్ వైపు మన బ్యాక్ చూపించకూడదు13. మన ఎమోషన్స్‌కి తగ్గట్లు మనం మాట్లాడే స్పీచ్ స్పీడ్‌ని మారుస్తూ ఉండాలి.14. స్పీచ్‌ని అవసరాన్నిబట్టి డ్రమటైజ్ చెయ్యాలి.15. కొన్ని పదాలను వత్తి పలికితే ఎఫెక్టివ్‌గా ఉంటుంది.16. మధ్యలో పాజెస్ వాడడం వల్ల క్యూరియాసిటీ, సస్పెన్స్ క్రియేట్ అవుతుంది.17. చివరి వరకూ సరిగా విన్పిస్తుందా లేదా కనుక్కోవాలి. మరీ బిగ్గరగా మాట్లాడకూడదు. మరీ చిన్నగా మాట్లాడకూడదు.18. పబ్లిక్ స్పీకింగ్‌లో చాలా పొడవైన వాక్యాలు వాడకూడదు. చిన్న చిన్న వాక్యాలు అర్థవంతంగా వాడాలి.19. పవర్‌పాయింట్ ప్రజెంటేషన్ తయారు చేస్తే మరీ ఎక్కువ డీటైల్స్, నోట్స్ లా తయారు చెయ్యకూడదు. ముఖ్యమైన పాయింట్లే వాడాలి.20. ప్రజంటేషన్‌కి 10-12 స్లైడ్లకి మించి వాడకూడదు. అలాగే వాటిలో ఎక్కువ ఏనిమేట్ అయ్యేవి ఉండకూడదు. టైటిల్, చిన్న చిన్న ముఖ్యమైన పాయింట్లు ఉంటే చాలు.21. పబ్లిక్ స్పీకింగ్‌లో కాళ్లతో గానీ, చేతులతో గానీ చిన్న చిన్న మూమెంట్స్ కూడా చెయ్యకూడదు. చేతులతో జెశ్చర్స్ వాడొచ్చు గానీ కాళ్లు ఎక్కువ అటూ ఇటూ కదిలించడం, మూమెంట్స్ లాంటివి చెయ్యకూడదు.22. సాధ్యమైనంత వరకూ స్టేజ్‌కి మధ్యలోనే నిలబడాలి.23. మధ్యలో ఏదో ఆలోచిస్తున్నట్లు ఉండకూడదు24. ఎప్పుడూ టాపిక్‌ని దాటి మర్చిపోయి వేరే అంశాల్లోకి వెళ్లకూడదు. ఒకవేళ వెళ్లాల్సి వచ్చినా.. ఏ ఆలోచన నుండి ఎక్కడికి వెళ్లాం, తిరిగి ఎప్పుడు ఆ సెకండ్ థాట్ ముగించాలి, ఎప్పుడు వెనక్కి మెయిన్ టాపిక్‌కి రావాలి అన్నది ట్రాక్ చేసుకుంటూ వెళ్లాలి.- Nallamothu Sridhar