ఆచార్య దేవా ఏమంటివి ఏమంటివి, జాతి నెపమున సూత సుతునకిందు నిలువ అర్హత లేదందువా
ఏంత మాట.. ఏంత మాట..
ఇది క్షాత్ర పరీక్షయే గానీ క్షత్రియ పరీక్ష కాదే, కాదు కాకూడదు ఇది కుల పరీక్షఏ యందువా,
నీ తండ్రి భర్ద్వాజుని జననమెట్టిది? అతి జుగుప్సాకరమైన నీ సంభవమెట్టిది?
మట్టి కుండలో పుట్టితివి కదా నీది ఏ కులమో? ఇంత ఏల?

ఇంత ఏల?
అస్మధ్ పిథమహుడు కురుకుల వృద్ధుడయిన శాంతనవుడు శివ సముద్ర భార్యయగు గంగా గర్భమున జనియించలేదా?
ఇయనది యె కులము?

నాతో చెప్పింతువేమయ్యా
మా వంశమునకు మూల పురుషుడైన వశిష్తుడు దేవ వేస్య యగు ఊర్వశీ పుత్రుడు కాడా ??
ఆతడు పంచమ జాతి కన్యయైన అరుంధతి యందు శక్తిని,
ఆ శక్తి చండాలంగన యందు పరాశరుని,
ఆ పరాశరుడు పల్లె పడుచైన మత్స్య గంధి యందు మా తాత వ్యాసుని,
ఆ వ్యాసుడు విధవరాండ్రైన మా పితామహి అంబికతొ మా తండ్రిని,
పినపితామహి అంబాలికతొ మా పినతంద్రి పాండురాజును,
మా ఇంటి దాసితో ధర్మ నిర్మాణ చరుడని మీచే కీర్తించబడుతున్న ఈ విదుర దేవుని కనలేదా ?

సందర్భావసరములను బట్టి క్షేత్ర, బీజ ప్రాధాన్యములతొ సంకరమైన మా కురువంశము ఏనాడో కుల హీనమైనది.
కాగా నేడు కులము కులము అని ఈ వ్యర్థ వాదమెందులకు ?