మంచి మాటలు: 2020

21, డిసెంబర్ 2020, సోమవారం

శ్మశానవాటిక (జాషువా )

శ్మశానవాటిక (జాషువా విశ్లేషణ)

జాషువా కవీంద్రుని కలంనుండి జాలువారిన మరో అద్భుత ఖండకావ్యం శ్మశానవాటిక.

మానవులు జీవించి వుండగా వెళ్ళటానికి చూడటానికి యిష్టపడని ప్రదేశాలు రెండు.ఒకటి వైద్యశాల.రెండు శ్మశానం,/వల్లకాడు,/రుద్రభూమి.జాతస్య హి ద్రువం మృత్యు. పుట్టిన ప్రతి వాడు గిట్టక తప్పదు.చావును తప్పించుకున్న వాడెవ్వడూ లేడు ధరణిలో.అందరు ప్రస్దానముకేగవలసిన వారే.అయినను శ్మశానం అనే పేరు వినగానే మనస్సు కీడు శంకిస్తుంది.ఏదో భీతి,మదిలో గుబులు. రాత్రుళ్ళూ, మధ్యాహ్నం అటువైపు వెళ్ళటానికే జంకు. అట్టి శ్మశానాన్ని తన కవితా వస్తువుగా ఎంచుకున్నాడు జాషువా కవి. కవి ఎప్పుడూ తనచుట్టూ ఉన్న లోకాన్ని ఇతరులకన్న భిన్నంగా, లోతుగా గమనిస్తాడు, అర్ధం చేసుకుంటాడు. తన భావాలను అక్షరరూపంలో పాఠకుల ముందుంచుతాడు.

శ్రీశ్రీ తన మహప్రస్ధానములో ఒకచోట అంటాడు కుక్కపిల్ల,సబ్బుబిళ్ల,అగ్గిపుల్ల.... కాదేది కవిత కనర్హం..."'.

అంతకు కొన్ని దశాబ్దాలముందే,అవునవును శ్మశానం కవితకు అర్హం అంటూ జాషువా ఈ ఖండకావ్యాన్ని లిఖించాడు.ఈ కావ్యంలోని పద్యాలలోని పదభావం సూటిగా పాఠకుని హ్రుదయం లోతుల్లోనికి చొచ్చుకెళ్లి,గుండె బరువెక్కుతుంది,వైరాగ్యభావం దోబుచులాడుతుంది.జీవిత చరమాంకసత్యాన్ని కళ్ళెదుట నిలుపుతుంది.ఈ ఖండకావ్యంలో 8 పద్యాలున్నాయి.అన్ని అణిముత్యాలాంటి పద్యాలే.

దువ్వురి వారి పానశాలలో ఒకచోట కవి...అంతం లేని ఈభువనమంతయు ఒకవిశాల పాంధశాల, విశ్రాంతి గృహం,అందు ఇరుసంజెలు రంగుల వాకిలిల్.........కొంత సుఖించి పోయిరెటకో , అంటాడు.

జాషువ ఈకావ్యం మొదటీ పద్యంలో ఈవిషయాన్నే ప్రస్తావిస్తు,ఈ శ్మశానవాటికలో కొన్నివందల,వేల ఏండ్లగా నిద్రిస్తున్నవారు ఒక్కరుకూడా లేచి రాలేదు కదా అంటు ప్రారంభించాడు.ఇంకా ఎన్ని సంవత్సరాలు ఈచలనంలేని నిద్ర అంటూ వాపోతున్నాడు.ఈ రుద్రభూమిలో తమబిడ్దలను పొగొట్టుకున్న తల్లుల రోదనలతో నిండిన కన్నీళ్ళకు వల్లకాడులోని రాళ్లు క్రాగిపోయ్యాయి అని చింతిస్తున్నాడు. కవిహృదయం చూడండి.

ఎన్నో యేండ్లు గతించిపోయినవి గానీ,యీ శ్మశానస్ధలిన్

గన్నుల్ మోడ్చిన మందభాగ్యుడొకఁడైనన్ లేచిరాఁ,డక్కటా!

యెన్నాళ్ళీచలనంబులేని శయనం? బేతల్లు లల్లాడిరో!

కన్నీటంబడి క్రాఁగిపోయినవి నిక్కంబిందు పాషాణముల్

ప్రకృతిగతి తప్పి,ఆకాశంలో కారుమబ్బులు కమ్మిచిమ్మచీకటీ నిండి,దయ్యాలు,గూడ్లగూబలు చెరలాడుచు,కాకులు ముకమ్మిడిగా గోలచేసిన జనవాసం భితిల్లుతుంది.కాని ఈ శ్మశానవాటికలో భీతికి తావేలేదు.అంతా నిశ్సబ్దం....శ్మాశాన నిశ్సబ్దం.....

కవికలం ఎమంటున్నది.?

ఆకాశంబున కారుమబ్బుగము లాహారించె,దయ్యాలతో

ఘూకంబుల్ చెరలాడసాఁగినవి;వ్యాఘోషించె నల్దిక్కులన్

గాకోలంబులు ; గుండెఝల్లుమనుచున్నంగాని యిక్కాటియం

దా కల్లాడిన జాడలే;దిచ్చట సౌఖ్యం బెంత క్రీడించునో!

ఈ రుద్రభూమికి చెడ్డవాడు,మంచివాడనే తేడాలేదు.యాజమాని,సేవకుడనే వ్యత్యాసంలేదు.హతుడు హంతకుడు యిద్దరు సమానమే ఈ నేలలో.కవి,రాజు,లేత యిల్లాలి మాంగల్యం,చిత్రకారుడు ఎవ్వరైతేనేమి ఆయ్యుస్సు తీరాక యిక్కడ విశ్రమించవలసిన వారే!.సృష్టికి లయకారుడు శివుడు.ఆయనకిష్టమైనది తాండవం.అట్టి శివతాండవానికి అనువైనది ఈ శ్మశానవాటిక కన్నమిన్న ఏమున్నది. ఈ వాటిక శివుడు తన పిశాచఅనుచరగణంతో నాట్యమాడు రంగస్ధలమంటున్నడు కవి. అంతేకాదు ఈ రుద్రభూమి మరణదూత భూమిని పాలించు బూడితతో చేసిన సింహసనమట! ఎంతలోతు భావం కవిది.

కవిహృదయం ఏమంటుందో చూడండి.

ఇచ్చోటనే సత్కవీంద్రుని కమ్మని

కలము,నిప్పులలోనఁగఱగిఁపోయె !

యిచ్చోట;నే భూము లేలు రాజన్యుని

యధికారముద్రిక లంతరించె!

యిచ్చోట; నే లేఁత యిల్లాలి నల్లపూ

సలసౌరు,గంగలోఁగలిసిపోయె!

యిచ్చోట; నెట్టి పేరెన్నికం గనుఁగొన్న

చిత్రలేఖకుని కుంచియ,నశించె!

ఇది పిశాచులతో నిటాలేక్షణుండు

గజ్జె గదలించి యాడు రంగస్ధలంబు;

ఇది మరణదూత తీక్షణమౌ దృష్టు లొలయ

నవనిఁ బాలించు భస్మసింహాసనంబు

రాత్రి సమయం...తిమిరం నిండిన శ్మశానం....నిశ్శభ్దం రాజ్యమేలు వేళ....ఆ మూల కొత్తసమాధి....సమాధిపై ఆముదపుదీపం, కదులుతున్న మిణుగురులా రెపరెపలాడుచూ వెలుగు చున్నది. అరే! అదేమిటి? ప్రమిదలో అముదం నిండుకున్నను ఇంకా దివ్వె వెలుగుచున్నదేమి?! ఆ సమాధిలో నిద్రిస్తున్న అభాగ్యురాల యొక్కహృదయం కాబోలు ఆ దివ్వె వెలుగు!?....పాఠకుని గుండెను సూటిగా తాకి ఆర్ధ్రమైయ్యే భావం.ఈలాంటి భావన చెయ్యడం చేయ్యితిరిగిన కవికే సాధ్యం.

ముదురు తమస్సులో మునిఁగిపోయిన క్రొత్త సమాధిమీదఁ బై

బొదలు మిణుంగురుబురువు పోలిక వెల్గుచున్నదివ్వె,ఆ

ముద ముడివోయినన్ సమసిపోవుట లేదది దీప మందుమా?

హృదయము సుమ్మి,నిల్పిచనియె న్గతపుత్రిక,యే యభాగ్యయో

కవితా సుధలోలికించిన కవులకలాలు, శ్రవణాందకరమైన గాయకుల కమ్మని కంఠస్వరాలు ... ఇదిగో ఈ శ్మశాన పూవాటికలో విశ్రమించాయి.పంచభౌతికమైన ఈ మేను కడకు ప్రకృతిలో కలసి పోవల్సినదే.అందులో మమైకం కావలసినదే.పుట్టుక కూడా తల్లిగర్భం నుంచే అయ్యినను,తల్లికూడా ప్రకృతి జనీతమే కదా.మట్టిలో ఖననము చెయ్యబడిన తనువు క్రమంగా కృషించి,నశించి,జీర్ణించి మట్టీలో మట్టిగా కలసిపోతుంది.మట్టిరేణువులలలో రేణువులుగా కలసిపోవును.ఔను నిక్కమే కదా!.అదిగో ఆ కుమ్మరి సారె మీదున్న మట్టిముద్దలో అల్నాటి సుకవులు కాళిదాసు,భారవుల మృతరేణువులు కలసి వున్నాయేమో కదా!.

మరి కవిమనస్సు ఏమంటున్నది.

కవుల కలాలు,గాయకుల కమ్మని కంఠము లీ సశ్మశానపుం

గవనులఁ ద్రొక్కి చూచెడి;నొకానొకనాఁడల కాళిదాస భా

రవుల శరీరముల్ ప్రకృతిరంగమునం దిపు డెంత లేసి రే

ణువు లయి మృత్తికం కలిసెనో కద! కుమ్మరి వాని సారె పై.

శ్మశానవాటిక వాకిటనుంచొని ఒకపర్యాయం పరికించి చూచిన మనగుండెలు తర్కుపోతాయి.మన మనస్సు కరిగినీరై పోతుంది ఆమూలనున్న అన్నెం పున్నెం ఎరుగని వయస్సులోనే మృత్యువు గర్భంలో చేరిన చిన్నారుల గోరిలను చూస్తే.ఆ పిల్లల సమాధులలో ఏచిన్నారి పొన్నారిరూపసి తనువు చాలించిందో? ఏ ముద్దులు మూటలుకట్టు రూపసి అలసిసొలసి నిద్రిస్తున్నదో.ఏ తల్లి లీలావతి కడుపుతీపి దాగున్నదో?

ఆలోకించిన గుండిల్గరగు; నాయా పిల్ల గోరీలలో

నే లేబుగ్గల సౌరు రూపరియెనో!యేముద్దు నిద్రించెనో!

యే లీలావతి గర్భగోళమున వహ్నిజ్వాల జీవించునో?

యీలోకంబున వృద్ధిగాదగిన యేయే విద్య లల్లాడునో?

వల్లకాడులో అస్పృశ్యతకు తావు లేదు.ఏ మతమైన,ఏ కులమైన,ఏ వర్ణమైన ఇక్కడ ఒక్కటే. అందరిని స్వీకరించడంలో సమతా భావం.పులిపక్కన సాధుజంతువు మేకను జేర్చి బుజ్జగించి,వూరడించు అభేదభావనావని ఈ శ్మశానభూమి.

ఇట నస్పృశ్యత సంచరించుటకు దావేలేదు;విశ్వంభరా

నటనంబున్ గబలించి గర్భమున విన్యస్తంబు గావించి, య

త్కటంపు బెబ్బులితోడ మేకఁ నొక్క పక్కజేర్చి జోకొట్టి యూ

ఱట గల్పించు నభేదభావమును, ధర్మం బిందుఁ గారాడెడిన్

మారుతున్న,పరిగెడుతున్న కలికాలంలో ఆర్థికఅవసరాలు,ధనవ్యామోహం-రక్తబంధాలను,పాశాలను త్రెంచుతున్నాయి.తమను కని,అల్లారు ముద్దుగా పెంచి,పోషించిన తల్లిదండ్రులను వృధ్యాపంలో,బ్రతికి వుండగానే వల్లకాటిలో అర్ధరాత్రి వదలివెళ్ళూచున్న రోజులివి.ఆలాంటప్పుడు అనాథ పేదవాని మృతశరీరాన్ని పట్టించుకొని,ఖననముచెయ్యు దాతలెందరు?.అన్నింటికన్న దారుణమైనది,భయంకరమైనది దరిద్రం/పేదరికం. శ్మశానంలో ఖననానికి నోచుకోని ఒక అనాథపీనుగను గూర్చి కవి ఎంత హృదయఆర్తితో వర్ణించాడో.అది కవి వేదనకాదు...పాఠకుని హృదయ ఘోష...కాదందురా?

వాకొనరాని గొప్ప ధనవంతుని నిద్దపుఁ బాలరాతి గో

రీకడఁ బారవేయబడి ప్రేలికలం బొరలాడు ప్రేత మే

యాకటి చిచ్చునన్ గుమిలి,యార్చి,గతించిన పేదవాని దౌ

నో కద! వానికై వగవఁ డొక్కదండు; దాఁచదు కాటినేలయున్

20, డిసెంబర్ 2020, ఆదివారం

తిన్నవా లేదా అనిఅడిగానా ఎపుడైనా..

శ్రీమతి గారికి జన్మదిన శుభాకాంక్షలు

పన్నెండేండ్ల మన జీవన ప్రయాణంలో నేను...

తిన్నవా లేదా అనిఅడిగానా ఎపుడైనా..

నడుం వాల్చలేదేమని అన్నానా ఎపుడైనా..

ముసురువేళ వేడివంట తిన్నానేగానీ

నీ ప్రేమకింత రుచిఉందని అన్నానా ఎపుడైనా..

జడలో మల్లెల వాసన పీల్చానే గానీ

తన మనసులోని పరిమళాన్ని చూసానా ఎపుడైనా..

బండచాకిరీ నీదని భావించానే గానీ

తన అలసట తుడిచి ముద్దు పెట్టానా ఎపుడైనా..

అర్దాంగివి కావు నీవు అనురాగ దేవతవు

రసరాజై ఈ నిజాన్ని రాస్తానా ఎపుడైనా..

ఈ గజలును నేనై కూస్తానా ఎపుడైనా...

రచన: శ్రీ రసరాజు

జన్మదిన సందర్భంగా గురువుగారు రచించిన ఈ గజల్ నా ప్రేమ కానుకగా నీకోసం...

13, డిసెంబర్ 2020, ఆదివారం

తెలుగు వాడు.. వెలుగు వాడు..

అరయ తెలుగువాడు – వరి వంగడము వోలె

వేరు చోట నాట వృద్దిచెందు

అభ్యుదయము నందు –అన్యదేశము నందు

ఆంధ్ర ప్రతిభ వేగ అతిశయించు!!

(---నండూరి రామకృష్ణమాచార్య)

12, డిసెంబర్ 2020, శనివారం

వీరగంధముఁ దెచ్చినారము

న భూతో న భ భవిష్యతి....... 'కవిరాజు' త్రిపురనేని రామస్వామి చౌదరి

వీరగంధము....

వీరగంధముఁ దెచ్చినారము

వీరుఁ డెవ్వఁడొ తెల్పుఁడీ!

పూసి పోదుము, మెడను వైతుము

పూలదండలు భక్తితో!!

తెలుఁగు బావుట కన్ను చెదరఁగ

కొండవీఁటను నెగిరినప్పుడు

తెలుఁగువారల కత్తిదెబ్బలు

గండికోటను కాచినప్పుడు

తెలుఁగువారల వేఁడినెత్తురు

తుంగభద్రను గలసినప్పుడు

దూరమందున నున్న సహ్యజ

కత్తినెత్తురు కడిగినప్పుడు

ఇట్టి సందియ మెన్నఁడేనియుఁ

బుట్టలేదు రవంతయున్‌!

ఇట్టి ప్రశ్నల నడుగువారలు

లేకపోయిరి సుంతయున్‌.

నడుముగట్టిన తెలుఁగుబాలుఁడు

వెనుక తిరుగం డెన్నఁడున్‌,

బాసయిచ్చిన తెలుఁగుబాలుఁడు

పాఱిపోవం డెన్నఁడున్‌.

ఇదిగొ! యున్నది వీరగంధము

మై నలందుము మైనలందుము;

శాంతిపర్వముఁ జదువవచ్చును

శాంతిసమరం బైనపిమ్మట.

తెలుఁగునాఁటిని వీరమాతను

జేసిమాత్రము తిరిగి రమ్మిఁక,

పలుతుపాకులు పలు ఫిరంగులు

దారి కడ్డము రాకతప్పవు

వీరగంధముఁ దెచ్చినారము

వీరుఁ డెవ్వఁడొ తెల్పుఁడీ!

పూసిపోదుము, మెడను వైతుము

పూలదండలు భక్తితో!!

(ఏవీ నాటి ఆ సౌరభాలు ?)

8, డిసెంబర్ 2020, మంగళవారం

శ్యామలా దండకం

మాణిక్యవీణా.. ముఫలాలయంతీం

మదాలసాం మంజులవాగ్విలాసామ్

మాహేంద్రనీలద్యుతి కోమలాంగీమ్

మాతంగకన్యామ్ మనసా స్మరామి

చతుర్భుజే చంద్రకళావతంసే.. ఏ..

కుచోన్నతే కుంకుమరాగశోణే.. ఏ..

పుండ్రేక్షు పాశాంకుశ పుష్పబాణహస్తే

నమస్తే... జగదేకమాతః... జగదేకమాతః

మాతా.. మరకతశ్యామా మాతంగీ మధుశాలినీ

కుర్యాత్కటాక్షం కళ్యాణీ కదంబవనవాసినీ

జయ మాతంగతనయే.. జయ నీలోత్పలద్యుతే

జయ సంగీతరసికే.. జయ లీలాశుకప్రియే

జయ జనని...

సుధాసముద్రాంతరుద్యన్మణీద్వీపసంరూఢ

బిల్వాటవీమధ్యకల్పద్రుమాకల్ప

కాదంబ కాంతారవాసప్రియే... కృత్తివాసప్రియే

సాదరారబ్ధ సంగీతసంభావనాసంభ్రమాలోలనీపస్రగాబద్ధచూలీసనాథత్రికే సానుమత్పుత్రికే శేఖరీభూతశీతాంశురేఖామయూఖావలీబద్ధసుస్నిగ్ధనీలాలకశ్రేణిశృంగారితే లోకసంభావితే

కామలీలా ధనుస్సన్నిభ భ్రూ లతా పుష్ప సందేహ కృచ్చారు గోరోచనా పంకకేళీ లలామాభిరామే.. సురామే.. రమే

సర్వ యంత్రాత్మికే.. సర్వ తంత్రాత్మికే

సర్వ మంత్రాత్మికే.. సర్వా ముద్రాత్మికే

సర్వ శక్త్యాత్మికే.. సర్వ చక్రాత్మికే

సర్వ వర్ణాత్మికే.. సర్వ రూపే

జగన్మాతృకే... హే... జగన్మాతృకే

పాహి మాం.. పాహి మాం.. పాహి... పాహి

2, డిసెంబర్ 2020, బుధవారం

స్నేహితుండులేని జీవితంబు/

*మిత్రాయనమః*

"అరే, ఒరే, ఒసే, ఏమే, ఏరా, /

అనెడి మిత్రుండొకడుండిన చాలు/

వృద్ధాప్యంబున, అదెనొసంగునారోగ్యంబు/

మిత్రాయనమః/(1)

స్నేహితుండులేని జీవితంబు/

తైలంబు లేని దీపంబు, దినకరుండు లేని/

దినంబు, ఉప్పులేని పప్పు వ్యర్ధంబు/

మిత్రాయనమః!/(2)

"ఔషధంబుకానౌషధౌంబు/

మనంబునకు శాంతినొసంగు/

తెలతెలవారంగ 'ఏరా, ఏమే' అని వినంగ/

మిత్రాయనమః/(3)

"దేశంబులనున్న, దేవళంబుననున్న/

సంతలోననున్న, సభలలోననున్న/

'ఏరా'యని వినంగ తృళ్ళిపడు తేటపడు/

మానసంబు, మిత్రుని పలుకు చెవిని పడ/

మిత్రాయనమః/(4)

"పూర్వజనమ పుణ్యంబున దొరకు/

ఏరాయను బాల్యమిత్రుండు,/

వృద్ధాప్యంబున పలుకరించ/

అమృతము చిలకరించు పలుకు/

అదిలేని జనమంబు దరిద్రమ్ము/

మిత్రాయనమః/(5)॥

"నిదుర లేవంగ 'ఏరా' లేనిచో/

సగము ప్రాణంబులు పోవు/

తీపి గురుతులే మిగులు/

దిగులు చెంద దినంబులు భారంబుగ/

మిత్రాయనమః!"(6).

మితృలందరికీ అంకితం! 🙏

స్నేహితుండులేని జీవితంబు/

*మిత్రాయనమః*

"అరే, ఒరే, ఒసే, ఏమే, ఏరా, /

అనెడి మిత్రుండొకడుండిన చాలు/

వృద్ధాప్యంబున, అదెనొసంగునారోగ్యంబు/

మిత్రాయనమః/(1)

స్నేహితుండులేని జీవితంబు/

తైలంబు లేని దీపంబు, దినకరుండు లేని/

దినంబు, ఉప్పులేని పప్పు వ్యర్ధంబు/

మిత్రాయనమః!/(2)

"ఔషధంబుకానౌషధౌంబు/

మనంబునకు శాంతినొసంగు/

తెలతెలవారంగ 'ఏరా, ఏమే' అని వినంగ/

మిత్రాయనమః/(3)

"దేశంబులనున్న, దేవళంబుననున్న/

సంతలోననున్న, సభలలోననున్న/

'ఏరా'యని వినంగ తృళ్ళిపడు తేటపడు/

మానసంబు, మిత్రుని పలుకు చెవిని పడ/

మిత్రాయనమః/(4)

"పూర్వజనమ పుణ్యంబున దొరకు/

ఏరాయను బాల్యమిత్రుండు,/

వృద్ధాప్యంబున పలుకరించ/

అమృతము చిలకరించు పలుకు/

అదిలేని జనమంబు దరిద్రమ్ము/

మిత్రాయనమః/(5)॥

"నిదుర లేవంగ 'ఏరా' లేనిచో/

సగము ప్రాణంబులు పోవు/

తీపి గురుతులే మిగులు/

దిగులు చెంద దినంబులు భారంబుగ/

మిత్రాయనమః!"(6).

మితృలందరికీ అంకితం! 🙏

28, నవంబర్ 2020, శనివారం

జిడ్డు కృష్ణమూర్తి గారి పై బుర్రకధ

జిడ్డుకృష్ణమూర్తి గారి కథని బుర్రకథగా రాశాను. రాజశేఖర్ (మా ఆయన) పాట బీట్ కి లేదా ట్యూన్ కి తగినట్లుగా కొంత మార్చాడు పాటలని. కొద్దిగా సంగీతం తెలిసిన వారికి వీటిని పాడటం చాలా ఈజీ. తెలియకపోయినా పాడుతూ బుర్రకథని రక్తి కట్టించవచ్చు.

ఆ పరిపూర్ణ మానవతామూర్తి జిడ్డు కృష్ణమూర్తి గురించి ఈనాటి తరం పిల్లలు అందరికీ తెలియాలి. టీచర్లూ, మీ స్కూల్లో పిల్లల చేత ఈ బుర్రకథని చెప్పించాలని కోరుకుంటున్నాను.

కళాకారులందరికీ ఈ బుర్రకథని షేర్ చేయండి ఫ్రెండ్స్! - మీ రాధ మండువ

********************************************

పరిపూర్ణ మానవతామూర్తి - జిడ్డు కృష్ణమూర్తి

బుర్రకథ – రచన : రాధ మండువ

పాత్రలు :

కథకురాలు - రాధక్క

వంతలు - రమ, రాజు ("తందాన తాన" ఇంకా "సై" అని అంటూ ఉంటారు)

***

రాధక్క : జయము జయము తెలుగుతల్లీ జయము జయమూ నీకమ్మా - తందాన తాన

జయము జయము ఆంధ్రమాతా జయము శుభములనివ్వమ్మా - తందాన తాన

చదువులనిచ్చేటి దయగలతల్లీ - జ్ఞానము నీవమ్మా - తందాన తాన

సంపదలిచ్చేటి శ్రీ మహాలక్ష్మి కరుణజూపవమ్మా తందాన తాన

తరికిట ఝం తరిత .. త.. త.. త..

రమ,రాజు : తందాన తానా దేవనందనా, దేవనందనానా

తందాన తానా దేవనందనా, దేవనందనానా

తరికిట ఝం తరిత .. త.. త.. త..

రాజు : రాధక్కా, ఈరోజు ఏం కథ చెప్పబోతున్నావు?

రమ : మదనపల్లి లో పేరొందిన ఒక బడి ఉంది కదా తమ్ముడూ, ఆ బడి పేరేమిటో తెలుసా?

రాజు : తెలియదు. ఏం పేరు?

రమ : చిత్తూరు జిల్లాకి గౌరవాన్ని తెచ్చిన బడి - రిషీవ్యాలీ బడి.

రాజు : హేమిటీ!? ప్రేమ కార్యాలు జరిపే మదనుడి పేరు పెట్టుకున్న మదనపల్లిలో రుషుల పేరుతో రిషీవ్యాలీ స్కూలా? అదెట్లా కుదురుతుందీ? ఏందక్కా, చెల్లి అనేది?

రాధక్క : మంచి జోక్ తమ్ముడూ. నిజంగానే మన చెల్లి చెప్పింది నిజం. ఆ బడి చిత్తూరు జిల్లాకే గర్వకారణం. భారతదేశం నించే కాకుండా ఇతర దేశాల నుంచి కూడా విద్యార్థులు వచ్చి ఆ బడిలో చదువుకుంటారు. అదే రిషీవ్యాలీ బడి. దాన్ని ‘World Teacher’ అని పిలవబడే పరిపూర్ణ మానవతామూర్తి జిడ్డు కృష్ణమూర్తి గారు స్థాపించారు.

పుణ్యక్షేత్రమైన తిరుపతి నుండి మదనపల్లి గుండా అనంతపురం వరకు వ్యాపించిన కొండలు, ఆ కొండల మధ్య లోయలు - ఆ లోయల్లో ఒక లోయ రిషీవ్యాలీ లోయ. అక్కడ చింత, కానుగ, మద్ది, తంగేడు, పలవరేణి, ఆకాశమల్లి లాంటి అనేక రకాలైన చెట్లు చిక్కటి ఛాయలను పరచి వాతావరణాన్ని చల్లగా ఉంచుతాయి. అక్కడ గడ్డిపువ్వులు కూడా వివిధ వర్ణాలతో అలరారుతుంటాయి. ఆ ప్రదేశంలో ఉన్న ఓ బ్రహ్మాండమైన మర్రిచెట్టుని చూసిన కృష్ణమూర్తిగారు బడికి అదే అనువైన ప్రదేశం అనుకున్నారు. అక్కడ రిషీవ్యాలీ బడిని స్థాపించారు.

రాజు : నువ్వు చెప్తుంటేనే ఆ ప్రదేశాన్ని చూడాలనిపిస్తోందక్కా. ఆ ప్రేమమూర్తి కథ చెప్తావా వింటాము.

రాధక్క : అలాగే తమ్ముడూ,

బంగరుఛాయల బిడ్డల్లారా - బిడ్డలగన్న తల్లుల్లారా

అయ్యల్లారా అమ్మల్లారా - వింటారా ఈ కథనూ... వింటారా ఈ కథనూ...

రమ, రాజు : ఊఁ ఎందుకు వినం ?

రాధక్క : మీరు కూడా వినండి ప్రజలారా ఆ కరుణామూర్తి కృష్ణమూర్తి గాథ - జిడ్డు కృష్ణమూర్తి గాథ //తందాన తానా//

రాధక్క : దక్షిణభారతదేశంలోని ఆంధ్రప్రదేశ్ రాష్ట్రంలో చిత్తూరు జిల్లా ఉన్నది. ఆ జిల్లాలో అతి పురాతన శిలారూపాలుగా భావించబడుతున్న రాతికొండల మధ్య ఒదిగి ఉండే ఊరు మదనపల్లి. మదనపల్లిలో కాపురముంటున్న నారాయణయ్య, సంజీవమ్మ దంపతులకు ఎనిమిదవ సంతానంగా జన్మించాడు మన కృష్ణమూర్తి.

రమ : దేవకీ వసుదేవులకి అష్టమసంతానం సాక్షాత్తూ శ్రీ కృష్ణుడు, అందుకేనేమో ఈయనకి కూడా కృష్ణమూర్తి అని పేరు పెట్టుకున్నారు.

రాజు: ఆ కృష్ణుడు భగవద్గీతను బోధించి మనుషులకి మోక్షాన్ని ప్రసాదించాడు. మరి ఈయనో...!?

రాధక్క : ఈయన కూడా అంతటి గొప్పవాడే తమ్ముడూ. మనుషులకుండే అనేక రకాలైన బాధల్నించి, భయాల్నించి - తమ ఆలోచనలతో తామే తయారుచేసుకున్న పంజరాల నించి - వారిని విముక్తులని చేయాలన్నదే లక్ష్యంగా బ్రతికారు.

రాజు : ఎంత గొప్ప విషయం అక్కా! ఇప్పుడు, ఆయన్ని గురించి తెలుసుకోవాలని ఆసక్తిగా ఉంది.

రమ : అయితే శ్రద్ధగా విను. వసపిట్టలా ఒకటే ప్రశ్నలు అడుగుతుంటివి. కథ సాగేదెలా?

రాజు : నువ్వే కదా కృష్ణుడు - కృష్ణమూర్తి అని పేర్లు ఎత్తి మధ్యలో అడ్డుపడిందీ? నన్నంటావు అదేమంటే. (బుంగమూతి పెట్టుకుంటాడు. రమ ఏదో చెప్పబోతుంటే రాధక్క అడ్డుపడి) -

రాధక్క : ఊరుకో చెల్లీ! తమ్ముడూ, మీరిట్లా వాదులాడుకుంటుంటే ఎలా? మీరు ఆపితే కథ చెప్పడం మొదలుపెట్టుకుందాం!

(సరే అక్కా అంటూ ఇద్దరూ తలలు ఊపుతారు)

రాధక్క : వినరా సోదరా ఈ పుణ్యమూర్తి, కృష్ణమూర్తి గాథా //తందాన తానా//

మానవ జాతికి మంచిని చెప్పిన తత్త్వవేత్త గాథా //తందాన తానా//

తరికిట ఝం తరిత!

ఆ నారాయణయ్య సంజీవమ్మ దంపతులకు మే 11, 1895 న కృష్ణమూర్తి గారు జన్మించారు. ఆ తర్వాత వాళ్ళకి మరో అబ్బాయి పుట్టాడు. అతని పేరు నిత్యానంద. కృష్ణమూర్తిగారికి పదేళ్ళ వయసు ఉన్నప్పుడు పాపం తల్లి సంజీవమ్మ మరణించింది.

రమ, రాజు : అయ్యో పాపం!

రాధక్క : గొప్పా ఇంటా పుట్టిన బిడ్డా... //ఆఁ...//

అభం శుభం ఎరుగని బిడ్డా... //ఆయ్ ...//

ముందు వెనకా చూడకుండా... //ఆఁ...//

చేతిన ఉన్నది ఇచ్చే బిడ్డా... //ఆయ్ ...//

అలాంటి ఆ బిడ్డకి అంత చిన్న వయసులోనే తల్లి మరణించడం - ఎంత కష్టం తండ్రీ!

రమ, రాజు : అయ్యో, అయ్యొయ్యో! ఎంత కష్టం వచ్చింది తండ్రీ!!

రాధక్క : తండ్రి సంరక్షణలోనే బిడ్డలందరూ పెరిగి పెద్దవాళ్ళవుతున్నారు. తమ్ముడు నిత్యానందని కృష్ణమూర్తి ఎప్పుడూ విడిచి ఉండేవాడు కాడు. ఇద్దరూ కలసిమెలసి ఆడుకునేవారు. ఇలా ఉండగా కొన్నాళ్ళకి తహసిల్దారైన నారాయణయ్య రిటైరై పోయారు.

పిల్లలు చూస్తే చిన్నపిల్లలాయె. బాధ్యతలు తీరలేదయ్యే. అందుకని నారాయణయ్య మద్రాసు లోని థియోసాఫికల్ సొసైటీలో చిరుద్యోగిగా చేరాడు.

రాజు : థియోసాఫికల్ సొసైటీనా? ఏమిటక్కా అది?

రాధక్క : అదొక ఆధ్యాత్మిక సంస్థ నాయనా. ఒకే ఆలోచన కలిగిన వాళ్ళంతా పెట్టుకున్న సంస్థ. దాన్నే దివ్యజ్ఞాన సమాజం అని కూడా పిలుస్తారు. నారాయణయ్య అక్కడ ఉద్యోగంలో చేరినప్పుడు ఆ సంస్థకి అధ్యక్షురాలు అనిబిసెంట్ అనే ఆవిడ. ఆవిడ గురించి కూడా మనం చెప్పుకోవాలి రా తమ్ముడూ...

ఆమె బ్రిటీష్ దేశ వనిత. అయినా కూడా...

భారతదేశం క్షేమం కోరెను // తళాంగు తకథిమి తకిట తకిట తకతా//

తెల్లదొరలకి ఎదురు తిరిగెను //తళాంగు తకథిమి తకిట తకిట తకతా//

తిలక్ గారితో కలిసి నడిచెను //తళాంగు తకథిమి తకిట తకిట తకతా//

హోమ్ రూలును ప్రారంభించెను //తళాంగు తకథిమి తకిట తకిట తకతా//

అంతకంటే ముఖ్యంగా ఈమె గొప్ప తాత్త్వికవేత్త. నిరంతరం యోగసాధన, ధ్యానసాధన చేసుకుంటూ ఉండటమే కాక దేశదేశాల్లో ఉపన్యాసాలు ఇస్తూ ఉండేది. చురుకైన మహిళ. కృష్ణమూర్తిని పెంచిన తల్లి.

రాజు : అవునవును ఈమె నాకు తెలుసు. స్వాతంత్య్రోద్యమంలో బ్రిటీష్ వారికి వ్యతిరేకంగా హోమ్ రూల్ ఉద్యమాన్ని చేపట్టిన వనిత అని చదువుకున్నాను. అయితే ఈమేనా కృష్ణమూర్తిగారిని పెంచిందీ!?

రాధక్క : అవును తమ్ముడూ. అందరి కష్టాలూ తీర్చే జగద్గురువు లోకంలోకి రాబోతున్నాడనీ, అతన్ని దివ్యజ్ఞాన సమాజం వెతికి, గుర్తించి, ప్రపంచానికి పరిచయం చేయాలని అనిబిసెంట్ నమ్మింది. ఈ సంస్థలోనే మరో ప్రముఖవ్యక్తి లెడ్ బీటర్ అనే అతను. ఇతను చాలా అద్భుత శక్తులు కలవాడు అని అందరూ అనుకునేవారు. అనిబిసెంట్ తో పాటు లెడ్ బీటర్ ఇంకా ఇతర సభ్యులు - అందరూ కూడా రాబోయే జగద్గురువు కోసం చూస్తున్న తరుణం అది.

ఆ సమయంలో లెడ్ బీటర్ - చూశాడండీ కృష్ణమూర్తిని. ఆ బంగారు తండ్రి ని చూడగానే ఎలా అనిపించదయ్యా లెడ్ బీటర్ గారికి -

విశాలమైనా ఫాలభాగము // థిమికిట థిమికిట థిమికిట థా //

అనంతమైన నిర్మలత్వమూ // కిటథిమి కిటథిమి కిటథిమి థా //

సున్నితమైన శరీర తత్త్వం // థిమికిట థిమికిట థిమికిట థా //

లోక మనోహర చిద్వీ లాసం // కిటథిమి కిటథిమి కిటథిమి థా //

రాజు : అయితే చూడ్డానికి ముద్దుగా, మురిపెంగా ఉన్నాడంటావ్...అంతేనా

రాధక్క : అంతేనా అంటే అంతే కాదు... అసలు విషయం వినండి మరి...

వెలుగులీనుతున్న కాంతి // సై //

వేరే లోకపు భ్రాంతి // సై //

మెరిసిపోతున్నా తేజస్సూ కల్మషం లేని ఓజస్సూ

// తరికిట ఝం తరిత//

బీచ్ లో తమ్ముడు నిత్యానందతో కలిసి ఆడుకుంటున్న కృష్ణమూర్తిని చూశాడు లెడ్ బీటర్. చూడగానే ఈ బాలుడు సామాన్యుడు కాదని అనుకున్నాడు. ఇతడే లోకానికి వచ్చిన జగద్గురువు అని నిర్ణయం చేసేశాడు. సభ్యులందరికీ ఈ బాలుని చూపించి విషయం చెప్పాడు.

రాజు : తర్వాతేం జరిగిందక్కా?

రాధక్క : ఎంతో కాలంగా ఎదురు చూసి చూసి ఇప్పటికి దొరికిన ఈ ప్రపంచగురువుని అనిబిసెంట్ తల్లిలా ఆదరించింది. ఆధ్యాత్మిక శిక్షణ ఇవ్వాలని నిర్ణయించుకుని, నారాయణయ్య గారి అనుమతితో కృష్ణమూర్తిని, నిత్యానందని దత్తత తీసుకుంది.

జగద్గురువు అవబోతున్న కృష్ణమూర్తి లోకానికి తన బోధలని వినిపించాలంటే అతను శక్తివంతమైన, అపురూపమైన వ్యక్తిత్వాన్ని కలిగి ఉండాలని అనిబిసెంట్ అనుకుంది.

రాజు : ఆధ్యాత్మిక శిక్షణ అంటే ఏమిటక్కా

రాధక్క : పూర్వం లోకంలో ఉండే యోగుల గురించీ, వారి జీవన విధానాల గురించీ, ధ్యాన యోగ సాధనల గురించి - ఇలా ఎన్నో తాత్త్విక విషయాల గురించి తెలియచెప్పడం తమ్ముడూ.

శిక్షణ మొదలైంది. ఈలోపు, జగద్గురువు తన కార్యక్రమాలు నిర్వహించడానికి ప్రత్యేక సంస్థని, ఆయన బోధనలని ప్రజలు వసతిగా కూర్చుని వినడానికి గాను అనేక నగరాల్లో సభాప్రాంగణాలను నిర్మించాలని అనిబిసెంట్ నిర్ణయించుకుంది. 'ఆర్డర్ ఆఫ్ ది స్టార్ ఆఫ్ ది ఈస్ట్' అనే పేరుతో ఒక సంస్థని స్థాపించింది.

రమ : ముందు చూపున్న స్త్రీ. ఎంత చురుకైన మనిషి!? మదనపల్లిలో ఆమె నిర్మించినదే కదక్కా బెసెంట్ కాలేజీ?

రాధక్క : అవును చెల్లీ. 'ఆర్డర్ ఆఫ్ ది స్టార్ ఆఫ్ ది ఈస్ట్' సంస్థకి వేల రూపాయల విరాళాలు సేకరించింది. కృష్ణమూర్తిగారిని ఆ సంస్థకి అధిపతిని చేసింది.

రాజు : ఆహా, ఏమదృష్టం! వంద సంవత్సరాలకి ముందే వేల రూపాయలంటే, ఈ నాడు కోట్ల లెక్కన్నమాట!!

రమ, రాజు : వినరా సోదరా ఈ పుణ్యమూర్తి, కృష్ణమూర్తి గాథా //తందాన తానా//

మానవ జాతికి మంచిని చెప్పిన తత్త్వవేత్త గాథా //తందాన తానా//

తరికిట ఝం తరిత!

రాధక్క : ఇక మద్రాస్ లో థియోసాఫికల్ సొసైటీలో కృష్ణమూర్తి -

శిక్షణాపూర్తి చేసెరా //సై//

జ్ఞానమూర్తీ ఆయెరా //సై//

ప్రగతి మార్గము పట్టెరా //సై//

మార్గదర్శిగా మారెరా //సై//

రాజు : తర్వాతేమైందో తెలిసిపోయిందిగా అక్కా. ప్రపంచానికి గొప్ప గురువు అయ్యాడు. మదనపల్లిలో రిషీవ్యాలీ బడి స్థాపించాడు. అంతేగా.

రాధక్క : (నవ్వి) అయ్యాడు తమ్ముడూ. అయితే దివ్యజ్ఞాన సమాజం అనుకున్నట్లుగా కాదు. ఆ సమాజాన్ని, సంస్థలనీ, ఆ వ్యక్తులనీ కాదని, తను అధిపతి గా ఉన్న సంస్థ 'ఆర్డర్ ఆఫ్ ది స్టార్ ఆఫ్ ది ఈస్ట్' ని రద్దు చేసేసి కట్టుబట్టలతో బయటకి వచ్చేశారు.

రాజు : ఆఁ ... (ఆశ్చర్యపోతాడు)

రాధక్క : అవును. జగద్గురువు అంటే మంత్రతంత్రాలు తెలిసి ఉంటాయనీ తద్వారా ఆ అదృశ్యశక్తులు, అద్భుత శక్తులు ప్రదర్శించి తన భక్తులకు ముక్తి, మోక్షం ప్రసాదిస్తాడనీ దివ్యజ్ఞాన సమాజం నమ్ముతుంది. ఈ ధోరణి, భావజాలం కృష్ణమూర్తికి నచ్చలేదు.

ఆయన ధ్యానసాధనలో ఒక్కో మెట్టూ ఎక్కుతున్నకొద్దీ ఈ సంస్థ వారి తీరు, విధానాలు నచ్చక విపరీతంగా బాధపడేవారు. సరిగ్గా ఆ సమయంలోనే ఆయనకి ధ్యానంలో అనేక దివ్య అనుభూతులు కలిగాయి. ఓర్చుకోలేనంతగా శారీరక బాధలు కూడా కలిగాయి. అతని లోలోపల మానసిక క్షేత్రంలో తీవ్రమైన మార్పులు కలిగాయి.

రమ : ఎంత అదృష్టం అక్కా! పూర్వజన్మ సుకృతం ఉంటేనే ఆ అనుభవాలు కలుగుతాయి అంటారు.

రాజు : అయ్యో పాపం. శారీరక బాధలు కూడానా? అప్పుడేమైందో త్వరగా చెప్పక్కా.

రాధక్క : ఈ మానసిక స్థితిలో ఉన్నప్పుడే తనకి ఎంతో ఇష్టుడైన తమ్ముడు నిత్యానందకి జబ్బుచేసి మరణించాడు.

రాజు : అయ్యో, రామా, అయ్యొయ్యో!! // తందాన తానా //

ఏమిటీ కష్టాలు తండ్రీ!! // తందాన తానా//

రాధక్క : ఇక అప్పుడు -

గురువులు, మంత్రాలు, పూజలు నిన్ను

రక్షించాలేవూ //తందా...నా దేవనందనాన//

సంస్థలు, ఆస్తులు, హోదాలు, పదవులు

ఎందుకూ కొరగావు //తందా...నా దేవనందనాన//

రమ, రాజు : ఆ ఇంకా....

(వేగంగా)

రాధక్క : మనసులలోన మాయలు జూడు - మారేదానికి గోడలు జూడు

రమ, రాజు : భళా భళా రోయ్ తమ్ముడా మేలు భళారోయ్ తందానా

రాధక్క : గురువుల లోనా మోసము జూడు - మాటచేతలకు తేడా జూడు

రమ, రాజు : భళా భళా రోయ్ తమ్ముడా మేలు భళారోయ్ తందానా

అందరూ : వినరా సోదరా ఈ పుణ్యమూర్తి, కృష్ణమూర్తి గాథా //తందాన తానా//

మానవ జాతికి మంచిని చెప్పిన తత్త్వవేత్త గాథా //తందాన తానా//

తరికిట ఝం తరిత!

రాధక్క : ఇంకా ఏం చెప్పాడయ్యా అంటే - 'ఎవరికి వారు తమంతట తాము సత్యాన్ని కనుగొంటేనే విముక్తి లభిస్తుంది. అప్పుడే ఈ దేశాల విభజనలూ, జాతి విభజనలూ మాయమవుతాయి' అన్నారు.

స్వతంత్రంగా నీలాకాశంలో పక్షిలా ఆనందంగా జీవించాలంటే గురువులు, శక్తులు, మహత్తులు, సంస్థలు మీద ఆధారపడకుండా ఎవరికి వారు స్వీయజ్ఞానాన్ని పొందితేనే సాధ్యమవుతుంది అని గ్రహించారు.

(నిదానంగా) ఆహాహా....

మనసుని నమ్మీ చేసే సాధన

మార్గము చూపదూ //తందాన తానా//

మనసు మాయమై మర్మము ఎరిగితె

ముక్తి కలుగు నీకు //తందాన తానా//

తలపుల వల్లే కాలభావనలు

ఏర్పడుతున్నాయీ //తందాన తానా//

రమ, రాజు : తరికిట ఝం తరితా

రమ : అది కదా నిజమైన మోక్ష మార్గం!

రాధక్క : అవును చెల్లీ. ఇక అయన వెంటనే తన అభిప్రాయాన్ని సభ్యులందరికీ తెలియచేశారు. ఎవరికీ ఆయన ధోరణి నచ్చలేదు. అతన్ని వ్యతిరేకించారు. అయినా సరే తను నమ్మినది ఆచరణలో పెట్టడానికే నిర్ణయించుకున్న ఆయన తన ఆధిపత్యం లో ఉన్న సంస్థ - 'ఆర్డర్ ఆఫ్ ది స్టార్ ఆఫ్ ది ఈస్ట్' ని రద్దు చేసేశారు. ఆ సందర్భంగా ఆయన ఇచ్చిన ఉపన్యాసం చాలా గొప్పది. తర్వాత చదువుకోండి చెల్లీ, తమ్ముడూ.

రమ, రాజు : వినరా సోదరా ఈ పుణ్యమూర్తి, కృష్ణమూర్తి గాథా తందాన తానా

మానవ జాతికి మంచిని చెప్పిన తత్త్వవేత్త గాథా తందాన తానా

తరికిట ఝం తరిత!

రాజు : అలాగే అక్కా. అనిబిసెంట్ గారు కూడా ఆయన్ని వ్యతిరేకించారా?

రాధక్క : మంచి ప్రశ్న తమ్ముడూ... మొదట వ్యతిరేకించినా తర్వాత ఆయన మాటల్లో నిజాన్ని గ్రహించి ఆయన్ని ఎంతో గౌరవించింది.

"నిజమైన విద్య అంటే ఎవరి గురించి వారు తెలుసుకోవడం తద్వారా జీవితాన్ని గురించి అర్థం చేసుకోవడం. అప్పుడే విద్యార్థులు సమగ్ర వికాసం చెంది పరిపూర్ణ వ్యక్తులుగా ఎదుగుతారు" అని అనుకున్న ఆయన ప్రపంచ వ్యాప్తంగా పాఠశాలలను స్థాపించారు.

వాటిని ప్రకృతి ఒడిలో విశాలమైన స్థలాలలో నెలకొల్పి, విద్యార్థులు భయరహిత వాతావరణం లో

పెరుగుతూ స్వీయజ్ఙానంతో ఎదగాలని కోరుకున్నారు.

రమ, రాజు : వినరా సోదరా వీర కుమారా కృష్ణమూర్తి గాథా

తందాన తాన

రాధక్క : మానవులంతా ఒక్కటేననీ //తందాన తానా//

జాతీమతాలూ వద్దు పొమ్మనీ //తందాన తానా//

సత్యం కోసం అన్వేషిస్తే //తందాన తానా//

ఎవరికి వారికె దొరుకుతుందనీ //తందాన తానా//

కాలమనేదే లేదు పొమ్మనీ //తందాన తానా//

ఉన్నదున్నట్టే చూడాలనీ //తందాన తానా//

దేశదేశాల ఖండాంతరాల మానవులందరి క్షేమం కోసం

హితవు పలికాడు, వెలుగై నిలిచాడు - తరికట ఝం తరిత

ఈ విధంగా తన ఆఖరి శ్వాస విడిచేవరకూ దేశ దేశాలు తిరిగి ఈ విషయాలని గురించి పదే పదే నొక్కి చెప్తూ అనేక ఉపన్యాసాలు ఇచ్చారు.

రమ, రాజు : వినరా సోదరా ఈ పుణ్యమూర్తి, కృష్ణమూర్తి గాథా తందాన తానా

మానవ జాతికి మంచిని చెప్పిన తత్త్వవేత్త గాథా తందాన తానా తరికిట ఝం తరిత!

రాజు : ఇంతకంటే మంచి పని ఇంకేం ఉంటుంది అక్కా? నేటి విద్యార్థులే రేపటి మంచి పౌరులు అవుతారు కదా!? అక్కా, ఆయన ఎప్పుడు మరణించారు?

రాధక్క : జిడ్డు కృష్ణమూర్తి ఫిబ్రవరి 17, 1986 న అమెరికాలో లో మరణించారు. తను జీవించినంత కాలం ఆయన మిత్రులూ, అభిమానులూ ఆయన బాగోగులు చూసుకున్నారు.

కోటానుకోట్ల విలువ చేసే ఆస్తిపాస్తులని, వేల మంది అనుయాయులని త్యజించి 'సత్యానికి ఇది మార్గం కాదు' అంటూ ఒంటరిగా నిలబడిన అతన్ని చూసి అనేకమంది ఆశ్చర్యపోయారు. అయితేనేం ఆయన ఇప్పుడు నిజమైన "ప్రపంచ గురువు - The World Teacher”.

ప్రకృతిని ముఖ్యంగా మానవ నైజాన్ని క్షుణ్ణంగా పరిశీలించి వారికున్న అన్ని బాధలనించీ విముక్తి కలిగించాలని తపన పడిన ఏకైక వ్యక్తి. ఆధునిక యుగపు తత్త్వవేత్త. జీవన్ముక్తుడు. ధార్మిక జీవనానికి మార్గదర్శి, పరిపూర్ణ మానవతామూర్తి జిడ్డు కృష్ణమూర్తి.

అందరు : మంగళంబగు నిత్యంబు మంగళంబగు

ఆదర్శమూర్తి కృష్ణమూర్తికి మంగళంబగు

మంగళం జయ మంగళం - తరికిట తరికిట ఝం తరిత

మంగళం జయ మంగళం - మంగళం జయ మంగళం

***

24, నవంబర్ 2020, మంగళవారం

జొన్నవిత్తుల వారి కాఫీ దండకం

కలియుగామృత సేవనం సర్వరోగ పాప హరణం. జయహో కాఫీ మాతరం శరణం.....జయోస్తు, దిగ్విజయోస్తు..

జొన్నవిత్తుల వారి కాఫీ దండకం.

----------------------------------

అనుదిన్నమ్మును కాఫీ ఎ అసలు కిక్కు

కొద్దిగానైన పడకున్న పెద్ద చిక్కు

కప్పు కాఫీ లభించుటే గొప్ప లక్కు

అమృతమన్నది హంబక్కు అయ్యలారా... జై కాఫీ

విష్వంతరమ్ములొ ఉన్న బ్రహ్మాండ గోలాలలొ నీకు సాటైన పానీయమే లెదు ముమ్మాటికీ...

అందుకె నిన్ను కట్టేసుకుంటాము మా నోటికీ

నాలుకతో నీకు జే జేలు పలికేము నానాటికీ...

ఎర్లి మార్నింగులొ లేవగానె పాచి పన్లైనయున్ తొమగ బెడ్ కాఫీ

కోసము పెన్లాముపై రంకెలేయించకే బెస్టు టెస్టిశ్వరీ.

బ్రష్ కాఫీష్వరి లెఫ్సు కెఫీష్వరి జిహ్వకున్ షుద్ది చేకూర్చవే బ్రూకుబండేష్వరీ...

లోక ప్రాణేష్వరీ ప్రాణ దానెష్వరీ గంట గంటా ప్రతీ ఇంట ఉప్పొంగవే ఉష్న పానెష్వరీ...

స్టీలు ఫిల్టర్ల పల్లెంబులోనున్న రంద్రాలలోనుండి నీ సారమంత సుతారంగ

జారంగ నొరూరుచూడంగ నాసామి రంగా నిజంగానె చచ్చే విదంగా...

కాస్త తాగంగ పునర్జన్మ వచ్చేవిదంగా...

ప్రొద్దు పొద్దున్ననే నీ పొందులేకున్న మూడంత పాడయ్యి

టైమంత వేస్టయ్యి కచ్చెక్కి పిచ్చెక్కి అస్లీల సంభాషనల్

చేసి కాంటాక్ట్సు సర్వమ్ము నాషమ్ము కావించుకుంటారుగా...

అందుకే నిన్ను అర్జెంటుగా తెచ్చుకుంటారుగా

దాచుకొంటారుగ కాచుకొంటారుగ చచ్చినట్టింక ఇచ్చేంత

సేపింక అందరున్ వేచివుంటారుగా...

కాఫీనంతెత్తు పైనుంచి ఓ కప్పులో వంచి ఆ కప్పులోనుంచి

ఈ కప్పులో పోసి అట్నుంచి ఇట్నుంచి ఇట్నుంచి అట్నుంచి బాగా

గిలక్కొట్టుచు నురుగు ఉప్పొంగగా ఇస్తారుగా...

గొప్పనిష్టాగరిష్ఠుల్ భరిస్తాలలొ కనిష్ఠమంబుగా

కాఫీ తాగెందుకిష్టంబుగా పొవుగా...

షాపు మూసెయ వాపొవుగా

సర్వ కాఫీ రసాంగీ సుధాంగీ సుభంగీ ప్రభంగీ. నమస్తే నమస్తే... నమహా!!

------ [ ప్రాతః కాలంలో కాఫీ ప్రియులందరికీ అంకితం..]

15, నవంబర్ 2020, ఆదివారం

నిగ్గదీసి అడుగు..ఈ సిగ్గులేని జనాన్ని

నిగ్గదీసి అడుగు ఈ సిగ్గులేని జనాన్ని

అగ్గితోటి కడుగు ఈ సమాజ జీవశ్చవాన్ని

మారదు లోకం మారదు కాలం

దేవుడు దిగిరానీ ఎవ్వరు ఏమైపోనీ

మారదు లోకం మారదు కాలం

గాలివాటు గమనానికి కాలిబాట దేనికి

గొర్రెదాటు మందకి నీ జ్ఞానబోధ దేనికి

ఏ చరిత్ర నేర్చుకుంది పచ్చని పాఠం

ఏ క్షణాన మార్చుకుంది చిచ్చుల మార్గం

రామబాణమార్పిందా రావణ కాష్టం

కృష్ణ గీత ఆపిందా నిత్య కురుక్షేత్రం

నిగ్గదీసి అడుగు ఈ సిగ్గులేని జనాన్ని

అగ్గితోటి కడుగు ఈ సమాజ జీవశ్చవాన్ని

మారదు లోకం మారదు కాలం

పాత రాతి గుహలు పాల రాతి గృహాలైనా

అడవి నీతి మారిందా ఎన్ని యుగాలైనా

వేట అదే వేటు అదే నాటి కథే అంతా

నట్టడవులు నడివీధికి నడిచొస్తే వింతా

బలవంతులె బ్రతకాలని సూక్తి మరవకుండ

శతాబ్దాలు చదవలేద ఈ అరణ్య కాండ

నిగ్గదీసి అడుగు ఈ సిగ్గులేని జనాన్ని

అగ్గితోటి కడుగు ఈ సమాజ జీవశ్చవాన్ని

మారదు లోకం మారదు కాలం

దేవుడు దిగిరానీ ఎవ్వరు ఏమైపోనీ

మారదు లోకం మారదు కాలం

9, నవంబర్ 2020, సోమవారం

*అతి దానాత్ హత: కర్ణ:

అతి లోభాత్ సుయోధన:

అతి కామాత్ దశగ్రీవో

అతి సర్వత్ర వర్జయేత్*

30, అక్టోబర్ 2020, శుక్రవారం

.పాట..

శంకరా నాదశరీరా పరా వేదవిహారా హరా జీవేశ్వరా

శంకరా…

ప్రాణము నీవని గానమె నీదని ప్రాణమె గానమనీ

మౌన విచక్షణ గాన విలక్షణ రాగమె యోగమనీ

నాదోపాసన చేసిన వాడను నీ వాడను నేనైతే

ధిక్కరీంద్రజిత హిమగిరీంద్రసితకంధరా నీలకంధరా

క్షుద్రులెరుగని రుద్రవీణ నిర్ణిద్ర గానమిది అవధించరా

విని తరించరా

శంకరా నాదశరీరా పరా వేదవిహారా హరా జీవేశ్వరా

మెరిసే మెరుపులు మురిసే పెదవుల చిరుచిరు నవ్వులు కాబోలు

ఉరిమే ఉరుములు సరిసరి నటనల సిరిసిరి మువ్వలు కాబోలు

పరవశాన శిరసూగంగా ధరకు జారెనా శివగంగా

నా గానలహరి నువు మునుగంగ

ఆనందవృష్టి నే తడవంగా

శంకరా నాదశరీరా పరా వేదవిహారా హరా జీవేశ్వరా...

22, అక్టోబర్ 2020, గురువారం

అన్నంపెట్టె అన్నదాతకు
అబ్బో ఎంతటి చక్కటి శిక్షయో...
కడుపును నింపే కాపుదనానికి
అబ్బో ఎంతటి చక్కటి రక్షయో...
అన్నపూర్ణ మన దేశం అంటూ....
అన్నదాతలకిది నిలయం అంటూ....
మైకులదరగా మైకం కమ్మి,
స్పీచులు దంచే నాయకులారా....
కాలం కలువక,వర్షం కురియక...
ఆరుగాలము చెమటతొ తడిసి...
కడుపులు నింపే ప్రయత్నమొకటి...
చేసే దేవుడు ఈ రైతు మానవుడు...
నమ్మిన భూమిని వదులు కోలేడు...
కష్టము చేయగ వెనకకు పోడు....
పంటలు పోతే వేరే పంటలు....
వేయకుండగా నిద్దుర పోడు...
అప్పులు అయితే తిప్పలు పడుతూ...
చెప్పులరగగా కొత్త అప్పులకు....
రాత్రింబవళ్ళు తిరుగుతు ఉంటడు....
పెళ్ళాం పిల్లలు... తల్లిదండ్రులు...
చేను చెలకన కాపురముంటరు...
మూలకు ఉన్న ముసలవ్వలను....
కాటికి జాపిన కాలును మరచి...
ఇంటిలో బెట్టి పనిచేయిస్తడు....
ఎంతటి అప్పులు ఉన్నా గానీ...
ఏరువాక అతని పండుగ దినము...
కడుపులు కాలిగ ఉన్నా గానీ....
కల్లము* అతనికి కమ్మని దనము...
ధాన్యపు రాసులె సిరుల రాసులని...
మురిసిపోయేటి ముత్యము అతడు...
జగతికి ఆకలి తీర్చగ పుట్టిన....
అన్నదాతయను దేవుండాతడు....
ఆపదగొన్న వాళ్ళనాదుకొన...
అవతరించినవి ఎన్నో సంస్థలు...
హక్కులకోసం సంఘాలెన్నో...
లా... బుక్కులు తెరచి రోడ్డుకెక్కినవి...
భారత మాత ముద్దు బిడ్డలను...
వర్గపు పేరుతొ విడగొట్టేసి....
గల్లీ కొక్క సంఘం బెట్టి....
హక్కులక్కులని అరుస్తువున్నవి...
కష్టం నమ్మిన రైతులకెప్పుడు....
సంఘపు గోలలు పట్టనె పట్టవు....
కష్టం వస్తే దుక్కిని దున్నె...
ఎద్దులకే అతని వ్యథలూ, కథలూ....
నీడను ఇచ్చే చెట్టు కొమ్మనే....
శాశ్వత సుఖముకు ఆధారాలు...
అఖండ భారత సోదరులారా...
ఆలోచించుడి ఈ ఒక్క క్షణంబు...
అన్నదాతను ఆదుకొంటేనే...
అన్నము గిన్నము మనకు అందును...
అతడిని జంపిన పాపము మనకును...
ఆకలిరూపున అవతరించును...
అన్నదాతను ఆదుకొనేడీ...
ఆలోచనలను చేయుడి ఇంకా....
-ప్రమదం(౮౧౭౯౧౯౨౯౯౯)

ముప్పున గాలకింకరులు ముంగిటవచ్చిన వేళ, రోగముల్ గొప్పరమైనచో గఫము కుత్తుక నిండినవేళ, బాంధవుల్ గప్పినవేళ, మీస్మరణ గల్గునొ గల్గదొ నాటి కిప్పుడే తప్పకచేతు మీభజన దాశరథీ కరుణాపయోనిధీ.

మనిషి కో దేవుడు-
మనం రోజూ చేసే ప్రార్ధన లెలా ఉంటాయంటే పైనున్న దేవుళ్లంతా ఉక్కిరి బిక్కిరై, షాకై, కన్ఫ్యూజ్ అయి పోతూంటారు. ఈ ప్రార్ధనల్లోని కాంప్లికేషన్స్ వల్ల దేవుళ్ళల్లో కూడా రెండు గ్రూప్ లైపోక తప్పదు.
ఏడుకొండలవాడా! వేంకటేశ్వర స్వామీ! నన్నీ ఎలక్షన్స్ లో ఎలాగైనా మల్కాజ్గిరి MP గా గెలిపించు స్వామీ-నా సంగతి నీకు తెలుసుకదా! సంవత్సరానికి పదిసార్లు నీ దర్శనం చేసుకుంటున్నా-అలాంటప్పుడు నా కోరికలు నువ్వుతప్ప ఇంకెవరు తీరుస్తారు స్వామీ- ఇంకో సంగతి స్వామీ-నేను పార్టీలు మారతానుగానీ నిన్నొదిలి ఇంకో దేవుడి వేపు కూడా చూడను స్వామీ-అంత సిన్సియర్!నన్ను గెలిపించావనుకో-నేను నీ ఋణం ఉంచుకునే టైప్ కాదు.వంద కోట్లు ఖరీదు చేసే వజ్ర వైడూర్యాలు పొదిగిన కిరీటం నీకు సమర్పించు కుంటా స్వామీ-
స్వామికి డౌట్ వస్తుంది.
ఒరేయ్ –నీ దగ్గరఅంత డబ్బు లేదు కదురా?
ఒక్క మైనింగ్ కుంభకోణం చాలు స్వామీ –నీకు లక్ష కిరీటాలు చేయించేంత మనీ నొక్కేయ గలను.
సరే-నాకు భక్తులు సమర్పించే కానుకలంటే కొంచెం వీక్నెస్ ఉంది-నేనెప్పుడూ ఇన్ కమ్ టాక్స్ డిపార్ట్ మెంట్ లాగా సోర్స్ ఆఫ్ ఇన్కమ్ గురించి పట్టించుకోను-నీ కోర్కె తీరుస్తాలే ఫో-
ఇలా ఏడుకొండల వాడి ముందు VIP క్యూలో ఈ సీన్ జరుగుతున్నసమయం లోనే ఇంకో కాన్దేట్ అయ్యప్ప టెంపుల్లో ఎంతో భక్తి తో ప్రార్దిస్తూంటాడు.
అయ్యప్ప స్వామీ-నేను మల్కాజ్ గిరి MP గా పోటీ చేస్తున్నానని నీకు తెలుసుకదా-ఏ ధైర్యంతో చేస్తున్నావ్? అని నన్ను నువ్వు కొశ్చెన్ చేయవచ్చు-నేను నీ భక్తుడైనప్పుడు ఇంకా నాకు ధైర్యానికేమి కొదవ స్వామీ-నన్ను గెలిపించావంటే నీకు గవర్నమెంట్ లాండ్ లో వరల్డ్ క్లాస్ గుడి కట్టిస్తా స్వామీ-
ఆ? గవర్నమెంట్ లాండ్ లో గుడి కడతావా? నీ కేమైనా మెంటలా? పడగొట్టేస్తారు కదరా?
భలే వారే స్వామీ మీరు. నడిరోడ్డు మీద గుళ్ళు కట్టేవాళ్ళు వేలమంది ఉన్నారు గానీ గుళ్ళు పడగొట్టే మగాళ్ళు ఇంతవరకూ ఇండియాలో ఎవడూ పుట్టలేదు స్వామీ-
అలాగా- సరే గానీ గుడి కట్టేంత మనీ నీ దగ్గర ఎక్కడుంది?
రేపు గెలిచాక అంతా మనీయే గదా స్వామీ-నువ్వు జస్ట్ నన్ను గెలిపించు –అంతే –దొంగ కంపెనీలు పెట్టి లక్షల కోట్లు బాంక్ లోన్లు తీసుకుని ఎగ్గోట్టేస్తా -దుమ్ము లేపేస్తా-
ఇప్పుడు వెంకటేశ్వర స్వామికీ అయ్యప్ప స్వామికీ గొడవ మొదలవుతుంది.
నా భక్తుడికి నేను మాటిచ్చా అయ్యప్పా-వాడినే గెలిపించక తప్పదు-
అలా అంటే ఎలా? నేనూ నా భక్తుడికి మాటిచ్చా కదా-
కానీ మా వాడు నాకు కోటి రూపాయల కిరీటం చేయిస్తానని మొక్కాడయ్యా-
మా వాడూ నాకు వరల్డ్ క్లాస్ గుడి కట్టిస్తానని ప్రామిస్ చేసాడు-వాడిని గెలిపించక పోతే ఫీలవుతాడు-
ఇదిగో అయ్యప్పా- ఈ ఒక్కసారికీ నన్ను మాట నిలబెట్టుకోనీ –ప్లీజ్-
నేనూ రిక్వెస్ట్ చేస్తున్నా వెంకట్-ఈ ఒక్క సారికీ నాకు వాడి కోరిక తీర్చే అవకాశo ఇవ్వు-
కుదరదు అయ్యప్పా-అయాం సారీ-
సరే- అయితే నీ ఇష్టం వచ్చినట్లు నువ్వు చేసుకో –నా ఇష్టం వచ్చినట్లు నేను చేసుకుంటా-
అంతే- దేవుళ్ళ యుద్ధం మొదలవుతుంది-
ఏడుకొండల వాడి భక్తుడు పెద్ద మెజారిటీ తో గెలుస్తాడు.
దాంతో అయ్యప్ప భక్తుడు కోపంగా అయ్యప్ప దగ్గరకెళ్ళి స్వామీ శరణం-అయ్యప్ప శరణం అంటూ అయ్యప్ప స్వామి చెవులు చిల్లులు పడేలా భజనలు చేస్తాడు. ఇక సైలెంట్ గా ఉండటం కుదరదని అయ్యప్ప ఆరాత్రి తన భక్తుడి కలలో కొచ్చి ఓ ఉపాయం చెబుతాడు. ఆ ఉపాయం ప్రకారం భక్తుడు గెలిచిన కాoడిడేట్ ఓటర్లకు రహస్యంగా నోట్లకట్టలు లంచాలుగా ఇచ్చినట్లు చూపే వీడియో కోర్ట్ కి ఇస్తాడు. దాంతో కోర్ట్ ఆ ఎన్నిక చెల్లదని తీర్పు ఇస్తుంది.
వెంటనే ఏడుకొండలవాడి భక్తుడు కారేసుకుని తిన్నగా కొండెక్కేస్తాడు.
ఇదేమిటి స్వామీ ఇలా జరిగింది?కావాలంటే ఇంకో కిరీటం ఇస్తా గాని పై కోర్ట్ లో కేస్ వేస్తున్నా-నేను గెలిచేట్లు చూడు స్వామీ అని వేడుకుంటాడు.వెంకటేశ్వరస్వామి జాలిపడి పై కోర్టులో తన భక్తుడిని గెలిపిస్తాడు.గెలవగానే అతనికి మైనింగ్ కాంట్రాక్ట్ కట్ట బెదుతుంది ప్రభుత్వం-ఆ కాంట్రాక్ట్ వచ్చిన కొద్ది రోజుల్లోనే అతను కోటి రూపాయలు ఖరీదు చేసే వజ్రాల కిరీటాలు రెండు తీసుకెళ్ళి వెంకటేశ్వర స్వామికి సమర్పించుకుoటాడు.
దాంతో అయ్యప్ప భక్తుడికి మండిపోతుంది.
అర్జెంటుగా వెళ్లి అయ్యప్పని నిలదీస్తాడు.
ఆ చిన్న కోర్ట్ లో నన్ను గెలిపించినట్లు గెలిపించి పై కోర్ట్ లో దెబ్బ కొట్టావ్ గదా స్వామీ-ఇది న్యాయమేనా?మనుషులు చెయ్యి ఇస్తారు గాని దేవుళ్ళు చెయ్యిస్తారా ఎక్కడైనా?
అయ్యప్ప ఏమ్చేయ్యాలో తెలీక తల పట్టుకుoటాడు.
నీ గురించి దేవుళ్ళు కూడా కొట్టు కోవాల్సి వస్తుందిరా –అది కరక్ట్ కాదు కదరా-అంటాడు చిరాగ్గా-
స్వామీ- అదంతా నాకు తెలీదు-నువ్వు తలచుకుంటే ఆ ఏడుకొండలవాడు ఎక్కడ నిలబడగలడు?నీలెవలేంటి? ఆ వెంకటేశ్వర స్వామి లెవలేంటి స్వామీ-
అలా రెచ్చగొట్టకురా-నీలాంటి వాళ్ళ వల్లే ఇదివరకు మా దేముళ్ళలోనే ఒకరితో ఒకరు యుద్ధాలు చేసుకునే పరిస్తితు లొచ్చినయ్.
ఇదన్యాయం స్వామీ-నేను చిన్నప్పటినుంచీ నిన్నే నమ్ముకుంది దేనికి? అవసరం వచ్చినప్పుడు నా శత్రువులను దెబ్బ కొడతావనేకదా?
అబ్బా-సరేలే-ఈ ఒక్కసారికీ సాయం చేస్తా-కానీ ఇంకోసారి మాత్రం నన్ను ఇలాంటివి అడగకు-
థాంక్యూ స్వామీ –శరణమయ్యప్పా-
అయ్యప్ప మాయమయి పోయాడు.మర్నాడే అక్రమ మైనింగ్ కేస్ లో ఏడుకొండలవాడి భక్తుడిని ఇంటి మీద సిబిఐ వాళ్ళు రైడ్ చేసి అతని ఫ్రాడ్ ని రెడ్ హాoడెడ్ గా పట్టుకుని అరెస్ట్ చేసి జైల్లో పడేసారు.
వెంటనే అయ్యప్ప భక్తుడు పాతిక కోట్లు పెట్టి ఎమ్మెల్సీ పోస్ట్ కొనుక్కున్నాడు. ఇంకో రెండు కోట్లు ముఖ్య మంత్రి కిచ్చేసరికి మంత్రి పదవి ఇచ్చారు.ఇవ్వగానే గానే రాజధాని లోని గవర్నమెంట్లాండ్స్ ప్రైవేట్ వాళ్ళకు కారు చవగ్గా అమ్మేసి లక్షల కోట్లు కాజేశాడు. బినామీ పేర్లతో కోట్లకొద్దీ బాంక్ లోన్లు తీసుకుని గవర్న్ మెంట్ లాండ్ లో అయ్యప్పకు గుడి కట్టించేసాడు-ఇంగ్లండ్ పారిపోయాడు. దాంతో కధ కంచికీ బాంక్ లు కోర్ట్ కీ-
ఇక్కడ మీకో అనుమానం వస్తుంది.
భక్తులు ఆశ పెట్టినా భగవంతుడు ఎందుకు ఆశ పడాలి? ఈ విశ్వమంతా ఆయనదే కదా-డబ్బూ, బంగారం, గుళ్ళూ గోపురాలూ ఆయనకెందుకు?
ఎందుకంటే-
పాలసాగరమున పవ్వళించిన సామి
గొల్ల ఇండ్ల పాలు కోరనేల
ఎదుటి వారి సొమ్ము ఎల్లవారికి తీపి
విశ్వ దాభిరామ వినుర వేమ!

******************************************

కారే రాజులు రాజ్యముల్ గలుగవే గర్వోన్నతిం బొందరే
వారేరీ సిరి మూటగట్టుకుని పోవంజాలిరే భూమిపై(
బేరైనంగలదే? శిబిప్రముఖులుం బ్రీతిన్ యశః కాములై
యీరే కోర్కులు వారలన్ మఱచిరే యిక్కాలమున్ భార్గవా!
ఈ కాలంలో అంటూ ఆ కాలంలోనే ఈ కాలం గురించి పోతనగారు చెప్పిన గొప్ప పద్యాలలో ఇదొకటి. అన్నీ ప్రశ్నలే! సమాధానాలను మనం కాలం లోంచి వెదుక్కోవాలి. ఈ కాలంలో రాజులెక్కడున్నారయ్యా అనుకోనవసరం లేదు, ఈ కాలం పాలకుల్లో తామే రాజులం అనీ, తమదే ఈ రాజ్యం అనే భావన గూడు కట్టుకుని ఉంది కాబట్టి! రాచరికం పోయిందిగానీ రాజాధిరాజ భావన పోలేదు రాజ్యం చేస్తున్న వారిలో! అన్ని పార్టీల వాళ్ళలోనూ ఇదే ధోరణి నేటి ప్రజాస్వ్యామ్యంలో ప్రముఖం అయ్యింది,
దుర్యోధనుడికి తట్టలేదు గానీ ప్రజాస్వామ్యంలో పాలిస్తానని ఒక్క మాట అని ఉంటే, ఖచ్చితంగా గెలిచి ఉండేవాడు. తనూ, తన సోదరులు కలిసి దుర్యోధనుడికి వంద వోట్లు పడతాయి. పాండవులకు ఐదు వోట్లతో డిపాజిట్ గల్లంతై ఉండేది. ఇలాంటి ప్రజాస్వామ్య ప్రమాదాన్ని శంకించే కాబోలు, ధర్మరాజు ముందు జాగ్రత్తగా `మేం నూటైదుగురం’ అంటూ ఉండేవాడు…
దుర్యోధనుడు కూడా పాండవులు అఙ్ఞాతవాసం నుండి తిరిగొచ్చే సమయానికి విపరీతంగా దాన ధర్మాలు చేసి, ప్రజాభిమానం పెంచుకొనేందుకు సిద్ధంగా ఉన్నాడట! కానీ ఒక ప్రపంచ యుద్ధాన్ని తలపించే యుద్ధం జరగటాన, ఎన్నికలప్రహసనం జరిగే అవకాశం లేకుండా పోయింది. ఇదంతా విషయాంతరం.
“దానం అడగటానికి వచ్చినవాడు మారువేషంలో ఉన్న విష్ణువే! జాగ్రత్తగా ఉండకపోతే ఓడతావు” అని గురువైన శుక్రాచార్యుడు బలి చక్రవర్తిని హెచ్చరించినప్పుడు బలి చెప్పిన సమాధానం ఈ పద్యం! ఇది నాటి రాచరికానికీ, నేటి దొంగ ప్రజాస్వామానిక్కూడా వర్తించే సమాధానం.
కారే రాజులు?: ఈ కాలంలో ఎవరైనా,ఎలాంటి వాడైనా రాజు కావటం లేదా?
రాజ్యముల్ గలుగవే?: వాళ్ళకి రాజ్యాలు దక్కటం లేదా?
గర్వోన్నతిం బొందరే?: వొళ్ళు పొగరెక్కి వ్యవహరించట్లేదా?
వారేరీ?: అలాంటి రాజకీయ దురంధరులుగా తమని చిత్రించుకున్న వాళ్ళు ఏవయ్యారు? ఈ లోకంలోంచే పోయారు
సిరి మూటగట్టుకుని పోవంజాలిరే?: అధికారంలో ఉన్న కాలంలో మూటగట్టుకున్న సిరినంతా పోయేటప్పుడు పట్టుకు పోగలిగారా?
భూమిపై పేరైనంగలదే?: ఈ నేలపైన వాళ్ళ పేరైనా ఉందా? కనీసం వాళ్లను తలుచుకునే వాడున్నాడా?
శిబిప్రముఖులుం బ్రీతిన్ యశఃకాములై: శిబిచక్రవర్తి లాంటివాళ్ళు ప్రజాదరణ పొంది కీర్తిమంతులై నిలిచారు.
యీరే కోర్కులు: ఎందుకంటే మనఃస్ఫూర్తిగా అడిగింది అడిగినంతగా ఇచ్చారు కాబట్టి! ఈ ప్రజలకోసం ఎంతో కొంత చేశారు కాబట్టి.
వారలన్ మఱచిరే యిక్కాలమున్ భార్గవా?: ఇంత కాలం తరువాత కూడా అలాంటి వాళ్ళని ప్రజలు మరిచారా గురుదేవా?
రాజుమరణిస్తే శిల్పంలో జీవిస్తాడు, సుకవి మరణిస్తే జనం నాలుకలమీద జీవిస్తాడన్న జాషువా మాటలు ఇక్కడ గుర్తుకొస్తాయి. రోడ్లను ఆక్రమించి శిల్పాలు నిలబెట్టేవాళ్ళకిది చురక! లోకోపకారి చిరంజీవి అవుతాడనేది దీని సారాంశం.
వామనుడు సత్యలోకం కంటే ఎత్తికు పెరిగి బ్రహ్మాండం అంతా నిండి, ఇదంతా తనకు దానంగా కావాలని అడిగాడంటే అదంతా బలి చక్రవర్తి ఆధీనంలోని రాజ్యం అన్నట్టే కదా! వామనుడు అడిగింది భూమికి పైన ఉన్న రాజ్యాన్నే! ఇంకా అంత రాజ్యం బలి చక్రవర్తికి భూమికి అడుగున పాతాళాది లోకాల్లో ఉంది. తనవి ఇచ్చే చేతులని చాటటమే తనకు నిజమైన ఆస్తి, కీర్తి అని గుర్తించిన రాజు కాబట్టి, తనను తాను బలి చేసుకోవటానికే సిద్ధపడ్డాడు బలి చక్రవర్తి.

మచ్చుకు ఒక్క ప్రధాని, ఒక్క ముఖ్యమంత్రి, ఒక్క మంత్రి అలాంటి వాడు ఉంటాడేమోనని ప్రజలు ఒక్క ఆశతో ప్రతిసారీ తమ ఓటుని బలి ఇచ్చుకుంటూ ఉంటారు... ప్రజా‘బలి’స్వామ్యంలో!

మనిషిడక్Dడ్ జీవితంలో లక్ష్మీదేవి ఎలాస్డ్ వడ్స్తుందో , తిరిగి ఎలా వెళ్ళిపోతుందో చూడండి... 🌼🌺🌾🌼🌺🌾🌼🌺🌾🌼🌺🌾🌼🌺🌾🌼🌺🌾🌼 శ్లోకం : "ఆజగామ యదా లక్ష్మీః! నారికేళఫలలాంబువత్ !! నిర్జగామ యదా లక్ష్మీః ! గజభుక్త కపిత్థవత్ " !! 🌾🌾🌾 ......సిరిసంపదలు మనకు వచ్చేటప్పుడు , కొబ్బరికాయలోకి నీరు లాగా తెలియకుండా వచ్చేస్తాయట , అలాగే సంపదలు పోయినప్పుడు ఏనుగు మ్రింగిన వెలగపండులోని గుజ్జవలె కనబడకుండా మాయమైపోతుందట.....🌾🌾🌾 సిరిదా వచ్చిన వచ్చును ! సలలితముగ నారికేళ సలిలము భంగిన్ !! సిరిదా బోయిన బోవును ! కరి మ్రింగిన వెలగపండు కరణిని సుమతీ !! అంటాడు భద్రభూపాల కవి " బద్దెన " ... 🌾🌾🌾 .......దీనికి మంచి ఉదాహరణగా కొబ్బరికాయలోని నీరు గురించి చెబుతారు..... ఆ నీరు ఎలా వచ్చి చేరుతుందో నిజంగానే ఎవరికి తెలియదు ....ఇది ప్రకృతి రహస్యం ..... కొబ్బరికాయలోని నీరులా లక్ష్మీదేవి కూడా నిశ్శబ్దంగా వస్తుంది .....🌾🌾🌾 🌾🌾🌾......ఆమె వచ్చిన తర్వాత శబ్దాలు చేయడం ప్రారంభిస్తుంది....ఎలా అనుకున్నారు..?? కొత్త చుట్టాలు , కొత్త కొత్త బంధువులు , మిత్రులు ఇలా అనేక రూపాలతో వచ్చి శబ్దాలు చేయడం ప్రారంభిస్తుంది.... ఆమె ఉన్నంత వరకు శబ్దాల మయమే ..... ఇంకా దీనికి ఆ ఇంట్లో ఎవరికైన అధికారము వచ్చి అది కూడా తోడైతే ఇంక చేప్పేదేముంటుంది.....🌾🌾🌾 .🌾🌾🌾🌾......అలా లక్ష్మీదేవి సత్యధర్మాలు లేని చోట , అబద్ధాలు రాజ్యమేలే చోట , ముఖస్తుతి చేసేవారి దగ్గర , స్వార్ధపరులు , అవినీతి పరులు దగ్గర , సంచిత కర్మఫలం పూర్తయ్యే వరకు ఉంటుంది .....తిరిగి వారిలో స్వార్ధం , అన్యాయం , అధర్మం పెరిగి , .......ప్రారంభంలో కూడా అలాగే ఉండి , ధర్మకార్యాలు వదలి , అధర్మ కార్యాలు చేపడతాడో , అక్కడ నుంచి మెల్ల మెల్లగా , చల్లగా కరిమ్రింగిన వెలగపండులోని గుజ్జు లాగా వెళ్ళిపోతుంది.....🌾🌾🌾 🌾🌾🌾 ........ఆమె వెళ్ళిపోయిన మరుక్షణం , వైభవ చిహ్నాలన్నీ మటుమాయమై కేవలం ఏడుపు ముఖాలు మాత్రమే మిగులుతాయి ..... డబ్బునప్పుడు పోగరుతో ఇతరులను అనవసరముగా దూషించి , వారిపై అసత్యాలు అబద్దాలు ప్రచారం చేసినందు వల్ల పలకరించే వారు లేకుండా పతనమైపోతారు......🌾🌾🌾 🌾 🌾 🌾 ..........ఒక్కోసారి ధనలక్ష్మి ఉన్నా , ఆరోగ్య లక్ష్మీ దగ్గర లేకుంటే అంతా వృథా ....అందుచేత అష్టలక్ష్ములు నివాసముండె లాగా జీవనం సాగించాలి.....అయితే ఆనంద లక్ష్మీదేవి దయ కొంచెం ఎక్కువగా ఉండేటట్లు చూసుకోవాలి....🌾🌾🌾 .🌾🌾🌾 ..........ఉన్నదాంట్లో అనుభవించి , తృప్తి చెంది ఇతరులను కూడా ఆనందింపచేయాలి.....మానవ జన్మసార్థకత ఇందులోనే ఉంది.... మనకు కలిగిన దానిలో దానలు చేయాలి.... చేయగలచోట చేతిని వెనక్కి తీయకూడదు..... పోయేటప్పుడు మనతో ఏమీ రాదు .... ఎదుట వారికి మాట సహాయం చేసైనా ఆనందం ఇవ్వగలిగితే మన జీవితం ధన్యమవుతుంది......🌾🌾🌾 🌾🌾🌾..... ఇవ్వడంలో ఉన్న ఆనందం మనం అనుభవిస్తే కాని తెలియదు ...ఆనందలక్ష్మిని మన దగ్గరే ఉండమని అభ్యర్థిద్దాం , అనుభవిద్దాం సంతృప్తితో జీవిద్దాం.....🌾🌾🌾 🌺🌺🌺ఓం లక్ష్మీదేవియై నమః 🌺🌺🌺🌺🌺

నిగ్గదీసి అడుగు ఈ సిగ్గులేని జనాన్ని అగ్గితోటి కడుగు ఈ సమాజ జీవచ్ఛవాన్ని మారదు లోకం మారదు కాలం దేవుడు దిగిరానీ ఎవ్వరు ఏమైపోనీ మారదు లోకం మారదు కాలం గాలివాటు గమనానికి కాలిబాట దేనికి గొర్రెదాటు మందకి నీ ఙానబోధ దేనికి ఏ చరిత్ర నేర్చుకుంది పచ్చని పాఠం ఏ క్షణాన మార్చుకుంది చిచ్చుల మార్గం రామబాణమార్పిందా రావణ కాష్టం కృష్ణ గీత ఆపిందా నిత్య కురుక్షేత్రం పాత రాతి గుహలు పాల రాతి గృహాలైనా అడవి నీతి మారిందా ఎన్ని యుగాలైనా వేట అదే వేటు అదే నాటి కథే అంతా నట్టడవులు నడివీధికి నడిచొస్తే వింతా బలవంతులె బ్రతకాలనే సూక్తి మరవకుండ శతాబ్దాలు చదవలేద ఈ అరణ్య కాండ నిగ్గదీసి అడుగు ఈ సిగ్గులేని జనాన్ని అగ్గితోటి కడుగు ఈ సమాజ జీవచ్ఛవాన్ని మారదు లోకం మారదు కాలం దేవుడు దిగిరానీ ఎవ్వరు ఏమైపోనీ మారదు లోకం మారదు కాలం

వేములపల్లి శ్రీకృష్ణ ఎవరో తెలుసా..? వామపక్ష రాజకీయ వాసనలున్న కొందరికైతే ఆయన కమ్యూనిస్టు గా తెలుసు. మరికొందరికి ప్రజాప్రతినిధిగా ఎరుక. బాపట్ల, మంగళగిరి నియోజక వర్గాలనుండి రెండుసార్లు శాసనసభకు ఎన్నికయ్యారు. బహుకొద్దిమందికి ఆయన ఒక పాత్రికేయునిగా గుర్తు. విశాలంధ్ర ఎడిటర్‌గా రాష్ట్రంలో పాతకాలం పత్రికా పాఠకులకు తెలిసుండచ్చు. ఆయన గొప్ప కవి అని చాలామందికి తెలీక పోవచ్చు. అందులోనూ ఆయన రాసిన ఒక గేయం దశాబ్దాలపాటు తెలుగునేల నాలుగు దిక్కులా పిక్కటిల్లింది. అన్ని భావాలు, అన్ని వాదాలు కలగలిపి సువిశాలాంధ్ర గలం వినిపించారు. తెలుగు పటిమను, ధైర్య సాహసాలను, పాండిత్య ప్రతిభను, తెలుగు సంస్కృతీ వెలుగుజిలుగులను వేనోళ్ళ కొనియాడారు. ప్రస్తుత అస్తవ్యస్త వ్యవస్థ వాతావరణంలో ఈపాటకు ఎంతో విలువ ఉంది. 50 సంవత్సరాల వయసు వాళ్ళకు కూడా శ్రీకృష్ణ గేయం గుర్తుండకపోవచ్చు. గతంలో వినిపించిన దేశభక్తిపూరిత గేయాలలో ఇది ప్రముఖంగా ఉండేది. శ్రీకృష్ణ ఎలా ఉండేవారో పాత కమ్యూనిస్టు తరానికి; తలపండి, చేయితిరిగిన పాత్రికేయ మిత్రులకు మాత్రమే స్ఫురణకు వస్తారు. చెయ్యెత్తి జైకొట్టు తెలుగోడా!! అన్న ఆయన పిలుపునకు యువత పౌరుషంతో పరుగులెత్తింది ఆ రోజుల్లో. ఆ దేదీప్య, దివ్య గీతిక ఇప్పుడు తెలుగు రాష్ట్రాల్లో కంచుకాగడా పెట్టివెతికినా ఎక్కడా కాగితాల్లో (పాఠ్యపుస్తకాల్లో) కలాల్లో, గళాల్లో కనిపించదు, వినిపించదు. ఒక్క సారి ఆ గీతాన్ని మననం చేసుకుందామా!! చెయ్యెత్తి జైకొట్టు తెలుగోడా! గతమెంతో ఘనకీర్తి కలవోడా! సాటిలేని జాతి-ఓటమెరుగని కోట నివురుగప్పి నేడు-నిదురపోతుండాది జైకొట్టి మేల్కొలుపు తెలుగోడా! గతమెంతో ఘనకీర్తి కలవోడా!!||చెయ్యెత్తి|| వీర రక్తపుధార-వారబోసిన సీమ పలనాడు నీదెరా-వెలనాడు నీదెరా బాలచంద్రుడు చూడ ఎవడోయి! తాండ్రపాపయ్య కూడనీవోడూ||చెయ్యెత్తి|| కాకతీయ రుద్రమ, మల్లమాంబా, మొల్ల మగువ మాంచాల నీతోడ బుట్టినవాళ్ళే వీరవనితల గన్న తల్లేరా! ధీరమాతల జన్మ భూమేరా! ||చెయ్యెత్తి|| నాగార్జునుడి కొండ,అమరావతీస్థూపం భావాల పుట్టలో-జీవకళ పొదిగావు అల్పుడను కావంచు తెల్పావు నీవు శిల్పినని చాటావు దేశదేశాలలో! ||చెయ్యెత్తి|| దేశమంతే వట్టి మట్టి కాదన్నాడు మనుషులన్నమాట మరువబోకన్నాడు అమరకవి గురజాడ నీవాడురా ప్రజలకవితను చాటిచూపాడురా! ||చెయ్యెత్తి|| రాయలేలిన సీమ-రతనాల సీమరా దాయగట్టె పరులు-దారి తీస్తుండారు నోరెత్తి యడగరా దానోడా వారసుడ నీవెరా తెలుగోడా! ||చెయ్యెత్తి|| కల్లోల గౌతమీ-వెల్లువల కృష్ణమ్మ తుంగభద్రాతల్లి-పొంగిపొరలిన చాలు ధాన్యరాశులే పండు దేశానా! కూడుగుడ్డకు కొదవలేదన్నా!||చెయ్యెత్తి|| ముక్కోటి బలగమోయ్-ఒక్కటిగ మనముంటే ఇరుగుపొరుగులోన -వూరు పేరుంటాది తల్లి ఒక్కతే నీకు తెలుగోడా! సవతిబిడ్డల పోరు మనకేలా! ||చెయ్యెత్తి|| పెనుగాలి వీచింది-అణగారి పోయింది నట్టనడి సంద్రాన-నావ నిలుచుండాది చుక్కాని బట్టరా తెలుగోడా! నావ దరిచేర్చరా మొనగాడా!! !! చెయ్యెత్తి జైకొట్టు తెలుగోడా||

కారే రాజులు రాజ్యముల్ కలుగవే గర్వోన్నతింబొందరే వారేరీ? సిరిమూట గట్టుకుని పోవంజాలిరే భూమిపై పెరైనం గలదే శిబిప్రముఖులుం బ్రీతిన్ యశఃకాములై యీరే కోర్కులు వారలన్ మరచిరే యిక్కాలమున్ భార్గవా?

॥తెలుగు గజల్ ॥ పిడకెడంత గుండెకదా భావాలకు ఆవాసం! చేరెడంత కళ్ళు కదా కన్నీళ్ళకు ఆవాసం ! గుప్పెడంత బువ్వలేక గిలగిలమను కడుపులెన్ని విసిరేసే నాణాలే ప్రాణాలకు ఆవాసం! జానెడంత పొట్టనిండ జారిణిగా మారెనేమొ అనామికలు ఉన్నవాడి కోరికలకు ఆవాసం ! ముత్యమంత నవ్వులేక ముక్కిపోవు మనసులెన్ని ? ఓర్వలేని బుద్ధికదా ద్వేషాలకు ఆవాసం ! బోలెడంత ధనమున్నా సుఖంలేదు మిత్రమా భోగాలే అంతులేని రోగాలకు ఆవాసం ! పుట్టెడంత దుఃఖానికి పుట్టనేల గిట్టనేల ఉదయించిన జ్ఞానంకద త్యాగాలకు ఆవాసం! పట్టెడంత పెట్టిచూడు జంధ్యాలా ఎంతతృప్తి విచ్చుకున్న హృదయాలే మానవతకు ఆవాసం ! డా. ఉమాదేవి జంధ్యాల 2019 జూన్ 3

క‌మ్యూనిస్టులంటే కుళ్లు ఎందుకు? విషం జ‌ల్లుతూ వికృతానందం ఎందుకు? ఓటుకి నోటు కాడ వాళ్లు లేర‌నా..! పార్ల‌మెంట్ లో నోట్ల క‌ట్ట‌లు జ‌ల్లిన‌ప్పుడు క‌నిపించ లేద‌నా? అవినీతి మ‌చ్చలేని నేత‌లుగా ఉన్నారనా..! సర్వ అక్ర‌మాల‌కు స‌మాధానంగా క‌నిపిస్తున్నార‌నా? ప్ర‌లోభాల‌కు దూరంగా, ప్ర‌జాసేవ‌లో ఉన్నార‌నా.! ప్ర‌జ‌ల‌కండ‌గా నిలిచి పోరాడుతున్నార‌నా? ప్ర‌పంచీక‌ర‌ణ‌పై ర‌ణం చేస్తున్నార‌నా..! స‌ర‌ళీక‌ర‌ణ ప్ర‌మాదాన్ని చాటుతున్నార‌నా? మతోన్మాదుల మ‌నుగ‌డుకు ఆటంకమ‌నా..! మ‌త‌సామ‌ర‌స్యం ప‌రిఢ‌విల్లాల‌ని పోరుతున్నార‌నా? కుల‌వివ‌క్ష అంతానికై పంతం ప‌ట్టార‌నా..! కులం అడ్డుగోడ‌లు ప‌గుల‌గొట్ట‌డానికి అడుగులు వేస్తున్నార‌నా? దేశ‌భ‌క్తికి, త్యాగ‌నిర‌తికి నిద‌ర్శ‌నంగా మారుతున్నార‌నా..! ఎప్ప‌టికైనా మంది గ్ర‌హిస్తే మీ మ‌నుగ‌డకు ముప్పు వాటిల్లుతుంద‌నా? ఎందుకో మీ దుగ్ధ‌! ఎందుకో మీ కంట‌గింపు! ఎందుకో క‌న్నీరు!! ఎందుకో మీ క‌ల‌వ‌రింపు!! మీరెందుకు ప‌డి ఏడ్చినా ప్ర‌జ‌ల ప‌క్ష‌పాతికి అడ్డు ఉండ‌దు ప్ర‌జా స‌మ‌స్య‌ల‌పై పోరాడే జెండాకు ఎదురుండ‌దు ఓట్లు, సీట్లు కొల‌త‌ల్లో మీరు సంతోష‌ప‌డండి ప్ర‌జాపోరాటాల సార‌ధిగా ఎర్ర‌జెండా రెప‌రెప‌ల‌తో కంగారుప‌డండి!!

మగవాళ్ళ మన్ కీ బాత్ - భండారు శ్రీనివాసరావు (కొందరు ఆడవాళ్ళను గురించి మరికొందరు మగవాళ్లు సరదాగా చెప్పిన మాటలు ఇవి. వాళ్ల వ్యక్తిగత అభిప్రాయాలు అందరు ఆడవాళ్ళకు వర్తించాలని రూలేమీ లేదు) “పెళ్లి తర్వాత భార్యాభర్తలు ఒకే నాణేనికి రెండు పార్శ్వాలు గా వుంటారు. కలసివున్నట్టుగా కనిపిస్తారు కానీ ఎన్నటికీ కలవలేరు.”- అల్ గోరె “మగవాళ్ళు పెళ్లి చేసుకోవడంలో తప్పులేదు. మంచి భార్య దొరికిందా సుఖపడతారు. లేకపోతే నష్టం లేదు. పెద్ద వేదాంతిగా మారే అవకాశాలు పెరుగుతాయి.”- సోక్రటీస్ “తన భర్త గొప్పగొప్ప పనులు చేసి విజయాలు సాధించాలని ప్రతి భార్యా ఉత్సాహపడుతుంది. అతడిని ఆవైపుగా ప్రోత్సహిస్తుంది. కానీ, అంతవరకే. మొగుడు వాటిని సాధించడం మాత్రం ఇష్టపడదు.” - మైక్ టైసన్ “బహుశా ఎవ్వరూ జవాబు చెప్పలేని ప్రశ్న ఏదయినా వుందా అని నన్నడిగితే నా మెదడుకు ఒక్కటే తడుతోంది- ఆడది కోరుకునేది ఏమిటి ? అన్నదే ఆ ప్రశ్న.” – జార్జ్ క్లూనీ “నేను మా ఆవిడతో మాట్లాడింది కేవలం మూడంటే మూడే ముక్కలు. బదులుగా ఆమె ఏకంగా ఒక దండకమే చదివింది.” – బిల్ క్లింటన్ “మీరూ మీ ఆవిడా ఇన్నేళ్ళుగా కలసి కలతలు లేని కాపురం చేస్తున్నారు. ఏమిటి ఇందులో రహస్యం అని నా మిత్రులు అడుగుతుంటారు.ఇందులో పెద్దగా దాచుకోవాల్సింది ఏమీ లేదు. ఎన్ని పని వొత్తిడులు వున్నా వీలు చేసుకుని వారానికి రెండు సార్లు ఏదయినా రెస్టారెంటుకు వెళ్లి మంచి సంగీతం వింటూ క్యాండిల్ లైట్ డిన్నర్ చేస్తుంటాము. కాకపొతే ఆవిడ ప్రతి మంగళవారం శుక్రవారం వెడుతుంది. నేను మాత్రం శని, ఆదివారాల్లో వెడుతుంటాను.” – జార్జ్ డబ్ల్యు. బుష్ “ఉగ్రవాదం అన్నా ఉగ్రవాదులన్నా నాకు భయమనిపించదు. నేను పెళ్లి చేసుకుని రెండేళ్ళయింది.”- -రూడీ గిలానీ “ రెండు పెళ్ళిళ్ళు చేసుకున్నాను అన్నమాటేకాని నిజానికి సుఖపడిందేమీ లేదు. మొదటి భార్య నన్ను వొదిలేసింది. రెండో ఆవిడ ఆ పని చెయ్యకపోగా ముగ్గురు పిల్లలకు తండ్రిని చేసింది.” – డొనాల్డ్ ట్రంప్ “కాపురం పది కాలాలపాటు సజావుగా సాగాలంటే భర్తలకు నేను చెప్పే సలహాలు రెండే రెండు. ఒకటి. మీరు చెప్పేది రైట్ కాదని తెలిసినప్పుడు నిజాయితీగా దాన్ని భార్యముందు వొప్పుకోండి. రెండు. మీరే రైట్ అనుకున్నప్పుడు దాన్ని మీ ఆవిడతో చెప్పకుండా నోరుమూసుకోండి.” - షాక్విల్ ఓ’ నీల్ “భార్య పుట్టినరోజు మరచిపోకుండా గట్టిగా గుర్తు పెట్టుకోవాలనుకుంటే ఒక మార్గం వుంది. ఓ ఏడాది దాన్ని గురించి మరచిపోయి చూడండి. ఆ తర్వాత గుర్తుంచుకోవడం ఎలాగో ఆవిడే నేర్పుతుంది.” - కోబె బ్రియాంట్ “పెళ్ళికి ముందు ఏం చేసానో తెలుసా ? జీవితంలో ఏవేం కావాలనుకున్నానో అన్నీ చేసికూర్చున్నాను.”.- డేవిడ్ హాసెల్ హాఫ్ “నేనూ మా ఆవిడా ఇరవై ఏళ్ళపాటు హాయిగా, నిశ్చింతగా వున్నాము. ఆ తర్వాతే ఇద్దరం కలుసుకోవడం, పెళ్ళిచేసుకోవడం జరిగింది.”- అలెక్ బాల్డ్విన్ “మంచి భార్యకో మంచి లక్షణం వుంటుంది. తప్పు తనదైనప్పుడు భర్తను ఉదారంగా క్షమిస్తుంది.”-బరాక్ ఒబామా “వివాహం అనేది ఒక యుద్ధం లాటిది. కాకపొతే ఈ యుద్ధరంగంలో శత్రువులిద్దరూ కలసి ఒకే చోట నిద్రిస్తారు.” – టమ్మీ లీ ఒకడు చెప్పాడు. " నా భార్య దేవత” “అంత అదృష్టం అందరికీ వుంటుందా. మా ఆవిడ బతికే వుంది.” – జిమ్మీ కిమ్మెల్ “లేడీస్ ఫస్ట్ అంటారు ఎందుకని ?” “దేవుడు కూడా ఆ మాటనే నమ్ముకుని ఆడవాళ్లనే ముందు లోకంలోకి పంపాడు. వాళ్లు మొత్తం ప్రపంచాన్ని ఒక మెస్ చేసికూర్చుంటారని ఆయనకూ తెలియదు” – డేవిడ్ లెటర్ మాన్ “ముందు ఎంగేజ్ మెంట్ రింగ్. తరువాత మ్యారేజ్ రింగ్. ఆ తరువాత ...” “ఇంకేం రింగ్. మిగిలేది ఒక్కటే. సఫరింగ్” - జే లెనో

మనసు, మాట, క్రియ సమైక్యమ్ములగు శిష్టమానవులకు, దుష్టమానవులకుతలపు వేరు, భాషితము వేరు, క్రియవేరులలితసుగుణజాల! తెలుగుబాల!! మాంద్యమెల్ల దీర్చు, మంచి పేరు వెలార్చుమనసు కలక దేర్చు, ఘనత కూర్చుసాధుమైత్రి సకల సౌభాగ్య సంధాత్రిలలితసుగుణజాల! తెలుగుబాల!! నష్టమధికమైన, కష్టాలు కలిగిన,సిరి తొలంగి చనిన, మరణమైన,ధర్మపథ మొకింత తప్ప రుత్తమజనుల్లలితసుగుణజాల! తెలుగుబాల!!

ఎవరు వ్రాసారో తెలియదు కానీ చాల బాగుంది. అందుకే మీకు పంపిస్తున్నాను. నేటి సెల్‌ఫోన్ చరవాణి... జేబుల్లో కీరవాణి మాయచేసే మహారాణి వ్యసనాల యువరాణి గుప్పిట్లో ఉండాల్సింది.. అందర్నీ గుప్పిట్లో పెట్టుకుంది అదనపు అవయవంగా మారి.. అవయవాలన్నటినీ ఆడిస్తోంది "ప్రపంచానికి" అవసరమని రూపిస్తే.. తానే "ప్రపంచమై" కూర్చుంది సౌకర్యం కోసం సృష్టిస్తే .. సృష్టించిన వాణ్ణే శాసిస్తోంది "నట్టింట్లో" మాటలు మాన్చి.. నెట్టింట్లో ఊసులు కలిపింది. చాటింగులు... మీటింగులు... ఆపై రేటింగులు..అంటూ యువతను పెడద్రోవ పట్టిస్తోంది సమాజాన్ని పట్టి పీడిస్తోంది. విలువైన సమయాన్ని తనలోనే చూపిస్తూ చిత్రంగా హరిస్తోంది అయిన వాళ్ళు పక్కప్రక్కనే ఉన్నా యంత్రాన్ని ప్రేమించే పిచ్చివాళ్ళను చేసింది వ్యసనపరులుగా మార్చింది. ప్రమాదవశాత్తు పడిపోయినా... "ప్రాణం ఉందోలేదో చూసుకోకుండా "ఫోను"ఉందో లేదో చూసుకునే స్థాయికి దిగజార్చింది. ఎన్నని చెప్పను దీని లీలలు ఓ మిత్రమా...! విజ్ఞానం కోసం చేసింది అజ్ఞానంగా వాడకు ఊడిగం చేయించుకో... అంతేగాని బానిసగా మారకు. దేన్నెక్కడుంచాలో అక్కడే ఉంచు. నెత్తినెట్టుకున్నావో .. పాతాళానికి తొక్కేస్తుంది. బి కేర్ ఫుల్ అది మాయల మహరాణి వ్యసనాల యువరాణి చేతిలోని చరవాణి.

ఎవ్వనిచేజనించు జగమెవ్వని లోపలనుండు లీనమై యెవ్వని యందు డిందు, పరమేశ్వరుడెవ్వడు, మూలకరణం బెవ్వడనాది మధ్య లయుడెవ్వడు, సర్వము తానయైన వా డెవ్వడు, వానినాత్మభవునీశ్వరునే శరణంబు వేడెదన్.

ఊఉ ..
.
పరుల కోసం పాటు పడని నరుని బ్రతుకు దేనికని / 2/
మూగ నేలకు ... నీరందివ్వని వాగు పరుగు దేనికని "
.
.

తాతలు తాగిన నేతుల సంగతి - 4 నీతులుగా . . .
పలికెను మన సంసకృతి
జల్లుకు నిలవని ఎండకు ఆగని చిల్లుల గొడుగు దేనికని - / / పరుల//
.
.

ఆ ఆ ఆ ఆఅ ఆఅ ఆఆఅ ఆఆఅ
.

ఆదర్శాలకు నోళ్ళు చాలవు , ఆశయాలకు ఫైళ్ళు చాలవు
పదపద మంటూ పలుకులేగాని కదలని అడుగు దేనికని -- / / పరుల//
.
.

జలవిద్యుతుకు కరువేలేదు , జనసంపత్తికి కొరవే లేదు
అవసరానికి మీట నొక్కితే అందని వెలుగు దేనికని-- / / పరుల//
.
.

శిశు హృదయానికి కల్లలు లేవ్ు, రసరాజ్యానికి ఎల్లలు లేవు
లోపలి నలుపు సినారే కు తెలుసు, పై పై తొడుగు దేనికని / / పరుల//

ఒక యోగి ఆత్మకధఅప్పటికి నా స్కూలు ఫైనల్ కూడా కాలేదు. ఎవరిచ్చారో తెలియదు. ఒక యోగి ఆత్మ కధ పుస్తకాన్ని ఆమూలాగ్రం ఒక్క పెట్టున చదివేశాను. అది చదివి అర్ధం చేసుకునే వయసు కూడా కాదు. కానీ అది చదివిన తరవాత చాలాకాలం గుర్తుండిపోయింది. మానవ జీవితంలో ఇటువంటివి అసాధ్యం అనే నమ్మకాలు కొద్దికొద్దిగా బలపడుతున్న రోజులు. నమ్మకాలకు అపనమ్మకాలకు నడుమ గుంజాటన పడుతున్న వయసు. ఏది నమ్మాలో ఏది నమ్మకూడదో తెలియదు. ఆ సందిగ్ధతలో కొట్టుమిట్టాడుతూ చదివిన పుస్తకం అది. శ్రీ కాళహస్తీశ్వర శతకంలో కవి ధూర్జటి ఇలా అంటాడు.(ఈ పుస్తకాన్ని గురించి గుర్తు చేసిన Rajani Putcha గారికి కృతజ్ఞతలతో )

"సీస పద్యము"----------------------రచన : డా. ఆచార్య ఫణీంద్ర~~~~~~~~~~~~~~~~~~పాలుగారెడునట్టి పసిబుగ్గలనుగల్గుబాల్యమ్ములోపల ‘పాల సీస’-బుడిబుడి యడుగుల నడకలు సాగించుడింభక దశను ‘కూల్ డ్రింకు సీస’-మెత్తని నూనూగు మీసాలు మొలిచెడియవ్వనంబున ‘ఆల్కహాలు సీస’-ఆరోగ్యమే కొంత అటునిటై, నడిమి ప్రాయమ్మునందున ‘ఔషధమ్ము సీస’- ముదిమి వయసునందు ముదిరిన జబ్బులోప్రాణ రక్షకై ‘సెలైను సీస’-చిత్రమగును నరుని సీసాల బంధమ్ము!‘సీస’ పద్యమె నర జీవితమ్ము! *

పల్లవి:
విధాత తలపున, ప్రభవించినది, అనాది జీవనవేదం, ఓం...
ప్రాణనాడులకి స్పందననొసగిన ఆది ప్రణవనాదం, ఓం ...
కనుల కొలను లో ప్రతిబింబించిన విశ్వారూప విన్యాసం
యదకనుమలలో, ప్రతిధ్వనించిన విరించి పంచి గానం ...
సరసస్వర సుర ఛరీగమనమం,సామ వేద సారమిది ||2||

నే పాడిన జీవన గీతం, ఈ గీతం ..
విరించినై విరచించితిని ఈ కవనం, విపంచినై వినిపించితిని ఈ గీతం

చరణం 1:
ప్రాగ్దిశ వేణియపైన దినకర మయూఖతంత్రుల పైన,
జాగృత విహంగతతులే వినీల గగనపు వేదిక పైన ||2||

పలికిన కిలకిల గళముల స్వరగతి జగతికి శ్రీకారము కాగ, విశ్వా కావ్యమునకిది భాష్యముగా..
విరించినై విరచించితిని ఈ కవనం, విపంచినై వినిపించితిని ఈ గీతం

చరణం 2:
జనించు ప్రతిశిశు గళమున పలికిన జీవననాధతరంగం
చేతన పొందిన స్పందన ధ్వనించు హృదయ మృదంగ ధ్వానం ||2||

అనాదిరాగం ఆదితాళమున అనంత జీవనవాహినిగా, సాగిన సృష్టి విలాసమునే
విరించినై విరచించితిని ఈ కవనం, విపంచినై వినిపించితిని ఈ గీతం

నా ఉచ్వాసం కవనం, నా నిశ్వాసం గానం ||2||
సరసస్వర సుర ఛరీగమనమం,సామ వేద సారమిది
నే పాడిన జీవన గీతం, ఈ గీతం

"మందార మకరంద మాధుర్యమునదేలు" బాగవతం నుండి పోతన పద్యం గానం మృదురవళిసీ||మందార మకరంద మాధుర్యమునదేలు మధుపంబు(తుమ్మెద) వోవునే మదనములకు(ఉమ్మెత్తచెట్టు) నిర్మల మందాకినీ(గంగానది) వీచికల దూగు రాయంచ(రాజహంస) చనునె తరంగిణులకు(వాగులు) లలితరసాల వల్లవ ఖాదియై(తిని) చొక్కు(ఆనందించు) కోయిల చేరునే కుటజములకు(కొండమల్లెలు) పూర్ణేందు చంద్రికా స్పురిత చకోరకం బరగునే సాంద్రనీహారములకు(మంచుపోగ)తే||అంబుజోదర దివ్వపాదారవింద చింతనామృతపాన విశేషమత్త చిత్త మేరీతి నితరంబు జేరనేర్చు వినుత గుణశీల మాటలు వేయునేల||మందారమకరందాల తీపి మరిగిన తుమ్మెద ఉమ్మెత్త పూలను చెరుకుంటు౦దా? ఆకాశగంగాతరంగాలలో ఉయ్యాలలూగే రాజహంస వాగులకూ వంకలకూ వెళుతుందా? తీయని మామిడి లేత చిగుళ్ళను తిని పరవశించే కోయిల కొండమల్లెలను కోరుకుంటుందా ? పండు వెన్నెల బయళ్ళలో విహరించే చకోరం మంచుపొగల వేపు పోతుందా ? లేదు , వీలుకాదు. వేయి మాటలెందుకు ? పరమాత్ముని వలచిన మనసు మరో వేపు చేరుకోదు .ఈ పద్యంలో కనీసం మొదటిపాదం రాని తెలుగువాడు దాదాపుగా లేడు. ఇంతటి వశీకరనశక్తికి మూలకారణం మధురాక్షర సమ్మేళనం. "మందార" "మదుప" "మదనములు" . ఒక్క పాదంలోనే ఇన్ని మకారాల గుబాళింపు. అందుకే ఈ పద్యం తెలుగువారి నోటికెక్కింది .

తెనాలి రామ కృష్ణ సినిమా చూసేరు కదా. అందులో ధూర్జటి పల్కులకేల కల్గెనో ఈ అతులిత మాధురీ మహిమ? అని రాయలు ఆశ్చర్యపోతె హా తెలిసెన్ అని రామ కృష్ణుడి సమాధానం ఉంటుంది. అయితే ఇక్కడ గమనించవలసింది ఏమిటంటే పదాల విరుపులో ధూర్జటిని పొగిడినట్లు కాక వెటకారం చేసినట్లు మనకనిపిస్తుంది.ముందుగా సినిమాలో పాడిన, రామ కృష్హ్ణుడు నటించిన విధం చూద్దాము.స్తుతమతి యైన యాంధ్ర కవి ధూర్జటి పల్కుల కేల కల్గె నీయతులిత మాధురీ మహిమ? --- --- ---ఆంధ్ర కవి = Telugu poetస్తుతమతి యైన = with praiseworthy intellectధూర్జటి = the poet Dhurjatiపల్కులకు+ఏల = how his wordsకల్గెన్ = happenedఈ = thisఅతులిత = incomparableమాధురీ మహిమ = nectar-like sweet effectహా తెలిసెన్, భువనైక మోహనోద్ధత సుకుమార వార వనితా జనతా ఘనతాప హారి సంతత మధురాధరోదిత సుధా రస ధారలు గ్రోలుటం జుమీహా తెలిసెన్ = yes, I got itభువనైక = the entire worldమోహన+ ఉద్ధత = capable of enchantingసుకుమార = delicateవార వనితా జనతా = group of "street" women (prostitutes)ఘన = greatతాప = suffering of loveహారి = destroyerసంతత = constantlyమధుర = sweetఅధర+ ఉదిత = born from the lipsసుధారస = honeyధారల = streamsగ్రోలుటం = upon savoringజుమీ = listen!Tenali Ramakrishna replied, "yes, I know, listen! It's because he (that is, Dhurjati) had been constantly savoring the streams of honey from the lips of the delicate prostitutes who are so lovely that they can enchant the whole world! here is the correct meaning of this poem.The answer is as follows:భువనైక = the entire worldమోహన+ ఉద్ధత = capable of enchantingసు+కుమార+వార = the group of good sons and daughtersవనిత జనత = and wives (a man could have more than one wife in those days)ఘన తాప = great painహారి = removerమధు రాధ = sweeter than honeyరోదిత = born of meditationసుధారస = honeyధారల = streamsగ్రోలుటం = upon savoringజుమీ = listen!The wives and the children, capable of enchanting the world, are the bonds that keep one attached to the world and cause pain. This pain is overcome by the constant meditation, which is sweeter than honey - it's because the Telugu poet had been feeding on such streams of sweetness that his poetry is so incomparably sweet!This explanation was put forward by renowned Telugu scholar, the late Ravuri Venkateswarlu gaaru.Both the interpretations of the poem are given in the book "పద్య కవితా పరిచయం" by ఆచార్య బేతవోలు రామ బ్రహ్మం గారు.

ఆడదే ఆధారం మన కథ ఆడనె ఆరంభంఆడదే సంతోషం మనిషికి ఆడదె సంతాపంఆడదే ఆధారం మన కథ ఆడనె ఆరంభంఆడదే సంతోషం మనిషికి ఆడదె సంతాపంచరణం1:కోతిమంద చేత సేతువే నిర్మింపచేసింది ఆడదిరానాడు తాళికోసం యముడి కాలపాశంతోనే పోరింది ఆడదిరాఖడ్గ తిక్కన కత్తి తుప్పు పట్టకుండ ఆపింది ఆడదిరాఅల్ల బాలచంద్రుడి చండ్రభాను తేజము వెనుక వెలిగింది ఆడదిరావేమన వేదానికి నాదం ఒక ఆడదిరావేమన వేదానికి నాదం ఒక ఆడదిరాఇతగాన్ని నడుపుతుంది అటువంటి ఆడదిరాఆడదే ఆధారం మన కథ ఆడనె ఆరంభంఆడదే సంతోషం మనిషికి ఆడదె సంతాపంఆడదే ఆధారం మన కథ ఆడనె ఆరంభంఆడదే సంతోషం మనిషికి ఆడదె సంతాపంచరణం2:దశరధున్ని నాడు దిక్కులేని దశకు తెచ్చింది ఆడదిరాఅయ్యో భీష్ముడంతటివాణ్ణి అంపశయ్యను పెట్టి చంపింది ఆడదిరాఅందాల అగ్గిలో విశ్వామిత్రుడి నిష్ఠ చెరిపింది ఆడదిరాఅహ పల్నాడు నేలంతా పచ్చినెత్తుట్లోన తడిపింది ఆడదిరాకోడల్ని తగలపెట్టే అత్త కూడా ఆడదిరాకోడల్ని తగలపెట్టే అత్త కూడా ఆడదిరాఈ మగవాన్ని నేడు చెరిచింది ఆడదిరాఆడదే ఆధారం మన కథ ఆడనె ఆరంభంఆడదే సంతోషం మనిషికి ఆడదె సంతాపంఆడదే ఆధారం మన కథ ఆడనె ఆరంభంఆడదే సంతోషం మనిషికి ఆడదె సంతాపంచరణం3:పంచపాండవులకు కీర్తి కిరీటలు పెట్టింది ఆడదిరాఅయ్యో ఇంద్రుడు చంద్రుడు అపకీర్తి పాలైన కారణం ఆడదిరాపోత పోసిన పున్నమంటి తాజ్‌మహలు పునాది ఆడదిరాఅయ్యో మేటి సామ్రాజ్యాల కోటలెన్నో కూలగొట్టింది ఆడదిరామంచికైనా చెడుకైనా మూలం ఒక ఆడదిరామంచికైనా చెడుకైనా మూలం ఒక ఆడదిరాచరిత్రలో ప్రతి పుట ఆమె కథే పాడునురాఆడదే ఆధారం మన కథ ఆడనె ఆరంభంఆడదే సంతోషం మనిషికి ఆడదె సంతాపంఆడదే ఆధారం మన కథ ఆడనె ఆరంభంఆడదే సంతోషం మనిషికి ఆడదె సంతాపం

అన విని వ్రేటువడ్డ యురగాంగనయుం బలె, నేయి వోయ భగ్గన దరికొన్న భీషణ హుతాశన కీల యనంగ లేచి, హెచ్చిన కనుదోయి కెంపు తన చెక్కులఁగుంకుమ పత్ర భంగ సంజనిత నవీన కాంతి వెదజల్లగ గద్గదఖిన్న కంఠియై. దెబ్బతిన్న త్రాచువలె, నేయిపోయగా భగ్గున మండిన అగ్నిజ్వాలవలె లేచి, కన్నులు ఎర్రవడ స్త్రీ సహజమైన గద్గద కంఠముతో సందేహాందోళితయై –

కణ కణమున కంఠమిదే అణువణువున నాదమిదే
మాతృభూమి మనల చూచి కోరుచున్న కోర్కె ఇదే , కోరుచున్న కోర్కె ఇదే

బీదరికం బాధలతో బాధామయ గాధలతో
ఆత్మన్యూన భావంతో అలమటించు జాతిలోన
సామాజిక సమరసత స్వాభిమాన సంపూర్ణత
సాధించగ రారమ్మని మాతృభూమి పిలుపు ఇదే ||కణ |||

విలాసాలు విడిచిపెట్టి కులాసాలు కట్టిపెట్టి
వీరవ్రతం స్వికరించి ధ్యేయనిష్ఠ దీక్షబూని
సంఘటనా సూత్రముతో ధర్మరక్ష లక్ష్యమును
సాధించగ రారమ్మని మాతృభూమి పిలుపు ఇదే ||కణ |||

విశ్వశాంతి సందేశం వినిపించిన ఈ దేశం
విదేశీయ వాదంతో విధర్మీయ వికృతితో
విచ్చిన్నం కాక ముందే హిందుత్వం కాపాడగ
విక్రమించ రారమ్మని మాతృభూమి పిలుపు ఇదే ||కన ||