మాయామేయజగంబె నిత్యమని సంభావించి మోహంబునన్‌
నా యిల్లాలని నా కుమారుఁడని ప్రాణంబుండునందాఁక నెం
తో యల్లాడిన యీ శరీర మిపుడిందుం గట్టెలం గాలుచో
నా యిల్లాలును రాదు పుత్రుఁడును దోఁడైరాఁడు తప్పింపగన్‌.

కలవారి యిండ్లలోపలి విధానము నెత్త-నరుగు దొంగలకు సిద్ధాంజనంబు మగలఁ గూరుకనిచ్చి తెగి యంటుగాండ్రకై-తారాడు కులటల తార్పుగత్తె అలవోక నలతి పిట్టలఁ బట్టి వేఁటాడు-పాడు మూకములకుఁ బాడి పంట మసనంబులోన నింపెసలారు శాకినీ-ఢాకినీ తతుల చుట్టాల సురభి
	రేలతాంగికి నల్లని మేలి ముసుఁగు-కమలజాండంబునకు నెల్ల గన్నుమూత సత్యవిద్రోహి దుర్యశశ్ఛవికిఁ దోడు-కటికచీకటి యలమె దిక్తటములందు