దంతంబుల్పడనప్పుడే తనువునందారూడి యున్నప్పుడే కాంతాసంఘము రోయనప్పుడే జరా క్రాంతంబు కానప్పుడే వింతల్మేన జరింపనప్పుడే కురుల్వెల్వెల్ల గానప్పుడే చింతింపన్ వలె నీ పదాంబుజములన్ శ్రీకాళహస్తీశ్వరా!పండ్లు ఊడి రాలిపోకముందే, శరీరములో జవసత్వములు నశింపకముందే, ముదుసలితనము మీద పడక ముందే, వింత వింత (కొత్త కొత్త) రోగాలు దేహములో చేరకముందే, తల వెంట్రుకలు నెరవకముందే నీ పాదపద్మములను పూజించి తరించే మార్గాన్ని కనుగొనాలి సర్వేశ్వరా!(ముసలితనములో శరీరము సహకరించదు కాబట్టి మనుషులు ముందే ఆధ్యాత్మిక మార్గములో నడవాలి అనేది ఈ పద్యం టీకాతాత్పర్యం)