ఎందరికో అది కోరినా దొరకని వరం

మృత్యువు...
ఎందరికో అది కోరినా దొరకని వరం..
కానీ అందరికీ తప్పని ఓ కలవరం..
కర్మ ఫలం అనుకున్నా..
శరీరధర్మ శాస్త్రం అనుకున్నా..
ఎదుర్కోక తప్పని మహా సంకటం..
నువ్వు ఓడిపోక తప్పని నీ కడ సమరం..
ఒక్క క్షణంలోనే..
నీ అనే అహాన్ని అంతా తుడిపేస్తుంది..
నీ బంధాలనన్నింటినీ దూరం చేస్తుంది..
నిజాన్ని చూపించి నిన్ను నిశ్చేస్తుడిని చేస్తుంది..
నీ అజ్ఞానానికి నిన్నే కుమిలిపోయేలా చేస్తుంది..
అందుకే ఉన్నప్పుడే, బ్రతికి ఉన్నప్పుడే..
నీ తోటి వారికి సాయం చెయ్యి..
నీ తోడుగా నిలిచే వారికి ప్రాణం పొయ్యి..