జటాటవీగలజ్జలప్రవాహపావితస్థలే
గలేవలమ్బ్య లమ్బితాం భుజఙ్గతుఙ్గమాలికామ్ |
డమడ్డమడ్డమడ్డమన్నినాదవడ్డమర్వయం
చకార చణ్డతాణ్డవం తనోతు నః శివః శివమ్ ||
జటాకటాహసమ్భ్రమభ్రమన్నిలిమ్పనిర్ఝరీ-
-విలోలవీచివల్లరీవిరాజమానమూర్ధని |
ధగద్ధగద్ధగజ్జ్వలల్లలాటపట్టపావకే
కిశోరచన్ద్రశేఖరే రతిః ప్రతిక్షణం మమ ||
ధరాధరేన్ద్రనన్దినీవిలాసబన్ధుబన్ధుర
స్ఫురద్దిగన్తసన్తతిప్రమోదమానమానసే |
కృపాకటాక్షధోరణీనిరుద్ధదుర్ధరాపది
క్వచిద్దిగమ్బరే మనో వినోదమేతు వస్తుని ||
జటాభుజఙ్గపిఙ్గళస్ఫురత్ఫణామణిప్రభా
కదమ్బకుఙ్కుమద్రవప్రలిప్తదిగ్వధూముఖే |
మదాన్ధసిన్ధురస్ఫురత్త్వగుత్తరీయమేదురే
మనో వినోదమద్భుతం బిభర్తు భూతభర్తరి ||
సహస్రలోచనప్రభృత్యశేషలేఖశేఖర
ప్రసూనధూళిధోరణీ విధూసరాఙ్ఘ్రిపీఠభూః |
భుజఙ్గరాజమాలయా నిబద్ధజాటజూటక
శ్రియై చిరాయ జాయతాం చకోరబన్ధుశేఖరః ||
లలాటచత్వరజ్వలద్ధనఞ్జయస్ఫులిఙ్గభా-
-నిపీతపఞ్చసాయకం నమన్నిలిమ్పనాయకమ్ |
సుధామయూఖలేఖయా విరాజమానశేఖరం
మహాకపాలిసమ్పదేశిరోజటాలమస్తు నః ||
కరాలఫాలపట్టికాధగద్ధగద్ధగజ్జ్వల-
ద్ధనఞ్జయాధరీకృతప్రచణ్డపఞ్చసాయకే |
ధరాధరేన్ద్రనన్దినీకుచాగ్రచిత్రపత్రక-
-ప్రకల్పనైకశిల్పిని త్రిలోచనే మతిర్మమ ||
నవీనమేఘమణ్డలీ నిరుద్ధదుర్ధరస్ఫురత్-
కుహూనిశీథినీతమః ప్రబన్ధబన్ధుకన్ధరః |
నిలిమ్పనిర్ఝరీధరస్తనోతు కృత్తిసిన్ధురః
కళానిధానబన్ధురః శ్రియం జగద్ధురన్ధరః ||
ప్రఫుల్లనీలపఙ్కజప్రపఞ్చకాలిమప్రభా-
-విలమ్బికణ్ఠకన్దలీరుచిప్రబద్ధకన్ధరమ్ |
స్మరచ్ఛిదం పురచ్ఛిదం భవచ్ఛిదం మఖచ్ఛిదం
గజచ్ఛిదాన్ధకచ్ఛిదం తమన్తకచ్ఛిదం భజే ||
అగర్వసర్వమఙ్గళాకళాకదమ్బమఞ్జరీ
రసప్రవాహమాధురీ విజృమ్భణామధువ్రతమ్ |
స్మరాన్తకం పురాన్తకం భవాన్తకం మఖాన్తకం
గజాన్తకాన్ధకాన్తకం తమన్తకాన్తకం భజే ||
జయత్వదభ్రవిభ్రమభ్రమద్భుజఙ్గమశ్వస-
-ద్వినిర్గమత్క్రమస్ఫురత్కరాలఫాలహవ్యవాట్ |
ధిమిద్ధిమిద్ధిమిధ్వనన్మృదఙ్గతుఙ్గమఙ్గళ
ధ్వనిక్రమప్రవర్తిత ప్రచణ్డతాణ్డవః శివః ||
దృషద్విచిత్రతల్పయోర్భుజఙ్గమౌక్తికస్రజోర్-
-గరిష్ఠరత్నలోష్ఠయోః సుహృద్విపక్షపక్షయోః |
తృష్ణారవిన్దచక్షుషోః ప్రజామహీమహేన్ద్రయోః
సమం ప్రవర్తయన్మనః కదా సదాశివం భజే ||
కదా నిలిమ్పనిర్ఝరీనికుఞ్జకోటరే వసన్
విముక్తదుర్మతిః సదా శిరఃస్థమఞ్జలిం వహన్ |
విముక్తలోలలోచనో లలాటఫాలలగ్నకః
శివేతి మన్త్రముచ్చరన్ సదా సుఖీ భవామ్యహమ్ ||
ఇమం హి నిత్యమేవముక్తముత్తమోత్తమం స్తవం
పఠన్స్మరన్బ్రువన్నరో విశుద్ధిమేతిసన్తతమ్ |
హరే గురౌ సుభక్తిమాశు యాతి నాన్యథా గతిం
విమోహనం హి దేహినాం సుశఙ్కరస్య చిన్తనమ్ || |
పూజావసానసమయే దశవక్త్రగీతం యః
శమ్భుపూజనపరం పఠతి ప్రదోషే |
తస్య స్థిరాం రథగజేన్ద్రతురఙ్గయుక్తాం
లక్ష్మీం సదైవ సుముఖిం ప్రదదాతి శమ్భుః ||
గలేవలమ్బ్య లమ్బితాం భుజఙ్గతుఙ్గమాలికామ్ |
డమడ్డమడ్డమడ్డమన్నినాదవడ్డమర్వయం
చకార చణ్డతాణ్డవం తనోతు నః శివః శివమ్ ||
జటాకటాహసమ్భ్రమభ్రమన్నిలిమ్పనిర్ఝరీ-
-విలోలవీచివల్లరీవిరాజమానమూర్ధని |
ధగద్ధగద్ధగజ్జ్వలల్లలాటపట్టపావకే
కిశోరచన్ద్రశేఖరే రతిః ప్రతిక్షణం మమ ||
ధరాధరేన్ద్రనన్దినీవిలాసబన్ధుబన్ధుర
స్ఫురద్దిగన్తసన్తతిప్రమోదమానమానసే |
కృపాకటాక్షధోరణీనిరుద్ధదుర్ధరాపది
క్వచిద్దిగమ్బరే మనో వినోదమేతు వస్తుని ||
జటాభుజఙ్గపిఙ్గళస్ఫురత్ఫణామణిప్రభా
కదమ్బకుఙ్కుమద్రవప్రలిప్తదిగ్వధూముఖే |
మదాన్ధసిన్ధురస్ఫురత్త్వగుత్తరీయమేదురే
మనో వినోదమద్భుతం బిభర్తు భూతభర్తరి ||
సహస్రలోచనప్రభృత్యశేషలేఖశేఖర
ప్రసూనధూళిధోరణీ విధూసరాఙ్ఘ్రిపీఠభూః |
భుజఙ్గరాజమాలయా నిబద్ధజాటజూటక
శ్రియై చిరాయ జాయతాం చకోరబన్ధుశేఖరః ||
లలాటచత్వరజ్వలద్ధనఞ్జయస్ఫులిఙ్గభా-
-నిపీతపఞ్చసాయకం నమన్నిలిమ్పనాయకమ్ |
సుధామయూఖలేఖయా విరాజమానశేఖరం
మహాకపాలిసమ్పదేశిరోజటాలమస్తు నః ||
కరాలఫాలపట్టికాధగద్ధగద్ధగజ్జ్వల-
ద్ధనఞ్జయాధరీకృతప్రచణ్డపఞ్చసాయకే |
ధరాధరేన్ద్రనన్దినీకుచాగ్రచిత్రపత్రక-
-ప్రకల్పనైకశిల్పిని త్రిలోచనే మతిర్మమ ||
నవీనమేఘమణ్డలీ నిరుద్ధదుర్ధరస్ఫురత్-
కుహూనిశీథినీతమః ప్రబన్ధబన్ధుకన్ధరః |
నిలిమ్పనిర్ఝరీధరస్తనోతు కృత్తిసిన్ధురః
కళానిధానబన్ధురః శ్రియం జగద్ధురన్ధరః ||
ప్రఫుల్లనీలపఙ్కజప్రపఞ్చకాలిమప్రభా-
-విలమ్బికణ్ఠకన్దలీరుచిప్రబద్ధకన్ధరమ్ |
స్మరచ్ఛిదం పురచ్ఛిదం భవచ్ఛిదం మఖచ్ఛిదం
గజచ్ఛిదాన్ధకచ్ఛిదం తమన్తకచ్ఛిదం భజే ||
అగర్వసర్వమఙ్గళాకళాకదమ్బమఞ్జరీ
రసప్రవాహమాధురీ విజృమ్భణామధువ్రతమ్ |
స్మరాన్తకం పురాన్తకం భవాన్తకం మఖాన్తకం
గజాన్తకాన్ధకాన్తకం తమన్తకాన్తకం భజే ||
జయత్వదభ్రవిభ్రమభ్రమద్భుజఙ్గమశ్వస-
-ద్వినిర్గమత్క్రమస్ఫురత్కరాలఫాలహవ్యవాట్ |
ధిమిద్ధిమిద్ధిమిధ్వనన్మృదఙ్గతుఙ్గమఙ్గళ
ధ్వనిక్రమప్రవర్తిత ప్రచణ్డతాణ్డవః శివః ||
దృషద్విచిత్రతల్పయోర్భుజఙ్గమౌక్తికస్రజోర్-
-గరిష్ఠరత్నలోష్ఠయోః సుహృద్విపక్షపక్షయోః |
తృష్ణారవిన్దచక్షుషోః ప్రజామహీమహేన్ద్రయోః
సమం ప్రవర్తయన్మనః కదా సదాశివం భజే ||
కదా నిలిమ్పనిర్ఝరీనికుఞ్జకోటరే వసన్
విముక్తదుర్మతిః సదా శిరఃస్థమఞ్జలిం వహన్ |
విముక్తలోలలోచనో లలాటఫాలలగ్నకః
శివేతి మన్త్రముచ్చరన్ సదా సుఖీ భవామ్యహమ్ ||
ఇమం హి నిత్యమేవముక్తముత్తమోత్తమం స్తవం
పఠన్స్మరన్బ్రువన్నరో విశుద్ధిమేతిసన్తతమ్ |
హరే గురౌ సుభక్తిమాశు యాతి నాన్యథా గతిం
విమోహనం హి దేహినాం సుశఙ్కరస్య చిన్తనమ్ || |
పూజావసానసమయే దశవక్త్రగీతం యః
శమ్భుపూజనపరం పఠతి ప్రదోషే |
తస్య స్థిరాం రథగజేన్ద్రతురఙ్గయుక్తాం
లక్ష్మీం సదైవ సుముఖిం ప్రదదాతి శమ్భుః ||
