ఒకవైపే చూసే రెండు కళ్లు ఒకదానినొకటి చూసుకోలేవు ఎప్పుడూ కలిసివుండేరెండుపెదాలు ఒక్క మాటతో వి డి పో తా యిఅందుకేకళ్లకు ధ్యానం కావాలిపెదాలకు మౌనం కావాలి- జనార్ధన మహర్షి

నార్లవారి మాట

పత్రిక అంటే ప్రభుత్వాన్ని ప్రశ్నించే ఏకైక ఆయుధం. కీర్తన సంఘం కాదు.. ఎడిటర్ ఎలా ఉండాలి? సంపాదకుడు కారాదు.. అంటూ ఎన్నోచెప్పిన నిఖార్సయిన విలేఖకుడు నార్ల వారు.  

ఆయన .. "నవయుగాల బాట, నార్ల మాట" పాత్రికేయులకు నిత్య పారాయణ పంక్తులు..

ప్రతిభతోడ కలము  పట్టగల్గుట కంటె

కోరలేము వేరె గొప్పవరము

కలము అమ్ముకొనుట వెలయాలితనమురా

నవయుగాల బాట...

అన్య భాషపైని అధికారమబ్బదు

అంతుపట్టదేని సొంత భాష

మొదలు నేర్వకున్న తుద నెట్లు నేర్చురా

నవయుగాల....

ఎడిటరైనవాడు బిడియము చూపుచో

ధాటి తగ్గు వృత్తిధర్మమందు 

కడుపుకూటి వ్రాత కక్కుర్తి వ్రాతరా

నవయుగాల..

వర్తమాన జగతి పరివర్తనాలపై 

స్వేచ్ఛతోడ వ్యాఖ్య సేయనట్టి

ఎడిటరెందుకోయి ఏటిలో గలపనా

నవయుగాల...

నీతి నియతి లేని నీచుని చేతిలో 

పత్రి కుండెనేని ప్రజలకు చేటు

హంత చేతి కత్తి గొంతులు కోయదా

నవయుగాల...

పత్రికే నియంత పక్కలో బల్లెమ్ము

పత్రికే ప్రజాళి పట్టుగొమ్మ

ప్రభుత వక్రమౌను పత్రిక లేనిచో

నవయుగాల...

పత్రి కొక్కటైన ప్రతీహారిగా నిల్వ

అవని నిద్రపోవు ఆద మఱచి

పత్రిక నిదురింప భద్రత తొలగురా

నవయుగాల... 

పత్రి కొక్కటున్న పదివేల సైన్యము

పత్రి కొక్కటున్న మిత్రకోటి

ప్రజకు రక్ష లేదు పత్రిక లేనిచో

నవయుగాల....

నిజము కప్పిపుచ్చి, నీతిని విడనాది

స్వామిసేవ  చేయు జర్నలిస్టు

తార్చువానికంటె తక్కువ వాడురా

నవయుగాల...

ఎడిటరైన వాడు ఏమైనవ్రాయును

ముల్లె యొకటె తనకు ముఖ్యమైన

పడపు వృత్తిలోన పట్టింపులుండునా

నవయుగాల...

పత్రికా రచననుపడపువృత్తిగ మార్చు

వెధవకంటె పచ్చి వేశ్య మేలు

తనువునమ్ము వేశ్య, మనసును కాదురా

నవయుగాల... 

🙏🙏🙏

శుభోదయం.ఆ. పాలవార్థిలోన బవ్వళించిన హరి గొల్ల ఇండ్ల పాలు కోరనేల? ఎదుటివారి సొమ్ము ఎల్లవారికి దీపి విస్వాదాభిరామ ! వినుర వేమ !పాల సముద్రములో పవళించిన శ్రీ హరి గొల్లవారి ఇండ్లలోని పాలని దొంగలించి మరీ తాగేవాడు. ఎదుటివారి సొమ్ము ఎవరికైనా తీపే.ఆఖరికి పరమాత్ముడికి కూడా..అంటున్నాడు వేమన.

చిత్రం: పాండురంగ మహత్యంగానం: ఘంటసాలసంగీతం: టీవీ రాజుసాహిత్యం: సముద్రాల రాఘవాచార్యఅమ్మా నాన్నాఅమ్మా అని అరచినా ఆలకించవేమమ్మాఆవేదన తీరు రోజు ఈ జన్మకు లేదాపది నెలలు నను మోసి పాలిచ్చి పెంచీమది రోయక నాకెన్నో ఊడిగాలు జేసినఓ తల్లీ నిను నలుగురిలో నగుబాటు జేసితితలపకమ్మ తనయుని తప్పులు క్షమియించవమ్మ అమ్మా అమ్మాదేహము విఙ్ఞానమూ బ్రహ్మోపదేశమిచ్చిఇహ పరాలు సాధించే హితమిచ్చిన తండ్రినికను గానని కామమున ఇలువెడలా నడిపితికనిపిస్తే కన్నీళ్ళతో కాళ్ళు కడుగుతా నాన్నానాన్నా నాన్నామారిపోతినమ్మా నా గతి యెరిగితినమ్మామీ మాట దాటనమ్మ ఒకమారు కనరమ్మామాతా పిత పాద సేవే మాధవ సేవేయని మరువనమ్మానన్ను మన్నించగ రారమ్మా అమ్మా అమ్మాయే పాద సీమ కాశీ ప్రయాగాది పవిత్ర భూముల కన్న విమల తరముయే పాద పూజ రమాపతి చరణాబ్జ పూజల కన్నను పుణ్య తమముయే పాద తీర్ధము పాప సంతాపాగ్ని ఆర్పగా జాలిన అమృత ఝరముయే పాద స్మరణ నాగేంద్రశయను ధ్యానమ్ము కన్నను మహానందకరముఅట్టి పితరుల పద సేవ ఆత్మ మరచి ఇహ పరంబులకెడమైతపించువారి కావగల వారు లేరు, లేరు ఈ జగాన వేరేనన్ను మన్నించి బ్రోవుమో అమ్మా నాన్నా, అమ్మా నాన్నా

అమ్మా అని అరచినా ఆలకించవేమమ్మా
ఆవేదన తీరు రోజు ఈ జన్మకు లేదా

పది నెలలు నను మోసి పాలిచ్చి పెంచీ
మది రోయక నాకెన్నో ఊడిగాలు జేసిన
ఓ తల్లీ నిను నలుగురిలో నగుబాటు జేసితి
తలపకమ్మ తనయుని తప్పులు క్షమియించవమ్మ అమ్మా అమ్మా

దేహము విఙ్ఞానమూ బ్రహ్మోపదేశమిచ్చి
ఇహ పరాలు సాధించే హితమిచ్చిన తండ్రిని
కను గానని కామమున ఇలువెడలా నడిపితి
కనిపిస్తే కన్నీళ్ళతో కాళ్ళు కడుగుతా నాన్నా
నాన్నా నాన్నా

మారిపోతినమ్మా నా గతి యెరిగితినమ్మా
మీ మాట దాటనమ్మ ఒకమారు కనరమ్మా
మాతా పిత పాద సేవే మాధవ సేవేయని మరువనమ్మా
నన్ను మన్నించగ రారమ్మా అమ్మా అమ్మా

యే పాద సీమ కాశీ ప్రయాగాది పవిత్ర భూముల కన్న విమల తరము
యే పాద పూజ రమాపతి చరణాబ్జ పూజల కన్నను పుణ్య తమము
యే పాద తీర్ధము పాప సంతాపాగ్ని ఆర్పగా జాలిన అమృత ఝరము
యే పాద స్మరణ నాగేంద్రశయను ధ్యానమ్ము కన్నను మహానందకరము

అట్టి పితరుల పద సేవ ఆత్మ మరచి ఇహ పరంబులకెడమై
తపించువారి కావగల వారు లేరు, లేరు ఈ జగాన వేరే
నన్ను మన్నించి బ్రోవుమో అమ్మా నాన్నా, అమ్మా నాన్నా

పురిటి నొప్పులు భరియించి పుణ్యమూర్తి

మాతృదేవోభవ - 2

పురిటి నొప్పులు భరియించి పుణ్యమూర్తి

చావు మాటకు వెరవక జన్మనిచ్చె,

రొమ్ము పాలను తాగించె 'రోత'యనక

తల్లి ఋణమును తీర్చగా తరము కాదు!

పుటుక తోడనె మొదలగు పుడమిలోన

ప్రాణులందరి బతుకులు మాత వలన,

తల్లి లేకుండ దేవుడి తాతకైన

తరము కాదుగా ధరణిలో తనువుదాల్చ!

భండన భీముడా ర్తజన బాంధవుడుజ్జ్వల !

భండన భీముడా ర్తజన బాంధవుడుజ్జ్వల బాణతూణకో

దండకళాప్రచండ భుజ తాండవకీర్తికి రామమూర్తికిన్

రెండవ సాటిదైవమిక లేడనుచున్ గడగట్టి భేరికా

దాండద దాండ దాండ నిన దంబులజాండము నిండమత్తవే

దండము నెక్కి చాటెదను దాశరథీ కరుణాపయోనిధీ!

అందుకే మిత్రుడే గొప్ప పెన్నిధి. *మిత్రాయనమః* 💞"అరే, ఒరే, ఒసే, ఏమే, ఏరా, /అనెడి మిత్రుండొకడుండిన చాలు/వృద్ధాప్యంబున ఉన్న, అదెనొసంగునారోగ్యంబు/మిత్రాయనమః/(1)స్నేహితుండులేని జీవితంబు/తైలంబు లేని దీపంబు, దినకరుండు లేని/దినంబు, ఉప్పులేని పప్పు వ్యర్ధంబు/మిత్రాయనమః!/(2)"ఔషధంబుకానౌషధౌంబు/మనంబునకు శాంతినొసంగు/తెలతెలవారంగ 'ఏరా, ఏమే' అని వినంగ/మిత్రాయనమః/(3)"దేశంబులనున్న, దేవళంబుననున్న/సంతలోననున్న, సభలలోననున్న/'ఏరా'యని వినంగ తృళ్ళిపడు తేటపడు/మానసంబు, మిత్రుని పలుకు చెవిని పడ/మిత్రాయనమః/(4)"పూర్వజనమ పుణ్యంబున దొరకు/ఏరాయను బాల్యమిత్రుండు,/వృద్ధాప్యంబున పలుకరించ/అమృతము చిలకరించు పలుకు/అదిలేని జనమంబు దరిద్రమ్ము/మిత్రాయనమః/(5)॥"నిదుర లేవంగ 'ఏరా' లేనిచో/సగము ప్రాణంబులు పోవు/తీపి గురుతులే మిగులు/దిగులు చెంద దినంబులు భారంబుగ/మిత్రాయనమః!"🙏

గద్దె నెక్కెడుదాక సుద్దులు జెప్పెదరుగద్దెనెక్కిన వెనుక బుద్ధి మారుగద్దెనెక్కినవాని సుద్దులను నమ్మకుమంచిమాట వినర మానవుండ!

కవి జాషువా"తల్లి"

అమ్మంటే.. ఎందరికో బాగా ఇష్టం..

దిగ్గజంలాంటి కవి జాషువా"తల్లి" అంటే..ఎంతగానో తల్లడిల్లిపోయేవాడు. తల్లంటే అల్లల్లాడే వాళ్ళు లోకంలో చాలమంది ఉన్నారు. అందుకే ఆయన కవిత "కన్నతల్లి" లో ఇలా కన్నీళ్లెట్టుకున్నాడు.  సహనంతో మొత్తం చదవండి!!

ఇల్లున్ వాకిలి లేనిదానివలె నేడీ శాకినీ ఢాకినుల్ 

బిల్లలసేయు శ్మశాన భూములను బ్రాపింపగనేలా!జగం 

బెల్లన్ జీకటి ముద్దయై పొడమె తల్లీ! నీవియోగంబునన్

జిల్లులు వడ్దది మానసంబుబికి వచ్చెన్ వేదనానీరధుల్.

కొడుకులను మమ్ము నిర్వాహకులను జేసి 

మురిసికొని చంద్రశిలలీల గరగినావు 

పుణ్యముల తల్లి నీ పాలపుష్టి కతన 

కవన బాలిక నాజిహ్వ నవతరించె.

తరుగింతేనియు లేని నీమహిత పుత్రప్రేమ యేతల్లికిన్ 

బురమాయించి త్యజించి పోయితివి మమ్మున్ నీ శరీరంబుతో 

మరణాంతంబున జన్మమే కలిగినన్ మా తల్లి! నీకడ్పునన్ 

మరలన్ బుట్టెద వేయిజన్మములకున్ దమ్ముండు వెంటాడగన్.

నిరుడీనాటికి గల్గు నీ మహిత సాన్నిధ్యంబు నే డక్కటా! 

మరుగై నీవు పరుండు మంచమొకటే మాకిందు బ్రత్యక్షమై 

పురిగొల్పున్ బరితాపవహ్ని ననయంబున్ గర్భదేశంబునన్ 

దిరిపెంబెత్తిన జూపువారెవరు? ధాత్రిన్ నీ శుభాకారమున్.

ఎనుబదేడుల వయసున దర్పితంబైన 

నీ పెద్ద తలకు మాణిక్య పూజ

జీవితేశుడు మన్నుజేయు నీ దివ్య మం 

గళ సూత్రమునకు నిక్కంపు వినతి

అమ్మల కాదర్శమై ఱాలుగరచు నీ 

మాతృత్వమునకు నమశ్శతంబు 

బలగంపు పూల పూజల దెల్ల వారిన 

నీ దీర్ఘ నిద్రకు నీలి గొడుగు..

నిన్ను దమిమీఱ ఱొమ్మున నిలుపుకొన్న

నీ సమాధికి వేడి కన్నీటి పూత 

కొడుకుల సుఖంబునకు మేను కొల్లబెట్టు 

జీర్ణమూర్తికి నెత్తురు చిలుకరింపు.

నిత్య విశ్రాంతినానందనిలయ మంచు 

దిరుగుచున్నావు గాబోలు దిగులు లేక 

సర్వ సంసార బాధా విష జ్వరమున 

కౌషధంబైన మరణంబు నభినుతింతు.

తలనిండ పూదండ దాల్చిన రాణి

ఆ రజనీకర మోహన బింబము
నీ నగుమోమును బోలునటె
కొలనిలోని నవకమల దళమ్ములు
నీ నయనమ్ముల బోలునటే..
ఎచట చూచినా, ఎచట వేచినా
నీ రూపమదే కనిపించినదే..

తలనిండ పూదండ దాల్చిన రాణి
మొలక నవ్వులతోడ మురిపించబోకె

తలనిండ పూదండ దాల్చిన రాణి
మొలక నవ్వులతోడ మురిపించబోకె

పూలవానలు కురియు మొయిలువో
మొగలి రేకులలోని సొగసువో..

పూలవానలు కురియు మొయిలువో
మొగలి రేకులలోని సొగసువో..

నారాణి తలనిండ పూదండ దాల్చిన రాణి
మొలక నవ్వుల తోడ మురిపించబోకే

నీ మాట బాటలో నిండే మందారాలు
నీ పాట తోటలో నిగిడే శృంగారాలు

నీ మాట బాటలో నిండే మందారాలు
నీ పాట తోటలో నిగిడే శృంగారాలు

నీ మేనిలో పచ్చ చేమంతి అందాలు...
నీ మేనిలో పచ్చ చేమంతి అందాలు...
నీ నీలవేణిలో నిలిచే ఆకాశాలు

తలనిండ పూదండ దాల్చిన రాణి
మొలక నవ్వుల తోడ మురిపించబోకే
మొలక నవ్వుల తోడ మురిపించబోకే

పూత మెఱుంగులుం బసరు పూప బెడంగులు జూపునట్టి వా

కైతలు? జగ్గు నిగ్గు నెనగావలె గమ్మన గమ్మనన్వలెన్

రాతిరియున్ బవల్ మఱపురానిహొయల్ చెలి యారజంపు ని

ద్దాతరితీపులో యనగ దారసిలన్వలె లో దలంచినన్

బాతిగ బైకొనన్ వలెను బైదలికుత్తుకలోనిపల్లటీ

కూత లనన్వలెన్ సొగసు కోర్కులు రావలె నాలకించినన్

జేతికొలంది గౌగిటనుజేర్చినకన్నియ చిన్నిపొన్ని మే

ల్మూతలచన్నుదోయివలె ముచ్చట గావలె బట్టి జూచినన్

డాతొడనున్న మిన్నులమిటారపుముద్దులగుమ్మ కమ్మనౌ

వాతెఱ దొండపండువలె వాచవిగావలె బంటనూదినన్

గాతల దమ్మిచూలిదొర కైవసపుంజవరాలి సిబ్బెపు

న్మే తెలియబ్బురంపుజిగి నిబ్బర పుబ్బగుగబ్బిగుబ్బపొం

బూతలనున్నకాయసరిపోడిమి కిన్నెర మెట్లబంతి సం

గాతపు సన్నతంతి బయకారపు గన్నడగౌళపంతుకా

సాతతతానతానలపసన్ దివుటాడెడు గోటమీటుబల్

మ్రోతలునుంబలెన్ హరువు మొల్లము గావలె నచ్చ తెన్గు లీ

రీతిగ, సంస్కృతంబు పచరించెడుపట్టున భారతీవధూ

టీతపనీయగర్భనికటీభవదాననపర్వసాహితీ

భౌతికనాటక ప్రకరభారతభారతసమ్మతప్రభా

శీత నగాత్మజా గిరిజ శేఖర శీతమయూఖ రేఖికా

పాతసుధా ప్రపూరబహుభంగఘుమంఘుమఘుంఘుమార్భటీ

జాతకతాళయుగ్మ లయసంగతి చుంచువిపంచికామృదం

గాతతతేహితత్తహితహాధితధంధణుధాణుధింధిమి

వ్రాతనయానుకూలపదవారకుహూద్వహహారికింకిణీ

నూతన ఘల్ఘలాచరణనూపురఝాళఝళీమరందసం

ఘాతవియధ్ధునీ చకచకద్వికచోత్పలసారసంగ్రహా

యాతకుమారగంధవహహారిసుగంధవిలాసయుక్తమై

చేతము చల్లజేయవలె జిల్లన జల్లవలెన్ మనోహర

ద్యోతకగోస్తనీఫలమధుద్రవగోఘృతపాయస ప్రసా

రాతిరసప్రసారరుచిరప్రసరంబుగ సారెసారెకున్