“అలిగిన నలుగక యొగ్గులు
పలికిన మరి విననియట్లు ప్రతివచనంబుల్
పలుకక బన్నయు వడి యెడ
దలపక యున్నతడె చూవె ధర్మఙ్ఞుడిలన్”
నన్నయగారి పద్యం ఇది. ధర్మఙ్ఞుడెలా ఉండాలో శుక్రాచార్యుడు చెప్తున్నాడు.

శుక్రాచార్యుడు రాక్షసుల గురువు. ఆయన చెప్పిన నీతి ఇలా ఉంది: “ఎవడికైనా కోపం వచ్చినప్పుడు ప్రతిగా కోపం తెచ్చుకోకుండా ఉండే వాడు, ఎవడైనా తిడితే, విననట్టే ఉండి మారుమాట్లాడని వాడు, ఎవడు ఎంత అవమానించినా ఆ సంగతే మనసులో పెట్టుకోనివాడే ధర్మఙ్ఞుడు” అని శుక్రాచార్యుడు అన్నట్టు ఈ పద్యం చెప్తుంది.