గుడివాడ భారతీ సమితి సప్తతి మహోత్సవం సందర్భంలో నేను వ్రాసి ఆలపించిన గీతం ... చిత్తగించండి

ఎద నిండా ఆనందం నిండగా
ఏడు పదుల వత్సరాల పండుగ
జరుపుకుంటున్నది భారతీ సమితి
జయప్రదం చెయ్యమని చేస్తున్నది వినతి  ॥ ఎద ॥

సాహితీ సరస్వతికి నిత్యహారతి
పట్టుచున్నది ... భారతీ సమితి
సాహితీ వేత్తలకు స్వాగత గీతి
పాడుచున్నది ... భారతీ సమితి
సాహితీ పోషకులకు ... సౌజన్య మూర్తులకు
సాహిత్యాభిమానులకు ... సౌహార్ద్ర హ్రుదయులకు
అభిమాన పాత్రులకు ... పాత్రికేయ మిత్రులకు
అతిధి దేవుళ్ళకు ... ఆహ్వానితులందరికి
వందనాలు అందిస్తుంది భారతీ సమితి
జరగనుంది సప్తతి ఘనమైన రీతి           ॥ ఎద ॥

స్వాతంత్ర్యం రాకముందు పుట్టిన సమితి
గుడివాడలో గుబాళించే తెలుగు సాహితీ
కోగంటి దుర్గా మల్లికార్జున రావు
కోటి కలలతో నీవు స్తాపించినావు
మల్లంపల్లి .. కోడూరి .. బూసా చినవీరయ్య
మక్కువతో చక్కగా నడిపించినారయ్య
దశరధ రామి రెడ్డి కొండపల్లి
నడిపించే సాహితీ పరిమళాలు జల్లి
సాహితీ ఘనాపాటి నూతుల పాటి
దొండపాటి దేవదాసు నడిపిరి మేటి
దుగ్గిరాల ఆనంద బోసు .. బాలకవి సిఆర్ దాసు
నవ్యభవ్యసవ్య రీతి చూపించిరి సొగసు  
కోగంటి వారి నుండి కొడాలి వారి వరకు
ఉద్దండుల చేతులలో సాధించెను వున్నతి  ॥ ఎద ॥

సాహితీ సేవలోన సుస్థిర ప్రగతి
అడుగడుగున సాధించెను అభ్యున్నతి
యువకవులకు ఎందరికో ఆశాజ్యోతి
గుడివాడ ఖ్యాతి పెంచు అఖండ జ్యోతి
అంగ రంగ వైభవంగా సంబరాల సప్తతి
భాగస్వాము లందరికి మధురానుభూతి  ॥ ఎద ॥
                                           వంశీ 20-12-2015