భూమి అంటే 'అమ్మ' మనకు అన్నం పెడుతుంది 
మొక్క తొలుచుకు వచ్చే ప్రతి సారీ ప్రసవ వేదన పడుతుంది 
కాయ, పండు తిని,కడుపు నిండిన బిడ్డలను 
మురిపెంగా చూసుకుంటుంది 
అలాంటి అమ్మకు ప్రపంచీకరణ అంటూ 
ఆధునికత పాఠాలు నేర్పి
అందమైన బొమ్మ
మురిపాల కొమ్మ
సేద తీర్చ దిగొచ్చిన రంభకి అమ్మ అంటూ
నగరీకరణ మోజుతో
పచ్చటి పల్లెలను
పార్కులుగా మారుస్తానంటే
సిమెంట్ కోక కట్టిచ్చి
రంగుటద్దాలు కుడతానంటే
ఆ పచ్చటి పల్లె తల్లి
కన్నీరు పెడుతుంది
నన్ను బిడ్డల కడుపాకలి తీర్చే
అమ్మగానే ఉండనివ్వమ౦టుంది
గద్దెనెక్కిన గాడ్దెకొడుకులకి
బుద్ధి చెప్పమంటూ
నిన్నూ నన్నూ అడుగుతుంది
గుండెలవిసేలా ఏడుస్తుంది....