lనాన్న ఎందుకో వెనకపడ్డాడు"*అమ్మ తొమ్మిది నెలలు మోస్తే...నాన్న జీవితాంతం మోస్తాడు...రెండూ సమానమే అయినానాన్నెందుకో వెనకబడ్డాడు.ఇంట్లో జీతం తీసుకోకుండా అమ్మ...సంపాదన అంతా ఇంటికే పెడుతూ నాన్న...ఇద్దరి శ్రమా సమానమే అయినాఅమ్మకంటే నాన్నెందుకో వెనకబడ్డాడు.ఏది కావాలంటే అది వండి పెడుతూ అమ్మ...ఏది కావాలంటే అది కొనిపెడుతూ నాన్న...ఇద్దరి ప్రేమా సమానమే అయినాఅమ్మకొచ్చిన పేరు ముందు నాన్నెందుకో బాగా వెనకబడ్డాడు.ఫోనులోనూ అమ్మ అనే పేరేదెబ్బ తగిలినప్పుడూ అమ్మా అనే పిలుపే...అవసరం వచ్చినప్పుడు తప్పమిగతా అప్పుడు గుర్తు రానందుకు నాన్న ఎప్పుడైనా బాధ పడ్డాడా?అంటే..ఏమో!ఇద్దరూ సమానమే అయినాపిల్లల ప్రేమ పొందడం లో తరతరాలుగా నాన్న ఎందుకో చాలా వెనకబడ్డాడు.అమ్మకు, మాకు బీరువా నిండారంగురంగుల బట్టలు...నాన్న బట్టలకు దండెం కూడా నిండదు...తనని తాను పట్టించుకోవడం రాని నాన్న ఎందుకో మాక్కూడా పట్టనంత వెనకబడ్డాడు.అమ్మకు ఎన్నో కొన్ని బంగారు నగలు...నాన్నకి బంగారు అంచున్న పట్టు పంచె ఒక్కటే...కుటుంబం కోసం ఎంత చేసినాతగిన గుర్తింపు తెచ్చుకోవడం లో నాన్నేందుకో బాగా వెనకబడ్డాడు.పిల్లల ఫీజులు ఖర్చులున్నాయ్ అన్నప్పుడు ఈసారి పండక్కి చీర కొనొద్దని అమ్మ...ఇష్టమైన కూర అని పిల్లలు మొత్తం తినేస్తే ఆ పూటకి పచ్చడి మెతుకులుతో ఇష్టంగా తినే నాన్న...ఇద్దరి ప్రేమ ఒక్కటే అయినాఅమ్మకంటే నాన్న ఎందుకో చాలా వెనకబడ్డాడు.వయసు మళ్ళాకా అమ్మైతే ఇంట్లో పనికి పని కొస్తుంది...అదే నాన్నైతే ఎందుకూ పనికిరాడని తీర్మానం చేసేసుకున్నప్పుడు కూడా వెనకబడింది నాన్నే!నాన్న ఇలా వెనకబడి పోవడానికి కారణం*నాన్నంటే కుటుంబానికి వెన్నుముక* కావడమే!అంత ప్రేమను పంచే నాన్నను ప్రేమగా చూసుకొందాం