తెలుగెక్కడుందిరా తెలుగోడా, నీ తెలుగు తెల్లారె తెలుగోడా...! అమ్మనే ఈజిప్టు మమ్మీని చేసావు, నాన్ననే డాడీకి డమ్మీని చేసావు... నీ బిడ్డ అఆలు దిద్దనే లేదు, తన భాష చదవడం రాయడం రాదు... తెలుగునే వెలివేసె మన బడులు, తెలుగు మాట్లాడితే పగులుద్ది దౌడ... తెలుగెక్కడుందిరా తెలుగోడా, నీ తెలుగు తెల్లారె తెలుగోడా...! లేత మనసుల్లోన నీతులే ముద్రించు శతకాలు అటకెక్కి చెద పట్టినాయి, బతుకు పుటలను తెరచి వ్యాఖ్యానమొనరించు మన తెలుగు సామెతలు మంట గలిసాయి...! రామాయణం లేదు, భారతం లేదు, భాగవత పద్యాల్లొ ఒకటైన రాదు...! కథలు చెప్పే బామ్మ అమ్మమ్మలేరి? కదలరే టీవీల చుట్టూత చేరి...! మమ్మీకి ఎల్ కే జి ర్యాంకులే ముఖ్యం, డాడీకి లైఫులో విజయమే లక్ష్యం...! తెలుగెక్కడుందిరా తెలుగోడా, నీ తెలుగు తెల్లారె తెలుగోడా...! మువ్వన్నె జెండాను తెగ ఊపుతున్నావు, దాన్ని చేసిన తెలుగువాడెవడొ తెలుసా? వెండి తెర హీరోలను వీరులంటున్నావు, నిజ జీవితపు తెలుగు హీరోలు తెలుసా? గుడి గుడీ గుంచాలు... కోతి కొమ్మచ్ఛీ, ఏళ్ళు గడిచెను తెలుగు ఆటలే చచ్చి... పసివాళ్ళ చేతులకు సెల్ ఫోనులిచ్చి, పెంచావు వీడియో గేమ్సుపై పిచ్చి... పోటీకి సయ్యంది నీ తెలుగు మేధ, ఉనికినే మరచింది... అది అసలు బాధ...! తెలుగెక్కడుందిరా తెలుగోడా, నీ తెలుగు తెల్లారె తెలుగోడా...! కూడుపెట్టని భాషని 'భాష' కాదన్నావు, డాలర్లు తెచ్చేదె అసలు చదువన్నావు... తెలుగు పండగలన్ని మొక్కుబడి చేసావు, కార్పొరేట్ పండగల ఉచ్చులో పడ్డావు... గ్లోబునే గెలిచాము చూడమన్నావు, తల్లి వేరును మటుకు తెగనరికినావు... తెలుగు మొనగాణ్ణి అని తొడచరిచినావు, తల్లి పేరడిగితే తెల్లబోయావు...! నీ పిల్లలకు ఒక్క తెలుగు పేరుందా? సెంటిమెంటల్ స్టంటు చాలు, నీ బొందా...! తెలుగెక్కడుందిరా తెలుగోడా, నీ తెలుగు తెల్లారె తెలుగోడా...! వెంకీ ---

తెలుగెక్కడుందిరా తెలుగోడా,
నీ తెలుగు తెల్లారె తెలుగోడా...!

అమ్మనే ఈజిప్టు మమ్మీని చేసావు,
నాన్ననే డాడీకి డమ్మీని చేసావు...
నీ బిడ్డ అఆలు దిద్దనే లేదు,
తన భాష చదవడం రాయడం రాదు...
తెలుగునే వెలివేసె మన బడులు,
తెలుగు మాట్లాడితే పగులుద్ది దౌడ...

తెలుగెక్కడుందిరా తెలుగోడా,
నీ తెలుగు తెల్లారె తెలుగోడా...!

లేత మనసుల్లోన
నీతులే ముద్రించు శతకాలు
అటకెక్కి చెద పట్టినాయి,
బతుకు పుటలను తెరచి
వ్యాఖ్యానమొనరించు మన తెలుగు సామెతలు
మంట గలిసాయి...!

రామాయణం లేదు, భారతం లేదు,
భాగవత పద్యాల్లొ ఒకటైన రాదు...!
కథలు చెప్పే బామ్మ అమ్మమ్మలేరి?
కదలరే టీవీల చుట్టూత చేరి...!
మమ్మీకి ఎల్ కే జి ర్యాంకులే ముఖ్యం,
డాడీకి లైఫులో విజయమే లక్ష్యం...!

తెలుగెక్కడుందిరా తెలుగోడా,
నీ తెలుగు తెల్లారె తెలుగోడా...!

మువ్వన్నె జెండాను తెగ ఊపుతున్నావు,
దాన్ని చేసిన తెలుగువాడెవడొ తెలుసా?
వెండి తెర హీరోలను వీరులంటున్నావు,
నిజ జీవితపు తెలుగు హీరోలు తెలుసా?

గుడి గుడీ గుంచాలు... కోతి కొమ్మచ్ఛీ,
ఏళ్ళు గడిచెను తెలుగు ఆటలే చచ్చి...
పసివాళ్ళ చేతులకు సెల్ ఫోనులిచ్చి,
పెంచావు వీడియో గేమ్సుపై పిచ్చి...
పోటీకి సయ్యంది నీ తెలుగు మేధ,
ఉనికినే మరచింది... అది అసలు బాధ...!

తెలుగెక్కడుందిరా తెలుగోడా,
నీ తెలుగు తెల్లారె తెలుగోడా...!

కూడుపెట్టని భాషని 'భాష' కాదన్నావు,
డాలర్లు తెచ్చేదె అసలు చదువన్నావు...
తెలుగు పండగలన్ని మొక్కుబడి చేసావు,
కార్పొరేట్ పండగల ఉచ్చులో పడ్డావు...
గ్లోబునే గెలిచాము చూడమన్నావు,
తల్లి వేరును మటుకు తెగనరికినావు...
తెలుగు మొనగాణ్ణి అని తొడచరిచినావు,
తల్లి పేరడిగితే తెల్లబోయావు...!

నీ పిల్లలకు ఒక్క తెలుగు పేరుందా?
సెంటిమెంటల్ స్టంటు చాలు, నీ బొందా...!

తెలుగెక్కడుందిరా తెలుగోడా,
నీ తెలుగు తెల్లారె తెలుగోడా...!
వెంకీ
---

Legend NTR  Archived This topic is now archived and is closed to further replies. DVSK dialogues script By srinivas1827, July 8, 2011 in Legend NTR srinivas1827 64  Posted July 8, 2011 Hi brithers, I want dialogues script of DANA VEERA SURA KARNA. esp maya sabha and emantivi emantivi etc., I need to give practice for party in college.. so i want link or direct script whatever u have.. pervez 450  Posted July 8, 2011 On 7/8/2011 at 10:34 PM, srinivas1827 said: Hi brithers, I want dialogues script of DANA VEERA SURA KARNA. esp maya sabha and emantivi emantivi etc., I need to give practice for party in college.. so i want link or direct script whatever u have.. Read more Check back pages/history...I remember someone posting the whole dialogue...the one's you wanted....go back about 3-4 months. Vvnspsnrntr 268  Posted July 9, 2011 On 7/8/2011 at 10:34 PM, srinivas1827 said: Hi brithers, I want dialogues script of DANA VEERA SURA KARNA. esp maya sabha and emantivi emantivi etc., I need to give practice for party in college.. so i want link or direct script whatever u have.. Read more 1.సుయోధనుడు ద్రోణుడి జాత్యాహంకారాన్ని వ్యతిరేకించుట ఆగాగు! ఆచార్య దేవ, హహ్హ ఏమంటివి? ఏమంటివి ? జాతి నెపమున సూత సుతునకిందు నిలువ అర్హత లేదందువా ! ఎంత మాట, ఎంత మాట ! ఇది క్షాత్ర పరీక్షయే కాని క్షత్రియ పరీక్ష కాదే ? కాదు కాకూడదు ఇది కులపరీక్షయే అందువా ! నీ తండ్రి భరద్వాజుని జననమెట్టిది ? అతి జుగుప్సాకరమైన నీ సంభవమెట్టిది ? మట్టి కుండలో పుట్టితివికదా ! హహ్హ నీది ఏ కులము? ఇంతయేల, అస్మతపితామహుడు కురుకుల వృద్ధుడైన ఈ శాంతనవుడు శివసముద్రుల భార్యయగు గంగా గర్భమున జనియించలేదా ! ఈయన దే కులము ? నాతోనే చెప్పింతువేమయా , మా వంశమునకు మూలపుర్షుడైన వశిష్టుడు దేవవేస్యయగు ఊర్వశీపుత్రుడు కాదా ? ఆతడు పంచమజాతి కన్యయగు అరుంధతియందు శక్తిని, ఆశక్తి చండాలాంగానయందు పరాశరుని, ఆ పరాశరుడు పల్లెపడుచు మత్యగంధియందు మా తాత వ్యాసుని, ఆ వ్యాసుడు విధవరాండ్రైన మా పితామహి అంబికతో మా తండ్రిని , పినపితామహి అంబాలికతో మా పినతండ్రి పాండురాజును , మా ఇంటిదాసితో ధర్మనిర్మానజనుడని మీచే కీర్తింపబడుచున్న హ.. ఈ విదురదేవుని కనలేదా? సందర్భావసరములనుబట్టి క్షేత్రభీజప్రాదాన్యములతో సంకరమైన మా కురువంశము ఏనాడో కులహీనమైనది, కాగా, నేడు కులము.. కులము అను వ్యర్ధవాదములెందుకు? 2.కర్ణుడి పట్టాభిషేకం ఓహో ! రాచరికమా అర్హతను నిర్ణయించునది. అయిన మాసామ్రాజ్యములో సస్యశ్యామలమై సంపదవిరాళమై వెలుగొందు అంగరాజ్యమునకిప్పుడే ఈతని మూర్ధాభిషిక్తుని గావించుచున్నాను. సోదరా.. దుశ్శాసన ! అనఘ్రనవరత్న కిరీటమును వేగముగా గొనితెమ్ము, మామా.. గాంధారసార్వభౌమా ! సురుచిరమణిమయమండిత సువర్ణ సింహాసనమును తెప్పింపుము, పరిజనులారా ! పుణ్య భాగీరథీనదీతోయములనందుకొనుడు, కళ్యాణభట్టులారా ! మంగలతూర్యారవములు సుస్వరముగ మ్రోగనిండు, వంధిమాగధులారా ! కర్ణ మహారాజును కైవారము గావింపుడు, పుణ్యాంగనలారా ! ఈ రాధాసుతునకు పాలభాగమున కస్తూరీతిలకము తీర్చిదిద్ది బహుజన్మసుకృతప్రదీపాదిసౌలబ్ద సహజకవచకచవైడూర్యప్రభాదిత్యోలికి వాంచ్చలుచెలరేగ వీరగంధమువిదరాల్పుడు. నేడీ సకలమహాజనసమక్షమున, పండితపరిషన్మధ్యమున సర్వదా సర్వదా, శతదా సహస్రదా ఈ కులకలంక మహాపంకిలమును శాశ్వతముగా ప్రక్షాళనము గావించెదను . హితుడా ! అప్రతిహత వీరవరేణ్యుడవగు నీకు అంగరాజ్యమేకాదు.. నా అర్థ సింహాసనార్హత నిచ్చి గౌరవించుచున్నాను. 3.సుయోధనుడికి పాండవుల రాజసూయాగం ఆహ్వానం వచ్చినప్పుడు ఊం.. ఉ.. హహహహ విరాగియై పాండురాజుకు సరాగినియై కులప్రవర్తనాసక్తయైన కుంతికి జనియించిన పాండవులు ! ఆబాల్యమున ఆటపాటలలో మమ్ము అలమటపెట్టిన పాండవులు ! లాక్కాగృహములో నిశీధిని నిట్టనిలువునా ధహించివేసారన్న నీలాపనిందను మామీద వేసిన పాండవులు ! ఏకచక్రపురమున విప్రవేషములతో ఇల్లిల్లు తిరిపమెత్తి పలుకు వళ్ళుమెక్కిన పాండవులు ! అంతకుతగ్గగంతగా అతుకులబొంతగా ఐదుగురు ఒకే కాంతను పరిణయమాడిన పాండవులు ! స్నాయువతా సంకలిత శల్యము సంప్రాప్తించిన సుంకంమ్మన్నటుల మా పిత్రుదేవదయాలభ్ధమైన ఇంద్రప్రస్థ వైభవముతో నేడీ యాగకార్యదుర్వహుగులగుటయా ! నరకలోకముననున్న తమ తండ్రిని యమలోకమునుండి స్వర్గలోకమునకు జేర్చుట దీని ఆంతర్యమట ! ఏమి కల్పనాచాతుర్యము ? ఏమి కల్పనాచాతుర్యము ? ఐనను కుంతీ మూలమున స్వర్గనరకాధిపతులిరవురు పాండురాజునకు తమ్ములేగదా ! ఐన ఇందు జరుగనిదేమి ? లోపమేమి ? అయ్యారే ! సకలరాజన్యులోకమూ సోహోనినాదములు సలుప భారతభారతీ శుభాస్సీసులతో పరిపాలనసాగించెడి మాకు మారాటుగా సార్వభౌమత్వము సాదింపగోరి పాండవుల దుష్ప్రయత్నమా ఇది ! సాటిరాజులలో రారాజు కావలెననియెడు ధర్మజుని దుష్టంతరమా ఇది ! ఐనచో కుతంత్రముతో కుచ్చితబుద్ధితో సేయనెంచిన ఈ రాజసూయము సాగరాదు, మేమేగరాదు. 4.మయసభ ఘట్టం అహొ ! అమ్లానభావసంభావితమైన ఈ దివ్యప్రసూనమాలికారాజమును కురుసింహుని గళసీమనలనలంకరించిన వారెవ్వరు ? అ.. హహహ .. అనిమిషయామినీ అతిధిసత్కార దివ్యసేవాప్రభావమౌనా ! ఔ,, ఔ,, ఆ.. హహ్హహ,, ఓ.. ఆ.. ఏమా సుమధుర సుస్వరము ! కాకలీకలకంటికంటి కూకూఉకారసుతిహిత దివ్యసురకామినీ కామినీయక సుస్వాగతమౌనా ! హాహ్హహ.. అహా . సొబగు సొబగు.. సొబగు సొబగు.. ఔరా.. ఇది శాస్త్రవిజ్ఞాన ప్రభావమా ! హాహ్హహ.. ఔ.. ఔ.. అయ్యారే ! భ్రమ.. ఇదినా భ్రమ .. కించిత్ మధుపానాసక్తమైన మా చిత్త భ్రమ.. భళా ! సముచితసత్కారస్వీకారసంత్రుప్తస్వాంతుడనగు ఈ కురుభూకాంతుని సంభావనాసంభాషణాభూషణములచే ఈ సభాభవనము ధన్యము..ధన్యము.. అకుంచితనిర్మాణచాతురీదుర్యుడవగు ఓ మయబ్రహ్మా.. నీ శిల్పచాతురీమధురిమ ఆ బ్రహ్మకుగాని విశ్వబ్రహ్మకుగాని లేదు.. లేదు.. లేదు .. ఆ.. లేవచ్చును, లేకపోవచ్చును.. కాని పాండవహతకులకిట్టి పరిషత్తు లభించుటమాత్రం మానధనులమైన మాబోంట్లకు దుస్సహము. విశ్వవిశ్వంబరావినుతశాశ్వతమహైశ్వరీమహైశ్వరులము కావచ్చు.. అఖిల నదీనదసాగరవారిదర్గర భూకృత అనఘ్రముక్తామణీమ్రాతమ్ములు మాకుండిన ఉండవచ్చు.. సాగరమేఘరాసతీకరగ్రహణంబోనర్చి సార్వభౌమత్వమందిన అందవచ్చు.. కాని ఇట్టి సభాభవనము మాకు లేకపోవుట మోపలేని లోపము. చతుర్కృతాపచారములకంటే శత్రు వైభవము శక్తిమంతుల హృదయములకు దావాలనసధృశము. ఇక మేమిందుండరాదు. ఏమీ ! నిరాఘాటపదట్టనకు నాకీ కవాటఘట్టనమా ! పరులేవ్వరు లేరుకదా ! మా భంగాపాటును పరికించలేదుకదా! ఇస్సీ! ఈమయసభను మాకు విడిదిపట్టుగా పెట్టుట నిస్సందేహముగా ఆ పాండవ హతకులు మమ్ము అవమానిచుటకే. ఆ.. ఏమీ ! సభాభవన గర్భమున సుందర జలచరసంతియైన జలాశయమా ! ఆహ్ అంతయు మయామోహితముగా ఉన్నదే ! ఉ.. అహ్హహ్హ.. ఇదియును అట్టిదియే.. అహహ్హహ... పాంచాలీ... పంచభర్త్రుక ... వదరుపోతా.. వాయునందనా ... పాంచాలి.. పంచభర్త్రుక.. ఏమే.. ఎమేమే.. నీ ఉన్మత్తవికటాట్టహాసము ? ఎంత మరువయత్నించినను మరపునకురాక హృదయ శల్యాభిమానములైన నీ పరిహాసారవములే నాకర్ణపుటములను వ్రయ్యలు చేయుచున్నవె. అహొ ! క్షీరావారాసిజనితరాకాసుధాకర వరవంశసముత్పన్నమహొత్తమ క్షత్రియ పరిపాలిత భరతసామ్రాజ్యదౌరేయుండనై ... నిజభుజ వీర్య ప్రకంపిత చతుర్దశభువన శూరవరేణ్యులగు శతసోదరులకు అగ్రజుండనై ... పరమేశ్వర పాదాభరిత పరశురామ సద్గురుప్రాప్త శస్త్రాత్రవిద్యాపారియుండైన రాధేయునకు మిత్రుండనై.. మానధనుడనై మనుగడ సాగించు నన్ను చూచి ఒక్క ఆడుది పరిచారికా పరీవృతయై పగులబడి నవ్వుటయా ? అహొ ! తన పతులతో తుల్యుడనగు నను భావగా సంభావింపక, సమ్మానింపక.. గృహిణిధర్మ పరిగ్దగ్ధయై.. లజ్జావిముక్తయై.. ఆ పంతకి పాంచాలి ఎట్టఎదుట యేల గేలి సేయవలె ? అవునులే.. ఆ బైసిమాలిన భామకు ఎగ్గేమి ? సిగ్గేమి ? వొంతువొంతున మగలముందొక మగనిని వచ్చనపర్యంతము రెచ్చిన కడుపిచ్చితో పచ్చిపచ్చి వైభవమున తేలించు ఆలి గేలి సేసిన మాత్రమున హహ.. హహ.. మేమేల కటకట పడవలె ? ఊరకుక్క ఉచితానుచిత జ్ఞానముతో మోరెత్తి కూతలిడునా ! ఆ.. అని సరిపెట్టుకొందున ! ఈ లోకమును మూయ మూకుడుండునా ! ఐనను దుర్వ్యాజమున సాగించు యాగమని తెలిసి మేమేల రావలె ... వచ్చితిమి పో ! నిజరత్నప్రభాసమపేతమై సర్వర్త్రు సంశోభితమైన ఆ మయసభాభవనము మాకేల విడిది కావలె.. అయినది పో ! అందు చిత్రచిత్ర విచిత్ర లావణ్య లహరులలో ఈదులాడు విద్రుక్షాపేక్ష అహ్హా.. మాకేల కలుగవలె ... కలిగినది పో ! సజీవ జలచర సంతాలవితాలములకు ఆలవాలమగు ఆ జలాశాయములో మేమల కాలు మోపవలె .. మోపితిమి పో ! సకల రాజన్యుకోటీరకోటిసంక్షిప్త రత్నప్రభా నీరాజితంబగు మాపాదపద్మమేల అపభ్రమనం చెందవలె.. ఏకత్సమయమునకే పరిచారికాపరీవృతయై ఆపాతకి పాంచాలి యేల రావలె..వీక్షించవలె.. పరిహసించవలె ? ఆ విధి.. హా విధి.. హా హతవిధీ.. ఆజన్మ శత్రువులేయని అనుమానించుచునే అరుదెంచిన మమ్ము అవమాన బడబానలా జ్వాలలు ధగ్ధమోనర్చుచున్నవి మామా.. విముఖునిసుముఖునిజేసి మమ్మితకు విజయముసేయించిన నీ విజ్ఞాన విశేష విభావాదిత్యములు ఏమైనవి మామా ? పాంచాలీ కృతావమాన మానసుడనై, మానాభిమానవర్జితుడనై మర్యాదాతిక్రమనముగా మనుటయా.. లేక పరిహాసపాత్రమైన ఈ బ్రతుకోపలేక మరణించుటయా.. ఇస్సీ.. ఆడుదానిపై పగసాదింపలేక అశు పరిత్యాగము గావించినాడన్న అపఖ్యాతి ఆపైన వేరొకటియా... ఇప్పుడేదీ కర్తవ్యము ? మనుటయా? మరణించుటయా ? 5.మాయాజూదంలో సుయోధనుడు గెలిచినపుడు మాయురే మామా.. మాయురే హహహః చరిత మరువదు నీ చతురత.. మాట చెల్లించిన నీకే దక్కును యెనలేని ఘనత మా ఎద సదా మెదలును మామ యెడ కృతజ్ఞత . ప్రాతిగామి ! ఆ వంచకి పాంచాలిని ఈ సభకు .. ఓహో వయోవృ ద్దులు , గురువృ ద్దులు ధర్మబుద్ధులమనుకొను ప్రబుద్ధుల బుద్ధి ఇంత దనుక నిదురబోవుచున్నదా ఏమి ? హహ్హ.. హహ్హ.. ఇప్పుడే లేచి అధర్మము అధర్మమని ఆవులించుచున్నది. జూతం ధర్మవిరుద్ధము సప్త మహా వ్యసనములలో నీచాతి నీచమైనదని తెలిసియు ఇంతదనుకా మీరేల వీక్షించితిరి? ఐనను జూతక్రీడారతుడగు ధర్మసుతునితో మామను సరిజోదునుచేసి ఆడించితినే కాని చతుషష్టి కళా విశారదుడనగు నేనాడలేదే ! ఆట తెలియకనా ? హహహ.. ధర్మమూ తెలియును గనుక. కాని ధర్మాధర్మములు విచారింపక తన తమ్ముల విక్రమోపార్జితములైన సంపదలను, మా తండ్రి దయాలబ్ధమైన ఇంద్రప్రస్థమును తన ఒక్కని సొత్తే ఐనటుల ఈ పాండు సుతుడు ఒడ్డినపుడు ఇది ధర్మము కాదని మీలో ఒక్కరైనను పెదవి కదపిరా ? తమనొడ్డినపుడైన తమ్ములు నోరు మెదపిరా ? ఆలిని ఓలిగా పెట్టినప్పుడైన ఆ మగువను మగటిమితో మత్స్య యంత్రము కొట్టి తెచ్చుకొన్న వాడను నేను పాంచాలిపై మీకేమి అధికారమున్నదని అర్జునుడైన అన్న నడిగెన ? చతుర్విధ పురుషార్ధములలో సహధర్మచారిణి ఐన ధారను దయారహితముగా పందెము వైచునప్పుడైనను, అవ్వ ! ఇది అమానుషమన్నవారులేరే ? అ.. ఆ.. నేను గెలచుటచే మయా తిరోతరమైనది , ధర్మజుడే గెలచిన ధర్మమే జయించినదని మీరు జేజేలు కొట్టిఉండెడి వారు కాదా ! మీ పాండవ పక్షపాత బుద్ధితో ధర్మ దేవతను ఖండించి అధర్మ దేవతను ప్రళయ తాండవ మాడింపకుడు .. తాతా! అలనాడు స్వయంవర సమయమున నా కూర్మి మిత్రుడగు కర్ణుని సూతకుల ప్రసూతుడని వదరి వర బహిష్కారము చేసిన ద్రుపదునకు బుద్ధి చెప్పుటకు ఇది ఒక ప్రయత్నం. నాడు నను అతిధిగా ఆహ్వానించి పరిహసించిన పంచ భర్త్రుక పాంచాలి పై పగ సాధించుటే దీని ఆంతర్యం. అంతియేకాని మా పితృ దేవ దయాలబ్ధమైన ఎంగిలి కూటికాశపడు అల్పుడను కాను, అందునా జూతార్జితమగు విత్తము పై చిత్తము నుసిగొల్పు అధముడను కాను. నా హృదయాగ్నిజ్వాలా ప్రతిరూపమే ఈ జూతము తాతా, ఆ ప్రతీకార జ్వాలలే పాంచాలిని ఆవరించినవి. మర్మ ధర్మములతో, పక్షపాత బుద్ధులతో పాతక కర్మలతో మనుగడ సాగించు మీరీ మహాసభలో మాట్లాడ అనర్హులు. మీ హితోపదేశం కట్టిపెట్టండి, కూర్చోండి. 6.కృష్ణ రాయభారానికి సుయోధనుడి ప్రత్యుత్తరం రాయభారీ... చాలించు నీ దుష్ప్రసంగం.. పితామహ, గురుదేవ, తల్లిదండ్రులారా.. సభ్యమహాజనులారా.. నా క్షేమము కోరి పలికిన మీ హిత వాక్యములకు కృతజ్ఞుడను. రాయభారీ.. గోకులవిహారి .. హహహ్హ.. నీవెంత తెలివితేటలతో ప్రసంగించినను నీ అంతరాత్మను నీ పలుకులలోని అంతరార్ధమును తెలియని అజ్ఞానిని కాదు.. మా గురుదేవునకు సోదరుడవని, కుంతీ దేవి మూలమున మాకు దూరపు చుట్టమని సకల రాజలాంఛనాలతో , సమస్త సత్కారాలతో అతిధిగా ఆహ్వానించగా తిరస్కరించి నీకు నీవే రాయభారిగా ప్రకటించు కొంటివి. పగతుర కూడు కుడువనున్నదని నిన్ననే మమ్ము పగవానినిగా భావించితివి . ఐనను, రాయభారి వచ్చునపుడు రారాజు ఆసనము నుండి లేచుట ఆచారము కాదు గనుక నిన్ను ఉచితరీతినే గౌరవించితిని. ఊం.. రాయాభారిగా వచ్చినవాడవు పంపిన వారి మాటలు ప్రకటింపక , ఆపైన మా అభిమతము గ్రహింపక ఇంతః ప్రల్లదనముగా ప్రవర్తించితివి. ఇప్పుడు నేను సంధికొడంబడినచో హహ్హ.. హహ్హ.. సౌజన్యముతో డాయాదులకు పాలుపంచి ఇచ్చినట్లా ? లేక, నీవు వంధిగా వర్ణించిన వారి బలపరాక్రమాలకు లకు బెదరి ఇచ్చినట్లా ? దూతగా వచ్చినవాడవు దూత కృత్యములు నిర్వహింపక పాతక కృత్యములకు కదంగితివి, మాలో మాకు కలతలు కల్పించి మా మైత్రీ బంధమును తెంచుటకు తెగించితివి హ..హహ.. ఐదూల్లైనా ఇవ్వని పరమ దుర్మార్గుడు రారాజని ఈ లోకమునకు చాటనెంచితివి కృష్ణా ! నీ కోరిన కోర్కె సరియే ఐనచో, నిజమే ఐనచో నేనీయుటకీ సువిశాల సామ్రాజ్యములో ఐదూళ్ళు లేకపోవునా ! ఇంద్రప్రస్థము, కృతప్రస్థము, జయంతము, వారణావతములతో ఇంకొకటి కలిపి ఐదూళ్ళు ఇచ్చిన చాలంటివి. నాకు లేనివి, నావికానివి, నేను ఇతరులకు దానమిచ్చిన ఆ నగరములను నేను వారికెట్లు కట్టబెట్ట గలను? ఆ .. ఇది సాధ్యమా ? సంధి పొసగు మార్గమా ? హ..హహ.. ఇది గాక ... మా పినతండ్రి కుమారులకు భాగమీయమంటివి.. ఎవరు నాకు పినతండ్రి ? పాండురాజా ? యమధర్మరాజా ? వాయువా ? ఇంద్రుడా ? అస్వనీదేవతలా ? కృష్ణా ! శ్రత శృంగపర్వతమున పుట్టిన కౌంతేయులకు భాగమిచ్చి శృంగభంగమొందుటకు హ..హహ నేనంత వెర్రివాడిననుకుంటివా ? ఒకవేళ భాగమే పంచవలసివచ్చిన, ఈ గంగా తనయుడు పాలు వదలుకొన్నను .. మా పిన పితామహులగు భాహ్లిక సోమదత్తులకు అందు భాగము లేదందుమా ? అందందు వచ్చిన అర్థార్థ భాగములలో మా తండ్రులు దృతరాష్ట్ర పాండురాజు లిరువురు భాగస్వాములు కదా ? ఆపైన మేము నూర్గురము వారైదుగురు నూటైదుగురము కదా ! ఇందరమూ వంతులు వేసుకొన్నచో హ..హహ.. ఎవరికి ఎంత.. ఎంత… ఎంత వచ్చును. అసలీ అవిభాజ్య కురుమహాసామ్రాజ్యాన్ని ముక్కలు చెక్కలుగా చేయుట దేశమునకు శ్రేయస్కరమా ? భిన్న భాషలతో భిన్న సంస్కృతులతో భిన్న నాగరికతలతో దేశము చిన్నాభిన్నమైనచో ప్రజలకది సౌభాగ్యమా ? ప్రజలందరు ఒకే కుటుంబముగా ఒకే పాలన క్రింద ఉండుట క్షేమము కాదా? కృష్ణా ఈ యుగధర్మము ప్రకారము ఆస్తి పదమూడు సంవత్సరములు పరాధీనమైనచో దాని పై హక్కులు శాశ్వతముగా తొలగునన్న సత్యము నీవెరుగవా? అందులకే జూతమునకా నియమము పెట్టితిమి కాని, మతిమాలి కాదు. అయినను జూతానంతరము ద్రౌపది మా తండ్రి గారిని కోరిన కోర్కెలు రెండు .. మొదటిది ధర్మరాజు దాస్యవిముక్తి రెండవది తన నలుగురు భర్తల దాస్యవిముక్తి , అంతియే కాని .. నాడు ద్రౌపది తన దాస్యవిముక్తిని కోరనూలేదు మా తండ్రిగారీయనూలేదు . కనుక ఆమె ఇప్పటికి మా దాసియే . కృష్ణా! వారీనాడు రాజ్యభాగము కోరినట్లు మేము పాంచాలిని కోరినచో తిరిగి వారామెను మాకు అప్పగించ గలరా ? సిగ్గులేక వారు పంపిన పంపవచ్చును గాని , ఎగ్గులేక నీవంగీకరించి రావచ్చునా ? ఇక నీ బెదరింపులందువా ఆ కౌంతేయులు నిర్విక్రపరాక్రమసమపేతులేని, , ప్రచండ దౌర్జన్యమండితులేని.. అరివీర భయంకరులేని సంగరమునకు సమాయత్తపడక ఐదూళ్ళ కొరకు ఇట్లు దేహి దేహి దేహియని దేవిరింతురే హ ! కృష్ణా ! ఇంతయేల , ఆ కౌంతేయులకు వాడిసూది మొనమోపినంత భూమికూడా ఈయను . ఇదియే నా తుది నిర్ణయము . GO TO TOPIC LISTING Recently Browsing 0 members No registered users viewing this page. IPS Theme by IPSFocus Theme Contact Us Youtube Twitter Facebook Nandamurifans.comPowered by Invision Community

ఆకు పచ్చ చందా మామా నువ్వులే నువ్వులే నీకూ మచ్చా లేడా లేనే లెవ్వ్వులె లెవ్వులె మిన్నులున్న చందమామయ్య చేతిలో మహిమ ఏమున్నదీ ? మిన్నులున్న చందమామయ్య చేతిలో మహిమ ఏమున్నదీ ? మన్నుల నుంచెల్లి అన్నము తీసేటి మహిమ నీకున్నదీ మన్నుల నుంచెల్లి అన్నము తీసేటి మహిమ నీకున్నదీ మింట సుక్కలల్ల వాడూ మింట సుక్కలల్ల వాడూ - సెమట సుక్కలల్ల నువ్వూ ...... ॥ ఆకు పచ్చ ॥ వానాకాల మోస్తే మబ్బు కప్పి పోయి మరుగయ్యే జాబిల్లి నవ్వు వానాకాల మోస్తే మబ్బు కప్పి పోయి మరుగయ్యే జాబిల్లి నవ్వు వానల్ల వరదల్ల బురద జిల్లి ఉన్న మసక జాబిల్లి నువ్వు వానల్ల వరదల్ల బురద జిల్లి ఉన్న మసక జాబిల్లి నువ్వు మేఘాల సొగసు వాడూ మేఘాల సొగసు వాడూ - మాగాణి తేజస్సు నువ్వూ ........... ॥ ఆకు పచ్చ ॥ కలువ రేడు పేరు కాని కలువను వాడు చేరలేడు ఎంత పాపం ? కలువ రేడు పేరు కాని కలువను వాడు చేరలేడు ఎంత పాపం ? కట్టుకున్నదాని ముద్దుముచ్చట లేక గడిపే రాత్రి ఎవడి శాపం ? కట్టుకున్నదాని ముద్దుముచ్చట లేక గడిపే రాత్రి ఎవడి శాపం ? రాత్రి పూటకు వాడు కాపూ రాత్రి పూటకు వాడు కాపూ - రాత్రి తోటకు నువ్వు కాపూ ..... ॥ ఆకు పచ్చ ॥ కాకమ్మ కధలోన రాహు కేతులకు ఏడాది కోసారి గ్రహణం కాకమ్మ కధలోన రాహు కేతులకు ఏడాది కోసారి గ్రహణం పంట సేతికి వస్తే చుట్టూరా రాహూలె ఏడాది కేడాది గ్రహణం పంట సేతికి వస్తే చుట్టూరా రాహూలె ఏడాది కేడాది గ్రహణం విడుదలున్నది వాడికైతే విడుదలున్నది వాడికైతే - నువ్వేమో జీవిత ఖైదే ............ ॥ ఆకు పచ్చ ॥ పాల సముద్రాన వాడు పుట్టిందని పంతులయ్య తల్లి సెప్పింది పాల సముద్రాన వాడు పుట్టిందని పంతులయ్య తల్లి సెప్పింది కన్నీటి సంసార సాగరంల నిన్ను కన్నానని మీ అమ్మ సెప్పింది కన్నీటి సంసార సాగరంల నిన్ను కన్నానని మీ అమ్మ సెప్పింది ఎన్నెల్ల నిస్తారు మాకూ ఎన్నెల్ల నిస్తారు మాకూ - ఎలుగన్నదె లేదు మీకూ ............. ॥ ఆకు పచ్చ ॥ కష్ట జీవులయ్య భూమి ఆకాశాలు సాగు చేస్తున్నారు మీరు కష్ట జీవులయ్య భూమి ఆకాశాలు సాగు చేస్తున్నారు మీరు ఫలము చేతికి రాక పోయినా అలుపు లేని కర్మ యోగులయ్య మీరూ ఫలము చేతికి రాక పోయినా అలుపు లేని కర్మ యోగులయ్య మీరూ నింగి ఎన్న పూసా వాడూ నింగి ఎన్న పూసా వాడూ - నేల ఎన్ను పూస నువ్వూ ......... ॥ ఆకు పచ్చ ॥ ఆకు పచ్చ చందా మామా నువ్వులే నువ్వులే నీకూ మచ్చా లేడా లేనే లెవ్వ్వులె లెవ్వులె మిన్నులున్న చందమామయ్య చేతిలో మహిమ ఏమున్నదీ ? మిన్నులున్న చందమామయ్య చేతిలో మహిమ ఏమున్నదీ ? మన్నుల నుంచెల్లి అన్నము తీసేటి మహిమ నీకున్నదీ మన్నుల నుంచెల్లి అన్నము తీసేటి మహిమ నీకున్నదీ మింట సుక్కలల్ల వాడూ మింట సుక్కలల్ల వాడూ - సెమట సుక్కలల్ల నువ్వూ . ఈ గేయ రచయిత డాక్టర్ సుద్దాల అశోక్ తేజ .

*భార్య....* *అంటే*... *అసలైన చదువు!* ********************* నా గురించి.... నాకే తెలియని విషయాలెన్నో తనకు (నా భార్యకు) తెలుసు! అందుకు నాకు.... ఆశ్చర్యం, ఆనందమూనూ! తన గురించి.... తెలుసుకోదగ్గ విశేషాలు చాలా తెలీదు నాకు!? అందుకు సిగ్గుగానూ, చిన్నతనంగాను ఉంటుంది ఇల్లు గడియారమనుకుంటే... చిన్న ముల్లు నేను, పెద్ద ముల్లు తను అంకెకీ అంకెకీ మద్య నిదానం నా వ్యవహారం! చకచకా అంకెల్ని దాటుతుంది ఆమె శతావదానం! వంటింటి సామ్రాజ్యంలో అడుగుపెట్టే అర్హత... నాకు లేదట, ఎప్పటికీ రాదట! కనీసం ఇల్లైనా ఊడుద్దామంటే చీపురు సిగ్గుపడుతుందని నవ్వుతుంది! భోజనానంతరం కంచమన్నా కడుగుదామనుకుంటే పుణ్యం నాకు దక్కకుండా చేయడానికా అని కళ్ళ నీరు నింపుకుంటుంది చదువునేర్పి (మా ఆవిడ ఇంగ్లీషులో వీక్ ) బదులు తీర్చుకుందామని విద్యలేనివారిని వింతపశువంటారని అంటే... పశువుల్లేనిదే... పాడీ పంట ఎలాగా అంటుంది! అక్షరం దీపం కదా అంటే... ఒకగదిలో రెండు దీపాలుండాలా! అని తిరిగి ప్రశ్నిస్తుంది నేనూ విద్యనేర్చిన దాన్నే అందొకసారి అక్షరాలను రూపాయలుగా మార్చే చదువు మీదయితే... ఆ రూపాయలతో... ఇల్లు నడిపే విద్య నాదంది! పుస్తకాల్ని చదువుతారు మీరు మిమ్మల్ని చదువుతాను నేను! మనిద్దరిలో ఎవరుగొప్ఫ? అని నన్ను అమాయకంగానే నిలదీస్తుంది! ఇంటిల్లపాదిని తన హస్తరేఖలుగా మలచుకొన్న తన నేర్పు ముందు తల వంచుతూనే ఉంటుంది నా సంస్కారం! సంసారంలో... గెలుపోటములు సహజం. ఓడి గెలుస్తుంటాను నేను! గెలిచి ఓడుతుంది తను !! తన పనిలో ఏదో సాయం చేద్దామనుకుంటే.... గింజలు నలిగి పిండి రాలాలంటే తిరగలి పాపి ఒకటి తిరగుతుండాలి ఇంకొకటి కదలకుండా ఉండాలని తిరగలి సిద్ధాంతం బోధిస్తుంది నాకు! పనిమనిషిని పెట్టకుందామంటే పనిచేయని ఒళ్ళు రోగాల గంపని ఆరోగ్య చిట్కాలు చెబుతుంది! అసలైన చదువు తనదేనని అనుక్షణం రుజువు చేస్తూనే ఉంటుంది! 💐💐💐💐

అన్నంపెట్టె అన్నదాతకు అబ్బో ఎంతటి చక్కటి శిక్షయో... కడుపును నింపే కాపుదనానికి అబ్బో ఎంతటి చక్కటి రక్షయో... అన్నపూర్ణ మన దేశం అంటూ.... అన్నదాతలకిది నిలయం అంటూ.... మైకులదరగా మైకం కమ్మి, స్పీచులు దంచే నాయకులారా.... కాలం కలువక,వర్షం కురియక... ఆరుగాలము చెమటతొ తడిసి... కడుపులు నింపే ప్రయత్నమొకటి... చేసే దేవుడు ఈ రైతు మానవుడు... నమ్మిన భూమిని వదులు కోలేడు... కష్టము చేయగ వెనకకు పోడు.... పంటలు పోతే వేరే పంటలు.... వేయకుండగా నిద్దుర పోడు... అప్పులు అయితే తిప్పలు పడుతూ... చెప్పులరగగా కొత్త అప్పులకు.... రాత్రింబవళ్ళు తిరుగుతు ఉంటడు.... పెళ్ళాం పిల్లలు... తల్లిదండ్రులు... చేను చెలకన కాపురముంటరు... మూలకు ఉన్న ముసలవ్వలను.... కాటికి జాపిన కాలును మరచి... ఇంటిలో బెట్టి పనిచేయిస్తడు.... ఎంతటి అప్పులు ఉన్నా గానీ... ఏరువాక అతని పండుగ దినము... కడుపులు కాలిగ ఉన్నా గానీ.... కల్లము* అతనికి కమ్మని దనము... ధాన్యపు రాసులె సిరుల రాసులని... మురిసిపోయేటి ముత్యము అతడు... జగతికి ఆకలి తీర్చగ పుట్టిన.... అన్నదాతయను దేవుండాతడు.... ఆపదగొన్న వాళ్ళనాదుకొన... అవతరించినవి ఎన్నో సంస్థలు... హక్కులకోసం సంఘాలెన్నో... లా... బుక్కులు తెరచి రోడ్డుకెక్కినవి... భారత మాత ముద్దు బిడ్డలను... వర్గపు పేరుతొ విడగొట్టేసి.... గల్లీ కొక్క సంఘం బెట్టి.... హక్కులక్కులని అరుస్తువున్నవి... కష్టం నమ్మిన రైతులకెప్పుడు.... సంఘపు గోలలు పట్టనె పట్టవు.... కష్టం వస్తే దుక్కిని దున్నె... ఎద్దులకే అతని వ్యథలూ, కథలూ.... నీడను ఇచ్చే చెట్టు కొమ్మనే.... శాశ్వత సుఖముకు ఆధారాలు... అఖండ భారత సోదరులారా... ఆలోచించుడి ఈ ఒక్క క్షణంబు... అన్నదాతను ఆదుకొంటేనే... అన్నము గిన్నము మనకు అందును... అతడిని జంపిన పాపము మనకును... ఆకలిరూపున అవతరించును... అన్నదాతను ఆదుకొనేడీ... ఆలోచనలను చేయుడి ఇంకా.... -ప్రమదం(౮౧౭౯౧౯౨౯౯౯)

*🌹మాట తీరు మనిషి సంస్కారానికి గీటురాయి.🌹* *(మాటలు చాలా పదునైనవి కనుక జాగ్రత్తగా వాడాలి }* *_ఒంటరిగా ఉన్నప్పుడు ఆలోచనల్ని,_* *_నలుగురిలో ఉన్నప్పుడు నాలుకను > అదుపులో ఉంచు కోగలిగితే మన జీవితం అదుపు తప్పకుండా ఉంటుంది._* *_నాలుకను అదుపు చేసుకోగల విద్య తెలిస్తే, అనేక విద్యలు అవలీలగా ఒంటపడతాయి._* *_నోటిని అదుపులో పెట్టుకుని అందరితో మర్యాదగా మాట్లాడుతూ, పద్ధతిగా నడుచుకుంటూ ఉంటే ఎక్కడైనా, ఎప్పుడైనా మంచే జరుగుతుంది._* *_చెట్టు సారం పండులో వ్యక్తమైనట్లుగా, మనిషి సారం అతడి మాటలో తొంగి చూస్తూ ఉంటుంది. మంగళకరమైన మాట తీరు మనిషి సంస్కారానికి గీటురాయి._* *_మనిషికి నిజమైన అలంకారం అతడి మాట తీరే._* *_వాగ్భూషణం భూషణం_* *_కేయూరాణి న భూషయంతి పురుషం_* *_హారా న చన్ద్రోజ్జ్వలా_* *_న స్నానం న విలేపనం న కుసుమం నాలంకృతా మూర్ధజాః_* *_వాణ్యేకా సమలంకరోతి పురుషం యా సంస్కృతాధార్యతే క్షీయన్తే ఖలు భూషణాని * సతతం వాగ్భూషణం భూషణం._* *_ఇది భర్తృహరి నీతి శతకంలో విద్వత్పద్ధతిని చెప్పే శ్లోకాల్లో ఒకటి.* *వాగ్భూషణమొక్కటే మనిషికి సుభూషణం* *అన్నాడు భర్తృహరి._* *_సంభాషణం_* *_మిత భాషణం,_* *_హిత భాషణం,_* *_స్మిత భాషణం,_* *_ప్రియ భాషణం,_* *_పూర్వ భాషణం,_* *_సత్య భాషణం_* *_అయినప్పుడు-_* *_అంతకన్నా భూషణం మరొకటి లేదు._* *_‘మితంగా, హితంగా మాట్లాడాలి. మనిషికి గౌరవం తెచ్చేవి ఇవే’ అనేవారు గాంధీజీ._* *_ఎప్పుడూ నవ్వుతూ నవ్విస్తూ మాట్లాడుతూ ఉండాలి. మధుర భాషణం వల్ల మర్యాద లభిస్తుంది. నోరు మంచిదైతే ఊరు మంచిదవుతుంది కదా. ప్రియంగా మాట్లాడాలి. ఎదుటివారిని ముందుగా మనమే పలకరించడం పూర్వ భాషణం._* *_శ్రీరాముడు స్మిత పూర్వ భాషి- మాట కన్నాముందు ఆయన చిరునవ్వు ఎదుటివారిని పలకరించేది._* *_సత్యమే సర్వోన్నతమైంది కనుక నిర్భయంగా సత్యాన్ని పలుకు. ఆ సత్యాన్ని ప్రేమగా, నేర్పుగా చెప్పాలి. మర్యాదగా, హుందాగా మాట్లాడాలి._* *_ఆలోచించకుండా మాట్లాడటం, గురి చూడకుండా బాణం వేయడం లాంటిది. మాట్లాడిన తరవాత ఆలోచించాల్సిన అవసరం రాకూడదు. కాబట్టి ఆలోచించి ఆచి తూచి మాట్లాడాలి._* *_‘తాను ఏం మాట్లాడాలో తెలిసినవాడు తెలివైనవాడు. తాను ఏం మాట్లాడకూడదో తెలుసుకోగలిగినవాడు వివేకవంతుడు’ అన్నారు స్వామి వివేకానంద._* *_ఎవరైతే తమ మాటలవల్ల, చేతల వల్ల ఇతరులకు బాధ కలిగించకుండా ఉంటారో వారే ఉత్తములు._* *_ఆచరిస్తూ చెప్పే మాటలకు ఆదరణ ఎక్కువ. ఆదరణ పూర్వకంగా చెప్పే మాటలకు ఆచరణ ఎక్కువ. ఆకట్టుకునేలా మాట్లాడటం ఓ కళ. అయితే ఆ మాటలను ఎప్పుడు మొదలుపెట్టాలో, ఎప్పుడు ఆపాలో తెలియడం మరీ గొప్ప కళ. మాటలే మంత్రాలు, చెట్లే ఔషధాలు. మాటలు చాలా పదునైనవి కనుక జాగ్రత్తగా వాడాలి, బలమైనవి కనుక సున్నితంగా వాడాలి, ఖరీదైనవి కనుక పొదుపుగా వాడాలి._* *_మాట్లాడటం అందరూ చేస్తారు. అయితే అందరిలాగా కేవలం నోటితో మాట్లాడితే సరిపోదు. మరింత ప్రభావాన్వితంగా ఉండాలంటే మనసుతో, శరీరంతో మాట్లాడాలి._* *_మాటే సంపదలకు, మానవ సంబంధాలకు మూలం. మాటే స్నేహితుల్ని సంపాదించి పెడుతుంది, శత్రువుల్నీ తయారు చేస్తుంది._* *_నొప్పింపక తానొవ్వక తప్పించుకు తిరుగువాడు ధన్యుడు._* *_అలాంటివారికి శత్రువులే ఉండరు. మాటలు గాయపరచగలవు, అదే గాయాన్ని నయం చేయనూగలవు. సరైన మాటతీరు- చంపడానికి వచ్చిన శత్రువు మనసునైనా మార్చగలదు._* *_మాటల మధ్యలో సందర్భానుసారంగా సామెతలు, లోకోక్తులు వాడితే పాయసంలో అతి మధురమైన పదాలు, మరింత మధురంగా, వినసొంపుగా అనిపిస్తుంది. సంభాషణ సరస చతురత కలిగి ఉండాలి. తిడుతూనే నవ్వించే హాస్య కుశలత కలిగి ఉండాలి._* *_ఎవరితో, ఎప్పుడు, ఎలా మాట్లాడాలో తెలిసి ఉండాలి. ఈ విషయంలో రామాయణంలో నాయకుడైన మర్యాదా పురుషోత్తముడు శ్రీరామచంద్రుడు, సుందరకాండకు నాయకుడైన సుందరమూర్తి హనుమంతుడు మనకు ఆదర్శం కావాలి._* _*మనిషికి భావ వ్యక్తీకరణ గొప్ప ఆస్తి.* *ఏం చెప్పారనేదాని కన్నా ఎలా చెప్పారనే దాన్నిబట్టి భావ ప్రసరణ మరింత ఆకర్షణీయంగా ఉంటుంది._* *_భావవ్యక్తీకరణ ఎంత గొప్పగా ఉంటే ఫలితం అంత మహత్తరంగా ఉంటుంది._* 🌹 🌹 🌹 🌹 🌹

భూషలుగావు మర్త్యులకు భూరిమయాంగద తారహారముల్ భూషిత కేశపాశ మృదు పుష్ప సుగంధజలాభిషేకముల్ భూషలు గావు,పురుషుని భూషితు జేయుఁ బవిత్రవాణి, వా గ్భూషణమే సుభూషణము భూషణముల్ నశియుంచు నన్నియున్