ప్రభాత కవిత:మనిషీ! ఏమిటిలా?! మనం ఎందుకిలా?! ******************కోడిపుంజులా ఉదయాన్నే లేవాలి..పక్షిలా స్వేచ్ఛగా ఉండాలి..చిలకలా చక్కగా మాట్లాడాలి..ఆవులా పరిమితంగా తినాలి..కుక్కలా విశ్వాసం చూపాలి..దున్నలా రోజంతా పనిచేయాలి..చీమలా పొదుపు చేయాలి..సాలీడులా ఇంటిని ఉంచుకోవాలి..పక్షి జంటలా అన్యోన్యంగా ఉండాలికోడిపెట్టలా పిల్లలని సాకాలి..గొర్రెల్లా కలసి మెలిసి ఉండాలి..పావురాల్లా ఐక్యత చూపాలి..కొంగలా మౌన ముద్రలో ఉండాలి..కాకుల్లా చేయూత నివ్వాలి..ఇన్నీ విడిచి..అన్నీ మరిచి..ఊసరవెల్లిలా రంగులు మారుస్తున్నాం!అవకాశపు అంచులు పట్టుకునిగబ్బిలాల్లా వ్రేళ్లాడుతున్నాం..గోడమీద పిల్లిలా నిలబడి ఆత్రంగా దిక్కులు చూస్తున్నాం!మానవత్వపు వలువలను ఒక్కొక్కటిగా విప్పేస్తూ..రాక్షసతత్వపు పూతలను రోజూ ఒళ్ళంతా పూసుకుంటూక్రమంగా రాబందులకు బంధువులవుతున్నాం!కుట్రలు కుతంత్రాలును ముప్పొద్దులా భోంచేస్తూక్రూరమృగాలకి చేరువవుతున్నాం..!అమ్మపాలు తాగి పెరిగిన మనంవిషాన్ని అనుక్షణంఆవాహన చేసుకుంటూకాలక్రమేణా కాల సర్పంలా మారిపోతున్నాం..!ఇదేమిరా మనిషీ!ఏమిటిలా ?! మనమెందుకిలా?! " వసుధ " 9490832787