కణ కణమున కంఠమిదే   అణువణువున నాదమిదే
మాతృభూమి మనల చూచి కోరుచున్న కోర్కె ఇదే , కోరుచున్న కోర్కె ఇదే

బీదరికం బాధలతో బాధామయ గాధలతో
ఆత్మన్యూన  భావంతో అలమటించు జాతిలోన
సామాజిక సమరసత స్వాభిమాన సంపూర్ణత
సాధించగ రారమ్మని మాతృభూమి పిలుపు ఇదే ||కణ |||

విలాసాలు విడిచిపెట్టి కులాసాలు కట్టిపెట్టి
వీరవ్రతం స్వికరించి ధ్యేయనిష్ఠ  దీక్షబూని 
సంఘటనా సూత్రముతో ధర్మరక్ష లక్ష్యమును
సాధించగ రారమ్మని మాతృభూమి పిలుపు ఇదే ||కణ |||

విశ్వశాంతి సందేశం వినిపించిన ఈ దేశం
విదేశీయ వాదంతో విధర్మీయ వికృతితో
విచ్చిన్నం కాక ముందే హిందుత్వం కాపాడగ
విక్రమించ రారమ్మని మాతృభూమి పిలుపు ఇదే ||కన ||