మంచి మాటలు: 2019

. కుప్పించి ఎగసినఁ గుండలంబుల కాంతి
            గగన భాగంబెల్లఁ గప్పి కొనఁగ
    నుఱికిన నోర్వక యుదరంబులోనున్న
            జగముల వ్రేఁగున జగతి గదలఁ
    జక్రంబుఁ జేపట్టి చనుదెంచు రయమునఁ
            బైనున్న పచ్చని పటము జాఱ
    నమ్మితి నాలావు నగుఁబాటు సేయక
            మన్నింపు మని క్రీడి మఱల దిగువఁ

తే. గరికి లంఘించు సింహంబు కరణి మెఱసి
    నేఁడు భీష్మునిఁ జంపుదు నిన్నుఁ గాతు
    విడువు మర్జున! యనుచు మద్విశిఖ వృష్టిఁ
    దెరలి చనుదెంచు దేవుండు దిక్కు నాకు.

తాత్పర్యంసవరించు

రథం మీద నుంచి కుప్పించి ఎగసి నేల మీదకి దూకేటప్పుడు కృష్ణుని చెవుల రత్నకుండలాలు కిందికీ పైకీ ఊగి వాటి కాంతి ఆకాశమండలాన్నంతటినీ కప్పుకున్నది. ఎగిరి దూకేసరికి ఆయన కుక్షిలో ఉన్న భువనాల బరువుతో జగత్తు అదిరిపోయిందట. చక్రాన్ని చేపట్టి వేగంతో పరుగెత్తే ఆయన భుజాల మీద ఉన్న పీతాంబరం ఒకవైపు ఆ ఒడుపుకు జారిపోతున్నదట. అనూహ్యమైన ఈ చర్యకు అర్జునుడికి రోషం వచ్చింది. తనూ దిగి కృష్ణుని ఒక కాలును పట్టుకుని నిలిపే ప్రయత్నం చేసి రోషంతో-నా యోగ్యతను నగుబాటు చెయ్యకని వేడుకుంటున్నాడు. ఏనుగు మీదకి లంఘించే సింహంలా ఉరకలు వేస్తూ – ‘ఇవాళ భీష్ముణ్ణి చంపి నీ మార్గాన్ని నిష్కంటకం చేస్తాను, నన్ను ఒదిలిపెట్టు అర్జునా’ అంటూ – ముందుకొస్తున్న ఆ దేవుడు – నా బాణాల దెబ్బకు వడలి, ఉత్తేజితుడైన ఆ పరమేశ్వరుడు – నాకు దిక్కు అగు గాక!

5, అక్టోబర్ 2019, శనివారం

బహురూపి - భండారు శ్రీనివాసరావు ఒక సూర్యుండు సమస్త జీవులకు తానొక్కొక్కడై తోచు ....... డబ్బు ఒక్కటే. కానీ ఒక్కోచోట అది ఒక్కో నామం ధరిస్తుంది. గుళ్ళో హుండీలో వేస్తే ‘మొక్కుబడి’ పెళ్ళిలో చదివిస్తే ‘కానుక’ వరుడికి ముట్టచెబితే ‘కట్నం’ మనం ఇవాల్సివస్తే వస్తే ‘అప్పు’ మనకు రావాల్సి వుంటే ‘బాకీ’ కోర్టులో కడితే ‘జరిమానా’ సర్వరుకు ఇస్తే ‘టిప్పు’ ఉద్యోగులకు చెల్లిస్తే ‘జీతం’ పనివాళ్లకు ఇస్తే ‘కూలీ’ పనిచేయడానికి తీసుకుంటే ‘లంచం’ పని చేయడానికి ఇస్తే ‘ఆమ్యామ్యా’ నడిరోడ్డు మీద పోలీసుకు ఇస్తే ‘మునుపటి జన్మ ఋణం’రొడీలకు భయంతో ఇస్తే...మామూలు😊ఉచితంగా దయతో ఇస్తే దానం...😊

3, అక్టోబర్ 2019, గురువారం

ఆహారనిద్రా భయమైథునాని సమానమేతత్పశుభి ర్నరాణామ్, ఏకో వివేకో హ్యధికో మనుష్యే తేనైవ హీనః పశుభిః సమానః. **భావం: ఆహారము, నిద్ర, భయము, మైథునము - ఈ నాలుగు మానవులకు, పశువులకు సమానము. మానవుల ప్రత్యేకమైన విషయము వివేకము - విచక్షణ. ఇది లేని మనిషి ద్విపద పశువే. (పశు సమానుడు). - (హితోపదేశమ్)

27, సెప్టెంబర్ 2019, శుక్రవారం

శ్మశానవాటిక (జాషువా విశ్లేషణ) . శ్రీశ్రీ తన మహప్రస్ధానము లో ఒకచోట అంటాడు కుక్కపిల్ల,సబ్బుబిళ్ల,అగ్గిపుల్ల.... కాదేది కవిత కనర్హం..."'. అంతకు కొన్ని దశాబ్దాలముందే ,అవునవును శ్మశానం కవితకు అర్హం అంటూ జాషువా ఈ ఖండకావ్యాన్ని లిఖించాడు. ఈ కావ్యంలోని పద్యాలలోని పదభావం సూటిగా పాఠకుని హ్రుదయం లోతుల్లోనికి చొచ్చుకెళ్లి,గుండె బరువెక్కుతుంది,వైరాగ్యభావం దోబుచులాడుతుంది.జీవిత చరమాంకసత్యాన్ని కళ్లెదట నిలుపుతుంది.ఈ ఖండకావ్యంలో 8 పద్యాలున్నాయి. అన్ని అణిముత్యాలాంటి పద్యాలే. దువ్వురి వారి పానశాలలో ఒకచోట కవి...అంతం లేని ఈభువనమంతయు ఒకవిశాల పాంధశాల, విశ్రాంతి గృహం,అందు ఇరుసంజెలు రంగుల వాకిలిల్.........కొంత సుఖించి పోయిరెటకో , అంటాడు. . జాషువ ఈకావ్యం మొదటీ పద్యంలో ఈవిషయాన్నే ప్రస్తావిస్తు,ఈ శ్మశానవాటికలో కొన్నివందల,వేల ఏండ్లగా నిద్రిస్తున్నవారు ఒక్కరుకూడా లేచి రాలేదు కదా అంటు ప్రారంభించాడు.ఇంకా ఎన్ని సంవత్సరాలు ఈచలనంలేని నిద్ర అంటూ వాపోతున్నాడు. ఈ రుద్రభూమిలో తమబిడ్దలును పొగొట్తుకున్న తల్లుల రోదనలతో నిండిన కన్నిళ్ళకు వల్లకాడులోని రాళ్లు క్రాగిపోయ్యాయి అని చింతిస్తున్నాదు. కవిహృదయం చూడండి. . ఎన్నో యేండ్లు గతించిపోయినవి గానీ,యీ శ్మశానస్ధలిన్ గన్నుల్ మోడ్చిన మందభాగ్యుడొకఁడైనన్ లేచిరాఁ,డక్కటా! యెన్నాళ్ళీచలనంబులేని శయనం? బేతల్లు లల్లాడిరో! కన్నిటంబడి క్రాఁగిపోయినవి నిక్కంబిందు పాషాణముల్ . ప్రకృతిగతి తప్పి,ఆకాశంలో కారుమబ్బులు కమ్మిచిమ్మచీకటీ నిండి,దయ్యాలు,గూడ్లగూబలు చెరలాడుచు,కాకులు ముకమ్మిడిగా గోలచేసిన జనవాసం భితిల్లుతుంది.కాని ఈ శ్మశానవాటికలో భీతికి తావేలేదు.అంతా నిశ్సబ్దం....శ్మాశాన నిశ్సబ్దం..... . కవికలం ఎమంటున్నది.? ఆకాశంబున కారుమబ్బుగము లాహారించె,దయ్యాలతో ఘూకంబుల్ చెరలాడసాఁగినవి;వ్యాఘోషించె నల్దిక్కులన్ గాకోలంబులు ; గుండెఝల్లుమనుచున్నంగాని యిక్కాటియం దా కల్లాడిన జాడలే;దిచ్చట సౌఖ్యం బెంత క్రీడించునో! . ఈ రుద్రభూమికి చెడ్డవాడు,మంచివాడనే తేడాలేదు.యాజమాని,సేవకుడనే వ్యత్యాసంలేదు.హతుడు హంతకుడు యిద్దరు సమానమే ఈ నేలలో.కవి,రాజు,లేత యిల్లాలి మాంగల్యం ,చిత్రకారుడు ఎవ్వరైతేనేమి ఆయ్యుస్సు తీరాక యిక్కడ విశ్రమించవలసిన వారే!.సృష్టికి లయకారుడు శివుడు.ఆయనకిష్టమైనది తాండవం.అట్టి శివతాండవానికి అనువైనది ఈ శ్మశానవాటిక కన్నమిన్న ఏమున్నది. ఈ వాటిక శివుడు తన పిశాచఅనుచరగణంతో నాట్యమాడు రంగస్ధలమంటున్నడు కవి. అంతేకాదు ఈ రుద్రభూమి మరణదూత భూమిని పాలించు బూడితతో చేసిన సింహసనమట! ఎంతలోతు భావం కవిది. . కవిహృదయం ఏమంటుందో చూడండి. . ఇచ్చోటనే సత్కవీంద్రుని కమ్మని కలము,నిప్పులలోనఁగఱగిఁపోయె ! యిచ్చోట;నే భూము లేలు రాజన్యుని యధికారముద్రిక లంతరించె! యిచ్చోట; నే లేఁత యిల్లాలి నల్లపూ సలసౌరు,గంగలోఁగలిసిపోయె! యిచ్చోట; నెట్టి పేరెన్నికం గనుఁగొన్న చిత్రలేఖకుని కుంచియ,నశించె! . ఇది పిశాచులతో నిటాలేక్షణుండు గజ్జె గదలించి యాడు రంగస్ధలంబు; ఇది మరణదూత తీక్షమౌ దృష్టు లొలయ నవనిఁ బాలించు భస్మసింహాసనంబు . రాత్రి సమయం...తిమిరం నిండిన శ్మశానం....నిశ్శభ్దం రాజ్యమేలు వేళ....ఆ మూల కొత్తసమాధి....సమాధిపై ఆముదపుదీపం, కదులుతున్న మిణుగురులా రెపరెపలాడుచూ వెలుగు చున్నది. అరే! అదేమిటి? ప్రమిదలో అముదం నిండుకున్నను ఇంకా దివ్వె వెలుగుచున్నదేమి?! ఆ సమాధిలో నిద్రిస్తున్న అభాగ్యురాలు యొక్కహృదయం కాబోలు ఆ దివ్వె వెలుగు!?....పాఠకుని గుండెను సూటిగా తాకి ఆర్ధ్రమైయ్యే భావం.ఈలాంటి భావన చెయ్యడం చేయ్యితిరిగిన కవికే సాధ్యం. . ముదురు తమస్సులో మునిఁగిపోయిన క్రొత్త సమాధిమీదఁ బై బొదలు మిణుంగురుబురువు పోలిక వెల్గుచున్నదివ్వె,ఆ ముద ముడివోయినన్ సమసిపోవుట లేదది దీప మందుమా? హృదయము సుమ్మి,నిల్పిచనియె న్గతపుత్రిక,యే యభాగ్యయో . కవితా సుధలొలికించిన కవులకలాలు, శ్రవణాందకరమైన గాయకుల కమ్మని కంఠస్వరాలు ... ఇదిగో ఈ శ్మశాన పూవాటికలో విశ్రమించాయి.పంచభౌతికమైన ఈ మేను కడకు ప్రకృతిలో కలసి పోవల్సినదే.అందులో మమైకం కావలసినదే.పుట్టుక కూడా తల్లిగర్భం నుంచే అయ్యినను,తల్లికూడా ప్రకృతి జనీతమే కదా.మట్టిలో ఖననము చెయ్యబడిన తనువు క్రమంగా కృషించి,నశించి,జీర్ణించి మట్టీలో మట్టిగా కలసిపోతుంది.మట్టిరేణువులలలో రేణువులుగా కలసిపోవును.ఔను నిక్కమే కదా!.అదిగో ఆ కుమ్మరి సారె మీదున్న మట్టిముద్దలో అల్నాటి సుకవులు కాళిదాసు,భారవుల మృతరేణువులు కలసి వున్నాయేమో కదా!. . మరి కవిమనస్సు ఏమంటున్నది. . కవుల కలాలు,గాయకుల కమ్మని కంఠము లీ సశ్మశానపుం గవనులఁ ద్రొక్కి చూచెడి;నొకానొకనాఁడల కాళిదాస భా రవుల శరీరముల్ ప్రకృతిరంగమునం దిపు డెంత లేసి రే ణువు లయి మృత్తికం కలిసెనో కద! కుమ్మరి వాని సారె పై. . శ్మశానవాటిక వాకిటనుంచొని ఒకపర్యాయం పరికించి చూచిన మనగుండెలు తర్కుపోతాయి.మన మనస్సు కరిగినీరై పోతుంది ఆమూలనున్న అన్నెం పున్నెం ఎరుగని వయస్సులోనే మృత్యువు గర్భంలో చేరిన చిన్నారుల గోరిలను చూస్తే.ఆ పిల్లల సమాధులలో ఏచిన్నారి పొన్నారిరూపసి తనువు చాలించిందో? ఏ ముద్దులు మూటలుకట్టు రూపసి అలసిసొలసి నిద్రిస్తున్నదో.ఏ తల్లి లీలావతి కడుపుతీపి దాగున్నదో? . ఆలోకించిన గుండిల్గరగు; నాయా పిల్ల గోరీలలో నే లేబుగ్గల సౌరు రూపరియెనో!యేముద్దు నిద్రించెనో! యే లీలావతి గర్భగోళమున వహ్నిజ్వాల జీవించునో? యీలోకంబున వృద్ధిగాదగిన యేయే విద్య లల్లాడునో? . వల్లకాడులో అస్పృశ్యతకు తావు లేదు.ఏ మతమైన,ఏ కులమైన,ఏ వర్ణమైన ఇక్కడ ఒక్కటే. అందరిని స్వీకరించడంలో సమతా భావం.పులిపక్కన సాధుజంతువు మేకను జేర్చి బుజ్జగించి ,వూరడించు అభేదభావనావని ఈ శ్మశానభూమి. ఇట నస్పృశ్యత సంచరించుటకు దావేలేదు;విశ్వంభరా నటనంబున్ గబలించి గర్భమున విన్యస్తంబు గావించి, య త్కటంపు బెబ్బులితోడ మేకఁ నొక్క పక్కజేర్చి జోకొట్టి యూ ఱట గల్పించు నభేదభావమును, ధర్మం బిందుఁ గారాడెడిన్ . మారుతున్న ,పరిగెడుతున్న కలికాలంలో ఆర్ధికఅవసరాలు,ధనవ్యామోహం-రక్తబంధాలను,పాశాలను త్రెంచుతున్నాయి.తమను కని,అల్లారు ముద్దుగా పెంచి,పోషించిన తల్లిదండ్రులను వృధ్యాపంలో,బ్రతికి వుండగానే వల్లకాటిలో అర్ధరాత్రి వదలివెళ్ళూచున్న రోజులివి.ఆలాంటప్పుడు అనాధ పేదవాని మృతశరీరాన్ని పట్టించుకొని,ఖననముచెయ్యు దాతలెందరు?.అన్నింటికన్న దారుణమైనది,భయంకరమైనది దరిద్రం/పేదరికం. శ్మశానంలో ఖననానికి నోచుకోని ఒక అనాధపీనుగను గూర్చి కవి ఎంత హృదయఆర్తితో వర్ణించాడో.అది కవి వేదనకాదు...పాఠకుని హృదయ ఘోష...కాదందురా? . వాకొనరాని గొప్ప ధనవంతుని నిద్దపుఁ బాలరాతి గో రీకడఁ బారవేయబడి ప్రేలికలం బొరలాడు ప్రేత మే యాకటి చిచ్చునన్ గుమిలి,యార్చి,గతించిన పేదవాని దౌ నో కద! వానికై వగవఁ డొక్కదండు; దాఁచదు కాటినేలయున్

24, సెప్టెంబర్ 2019, మంగళవారం

చెల్లియొ చెల్లకో తమకు జేసినయెగ్గులు సైచిరందరున్ తొల్లి గతించె, నేడు నను దూతగ బంపిరి సంధి సేయ, నీ పిల్లలు పాపలుం ప్రజలు పెంపు వహింపగ బొందు సేసెదో యెల్లి రణంబు గూర్చెదవో? యేర్పడ జెప్పుము కౌరవేశ్వరా! జెండాపై కపిరాజు, ముందు సితవాజి శ్రేణియుం గూర్చి నే దండంబుంగొని తోలు స్యందనముమీద న్నారి సారించుచుం గాండీవమ్ము ధరించి ఫల్గుణుడు మూకం జెండుచున్నప్పు డొ క్కండున్ నీమొఱ నాలకింపడు కురుక్ష్మానాథ సంధింపగన్ !!

22, సెప్టెంబర్ 2019, ఆదివారం

చెప్పండి చూద్దాం... క్షమ గలిగిన సిరి గలుగును క్షమ గలిగిన వాణి గలుగు సౌఖ్యము లెల్లన్ క్షమ గలుగఁ దోన కలుగును క్షమ గలిగిన మెచ్చు శౌరి సదయుఁడు దండ్రీ! పోతన భాగవతం నవమ స్కందం 463 వ పద్యమిది. పరశురాముని చరిత్రం లోని పద్యం. పరశురాముడు కార్తవీర్యార్జునుడిని సంహరించి కామ ధేనువును ఆశ్రమానికి తీసుకు వచ్చి తన పరాక్రమాన్ని తండ్రికి చెపుతాడు. అపుడు పరశురాముడి తండ్రి జమదగ్ని , కుమారుడితో అన్న మాటలీ కంద పద్యం. క్షమ కలిగి ఉంటే సంపద కలుగుతుంది. క్షమ ఉంటే విద్య అబ్బుతుంది. క్షమ ఉంటే సుఖములన్నీ కలుగుతాయి. మూడవ పాదంలో దోన అంటే ఏమిటో ఒక పట్టాన అర్ధం కాదు. ఆఖరి పాదం - క్షమ కలిగి ఉంటే దయామయుడైన శ్రీ హరి సంతోషిస్తాడు. ఇప్పుడు చెప్పండి క్షమ కలుగ దోన కలుగును అన్న వాక్యంలో దోన కు అర్థం ఏమిటి?

16, సెప్టెంబర్ 2019, సోమవారం

ఏతమేసి తోడినా ఏరు ఎండదు పొగిలిపొగిలి ఏడ్చినా పొంత నిండదు దేవుడి గుడిలోదైనా పూరిగుడిసెలోదైనా గాలి యిసిరి కొడితే.. ఆ దీపముండదు.. ఆ దీపముండదు..!!ఏతమేసి!! పలుపుతాడు మెడకేస్తే పాడి ఆవురా పసుపుతాడు ముడులేస్తే ఆడదాయిరా కుడితి నీళ్ళు పోసినా అది పాలు కుడుపుతాదీ కడుపు కోత కోసినా అది మనిషికే జన్మ ఇత్తాదీ బొడ్డు పేగు తెగిపడ్డ రోజు తలుచుకో గొడ్డు కాదు ఆడదనే గుణం తెలుసుకో..!!ఏతమేసి!! అందరూ నడిసొచ్చిన తోవ ఒక్కటే సీము నెత్తురులు పారే తూము ఒక్కటే మేడ మిద్దెలో ఉన్నా చెట్టు నీడ తొంగున్నా నిదర ముదరపడినాక పాడె ఒక్కటే ఒల్లకాడు ఒక్కటే కూత నేర్చినోళ్ళ కులం కోకిలంటరా ఆకలేసి అరిసినోళ్ళు కాకులంటరా..!!ఏతమేసి!! జాలాది గారి

కారే రాజులు? రాజ్యముల్ గలుగవే? గర్వోన్నతిం బొందరే? వారేరీ సిరిమూటఁగట్టుకొని పోవంజాలిరే? భూమిపైఁ బేరైనం గలదే? శిబిప్రముఖులుంబ్రీతిన్ యశః కాములై యీరే కోర్కులు? వారలన్ మఱచిరేయి క్కాలమున్? భార్గవా! భర్గుని కమారుడైన శుక్రాచార్యా! పూర్వం కూడ ఎందరో రాజులు ఉన్నారు కదా. వారికి రాజ్యాలు ఉన్నాయి కదా. వాళ్ళు ఎంతో అహంకారంతో ఎంతో విర్రవీగినవారే కదా. కాని వా రెవరు సంపదలు మూటగట్టుకొని పోలేదు కదా. కనీసం ప్రపంచంలో వారి పేరైనా మిగిలి లేదు కదా. శిబి చక్రవర్తివంటి వారు కీర్తికోసం సంతోషంగా అడిగినవారి కోరికలు తీర్చారు కదా. వారిని ఈ నాటికీ లోకం మరువలేదు కదా. వామనునికి దానం ఇవ్వద్దు అన్న శుక్రాచార్యులకు సమాధానం చెప్పే సందర్భంలో బలి చక్రవర్తిచే పోతన పలికించిన జగత్రసిద్ధ మైన పద్య మిది. కారే = కలుగరా; రాజులు = రాజులు;రాజ్యముల్ = రాజ్యములు; గలుగవే -కలుగవే = పొందలేదా ఏమి;గర్వోన్నతింబొందరే - గర్వ = అహంకారముతో; ఉన్నతిన్ = విర్రవీగుటను;పొందరే = చెందలేదా ఏమి; వారేరీ - వారు = వాళ్ళందరు; ఏరి = ఎక్కడ ఉన్నారు; సిరి -సిరిని = సంపదలను; మూటఁగట్టుకొని -మూటగట్టుకొని = కూడగొట్టుకొని;పోవంజాలిరే = తీసుకెళ్ళగలిగిరా, లేదు;భూమిపైఁబేరైనంగలదే - భూమి = నేలపైన;పేరైనన్ = కనీసము పేరైన; కలదే = ఉన్నదా, లేదు; శిబిప్రముఖులుంబ్రీతిన్ - శిబి = శిబిచక్రవర్తి; ప్రముఖులున్ = మొదలగువారు;ప్రీతిన్ = కోరి; యశఃకాములై - యశః = కీర్తి;కాములు = కోరువారు; ఐ = అయ్యి; యీరే -ఈరే = ఇవ్వలేదా; కోర్కులు = దానములను;వారలన్ = వారిని; మఱచిరే = మరచిపోయారా, లేదు; యిక్కాలమున్ - ఈ= ఇప్పటి; కాలమున్ = కాలమునందును;

15, సెప్టెంబర్ 2019, ఆదివారం

నేనొక విశ్వప్రేమికురాలను ఈ విశ్వమంతా నేను వ్యాపించాను నేనొక నదీ ప్రేమికురాలను అన్ని నదుల్లోను నేను ప్రవహిస్తాను నేనొక అరణ్య ప్రేమికురాలను ప్రతి చెట్టు మీద పుప్పొడిలా రాలుతుంటాను నేనొక సముద్ర ప్రేమికురాలను ప్రతి కెరటం మీద నాట్యం చేస్తుంటాను నేనొక పున్నమి ప్రేమికురాలను వెన్నెల జలతారుల్లో ఊయలూగుతుంటాను నేనొక నలుపు రంగు ప్రేమికురాలను అమావాశ్య రోజు ఆకాశం లో కలిసిపోతాను నేనొక మనిషి ప్రేమికురాలను ఆడా మగా హద్దులను కూలగొడుతుంటాను నాకు కులం, మతం,ప్రాంతం ఏమి లేవు నాది విశ్వ ప్రేమ,ప్రకృతి ప్రేమ... మనిషి మీద అనంతమైన ప్రేమ నాకు.

11, సెప్టెంబర్ 2019, బుధవారం

పాఠము మఱియు అర్థముసవరించు ౧. జటాటవీగలజ్జలప్రవాహపావితస్థలే గలేవలంబ్యలంబితాం భుజంగతుంగమాలికాం డమడ్డమడ్డమడ్డమన్నినాదవడ్డమర్వయం చకారచండతాండవంతనోతునశ్శివశ్శివమ్ - అరణ్యమును పోలు జటాజూటము నుంచి స్రవించు గంగానదీ ప్రవాహముచేత శుద్ధి చెందినా కంఠసీమను మాలవలె అలంకరించిన సర్పము కలిగినవాడు, తన డమరుకము నుండి డమ డమ శబ్దములు వెల్వడిరాగా ఆనంద తాండవమొనర్చుచున్నవాడు అయిన పరమశివుడుమనకు సమస్త శుభములను కలిగించుగాక ౨. జటాకటాహసంభ్రమభ్రమన్నిలింపనిర్ఝరీ విలోలవీచివల్లరీ విరాజమానమూర్ధనీ ధగద్ధగద్ధగజ్వలల్లలాట పట్టపావకే కిశోరచంద్రశేఖరేరతి:ప్రతిక్షణంమమ - (అట్టి ఆనందతాండవము చేయుచున్న పరమశివుడు) జటాజూటము నందు సురనదీ ప్రవాహమును కలిగినవాడు, ఆ ప్రవాహము పైకి ఎగబ్రాకుతున్న తీగలవంటి కురులు కలిగిన శిరోభాగము కలిగినవాడు, జ్వాలలతో వెలుగొందు అగ్నిని తన ఫాలప్రదేశమునందున్నవాడు, బాలచంద్రప్రభతో శోభిల్లునట్టివాడు అయిన పరమశివుని యందు నా మనస్సు ప్రతిక్షణమూ రమించుచున్నది. ౩. ధరాధరేంద్రనందినీ విలాసబంధుబంధుర స్పురద్ధిగంతసంతతి ప్రమోదమానమానసే కృపాకటాక్షధోరణీ నిరుద్ధదుర్ధరాపది క్వచిద్దిగంబరే మనోవినోదమేతు వస్తునీ - (అట్టి ఆనందతాండవము చేయుచున్న పరమశివుడు) విలాసమైన పర్వతరాజపుత్రిక కు మగడు, ఎవని మనస్సు దిగంతములలోని సమస్త జనుల ఉనికితో నిండియున్నదో, ఎవని కృపాకటాక్షవీక్షణములు సోకితే సమస్త ఆపదలూ నశించునో, అట్టి దిక్కులే అంబరములుగా ఉన్నవానిపైన నా మనస్సు రంజించుచున్నది. ౪. జటాభుజంగపింగళ స్ఫురత్ఫణామణిప్రభా కదంబకుంకుమద్రవప్రలిప్తదిగ్వధూముఖే మదాంధసింధురస్ఫుర త్వగుర్తరీయమేదురే మనో వినోదమద్భుతంభిభర్తుభూతభర్తరి - (అట్టి ఆనందతాండవము చేయుచున్న పరమశివుడు) జటాజూటమును అలంకరించిన పచ్చని సర్పముయొక్క ఫణి మణికాంతులతో విరాజిల్లుచూ, దిక్కులను కదంబకుంకుమ కాంతులతో నింపుచుండగా, పైని గజచర్మముతో చేయబడిన ఉత్తరీయము ఎగసి మదపుటేనుగును పోలగా సమస్త భూతపతిగా శోభించుచున్న వాడు నా మనస్సును ఆనందముతో నింపుగాత ౫. సహస్రలోచనప్రభుత్యశేషలేఖశేఖర ప్రసూనధూళిధోరణీవిధూసరాంఘ్రిపీఠభూః భుజంగరాజమాలయానిబద్ధజాటజూటకః శ్రియైచిరాయ జాయతాం చకోరబంధుశేఖరః - అశేషమైన ఇంద్రాది దేవతలయొక్క పంక్తి మొక్కుటచే ప్రభవించిన ధూళిచేత కప్పబడిన పాదపీఠముకలిగి, వాసుకి అనెడు సర్పరాజముచేత బంధింపబడిన జటాజూటము కలిగి, చకోట పక్షులకు ప్రియుడైన చంద్రుని శిఖయందు ధరించినవాడు మాకు శ్రియములనొసగుగాక. ౬. లలాటచత్వరజ్వలద్ధనంజయస్ఫులింగభా నిపీతపంచసాయకంనమన్నిలింపనాయకమ్ సుధామయూఖలేఖాయావిరాజమానశేఖరమ్ మహాకపాలిసంపదేశిరోజటాలమస్తునః - హోమాగ్నివలె ప్రజ్వరిల్లుచున్న లలాటాగ్ని కలిగి, ఆ అగ్నిలో పంచబాణుడైన మన్మథుని ధగ్ధము చేసినవాడు, లోకనాయకుడు, అమృతకిరణముల పంక్తిచేత విరాజిల్లుచున్న శిఖకలిగినవాడు మహాకపాలమును ధరించువాడు అయిన పరమేశ్వరునికి మ్రొక్కి మేము ఆయన శిఖలోని సంపదలకు ప్రాప్తులు కాగలము. ౭. కరాళ ఫాలపట్టికా ధగద్ధగద్ధగజ్జ్వల ద్ధనంజయాహుతీకృతప్రచండపంచసాయకే ధరాధరేంద్రనందినీకుచాగ్రచిత్రపత్రక ప్రకల్పనైకశిల్పినీ త్రిలోచనే రతిర్మమ - భీకరమైన ఫాలప్రదేశమున ధగద్ధగాయమాన జ్వాలలతో వెలుగొందు అగ్నిచేత మన్మథుని దాహించినవాడు, పార్వతీదేవియొక్క కుచములపైని చిత్రములు రచించువాడు (ఆమె యందు అనురక్తి కలవాడు), మాహాశిల్పి (లోకసృష్టియందు) అయిన త్రిలోచనునియందు నా మనస్సున్నది. ౮. నవీనమేఘమండలీ నిరుద్ధధుర్ధరస్ఫురత్ కుహూనిశీధినీతమః ప్రబంధబద్ధకంధరః నిలింపనిర్ఝరీ ధరస్తనోతు కృత్తిసింధురః కళానిధాన బంధురః శ్రియం జగద్ధురంధరః - క్రొత్త మేఘముల సమూహము వంటిది, దురాపదలను నిర్మూలింపదగినదయి స్ఫురించునది, కుహూరాత్రియందు చీకటి మాదిరి భాసించు నల్లని కంఠము కలిగినవాడు, గంగానదిని ధరించువాడు, గజచర్మాంబరధారీ, చంద్రకళాధరుడు, జగత్కళ్యాణకర్త మాకు శ్రియములు చేకూర్చుగాక ౯.ప్రపుల్లనీలపంకజ ప్రపంచకాలిమప్రభా వలంబికంఠకందలీ రుచిప్రబద్ధకంధరమ్ స్మరచ్ఛిధం పురచ్ఛిదం భవచ్ఛిదం మఖచ్ఛిదమ్ గజచ్ఛిదాంధకచ్ఛిదం తమంతకచ్ఛిదం భజే - వికసించిన నీలసరోజ సమూహమువలె నల్లని ప్రభ తోచు కంఠసీమను అవలంబించినడి అను భ్రాంతి కలిగించువిధముగా సర్పాలన్కృత కంఠముచేత భాసిల్లువాడు, మన్మథారి, త్రిపురారి, భావారి, మఖారి, గజారి, అంధకారి, యమారి అగువానిని భజించెదను. ౧౦. అఖర్వసర్వమంగళా కళాకదంబమంజరీ రసప్రవాహమాధురీవిజృంభణామధువ్రతమ్ స్మరాంతకం పురాంతకం భవాంతకం మఖాంతకమ్ గజాంతకాంధకాంతకం తమంతకాంతకం భజే - సమస్త మంగళములనూ పొడిగించువాడు, కదిమిపూల తేనెయందు అనురక్తి కలిగినవాడు, మన్మథారి, త్రిపురారి, భావారి, మఖారి, గజారి, అంధకారి, యమారి అగువానిని భజించెదను. ౧౧. జయత్వదభ్రవిభ్రమభ్రమద్భుజంగమశ్వస ద్వినిర్గమత్క్రమస్ఫురత్కరాళఫాలహవ్యవాట్ ధిమిద్ధిమిద్ధిమిద్ధ్వనన్మృదంగతుంగమంగళ ధ్వనిక్రమప్రవర్తితప్రచండతాండవశ్శివః - భుజంగోచ్చ్వాసనిశ్వ్వాసలు ఆకాశముచేయు జయజయధ్వానములు కాగా, బయటికి వెల్వడు ఫాలప్రదేశ విస్ఫులింగములు క్రమముగా చేకూర, ధిమిధిమి నాదములతో ఢమరుకము ఉచ్చమంగళరీతి మ్రోగగా వాటికి అనుగుణముగా ప్రచండతాండవము చేయు పరమశివుని ... ౧౨. దృషద్విచిత్రతల్పయోర్భుజంగమౌక్తికస్రజో ర్గరిష్ఠరత్నలోష్టయోః సహృద్విపక్షపక్షయో తృణారవిందచక్షుషో ప్రజామహీమహేంద్రయో సమప్రవృత్తికః కదా సదాశివం భజామ్యహమ్ - చూడగా, విచిత్రములైన లోకరీతులు - భుజంగహారము కానీ, ముత్యపుసరము కానీ, అమూల్యరత్నము కానీ, లేక మట్టి గానీ, తనవాడు కానీ లేక పెరవాడు కానీ, గడ్డివంటి కనులుండనీ, లేక అరవిందలోచనుడు కానీ, సామాన్యుడు కానీ మహారాజు కానీ, నేను సమముగా తలచి ఎప్పుడు మహేశ్వరున్ని సేవించగలను. ౧౩. కదానిలింపనిర్ఝరీ నికుంజకోటరేవసన్ విముక్తదుర్మతిస్సదాశిరస్థమంజలింవహన్ విలోలలోలలోచనో లలామఫాలలగ్నకః శివేతిమంత్రముచ్ఛరన్ కదా సుఖీ భవామ్యహమ్ - ఎప్పుడు నేను సురనదీతీరమున గల సుందరవనములయందు వసించి దుర్మతిని వీడి, సదా శిరస్సుపైన అంజలి చేర్చి, వికలమైన చూపు లేక, ఫాలలలామునియందు మనస్సు చేర్చి, "శివ" అను మంత్రము జపించుచూ సుఖించెదను?

బట్టతలపై పద్యము. తలనూనె రాసెడు తగులాటముండదు- క్షౌరశాలకు వెళ్ళు కర్మ లేదు పేలు కొంపలు గట్టు పెనుబాధ తప్పును- చుండ్రు బాధలు తప్పి సుఖము గల్గు పెళ్ళాము కోపాన పెనుగులాడెడు వేళ- జుట్టింత దొరకదు పట్టుకొనగ అద్దంబు దువ్వెన లవసరమే లేదు- పర వనితలు వెంటబడుట కల్ల తేటగీతి. కడకు కుంకుడు, శీకాయ ఖర్చు మిగులు తలకు స్నానంబు చేయుట సులభమౌను ఇన్ని గణనీయ లాభంబు లెంచి చూడ బట్టతల గల్గు వాడె పో భాగ్యశాలి.

10, సెప్టెంబర్ 2019, మంగళవారం

వాట్సాప్ మెసేజ్ ల పై పేరడీ పాట: _పల్లవి:_ నేను పుట్టాను, లేండ్ లైన్ వచ్చిందీ ... ... ... నేను ఏడ్చాను, సెల్ ఫోన్ వచ్చిందీ ... ... ... నేను నవ్వాను, స్మార్ట్ ఫోన్ వచ్చింది. నాకింకా లోకంతో పని ఏముంది. డోన్ట్ టాక్. ॥నేను పుట్టాను ... ... ... ॥ _1వ. చరణం:_ మనిషిని మనిషిని కలిపేటందుకు లేండ్ లైన్ వచ్చిందీ ... ఎవరికి దొరకక తిరిగేటందుకె సెల్ ఫోన్ వచ్చిందీ ... ఒంటరి తుంటరి బ్రతుకు కోసమై స్మార్ట్ ఫోన్ పుట్టిందీ ... అందరి బుర్రలు నమలడానికే వాట్సాప్ వెలిసింది. డోన్ట్ టాక్. ॥నేను పుట్టాను ... ... ... ॥ _2వ చరణం:_ లేండ్ లైన్ మ్రోగితే, అందరి గుండెలు ఆనందించాయీ ... సెల్ ఫోన్ మ్రోగితే, అందరి మనసులు చిరాకు పడ్డాయీ ... స్మార్ట్ ఫోన్ తో, అందరి బ్రతుకులు చతికిల బడ్డాయీ ... తెల్లవారినా అవి, కొంచెం కూడా బాగవ కున్నాయి. డోన్ట్ టాక్. ॥ నేను పుట్టాను ... ... ... ॥ _3వ చరణం:_ వాట్సాపులో వసతులతోటీ, షరతులు వున్నాయీ ... హద్దు మీరితే అంతు తెలియనీ, శిక్షలు పడతాయీ ... స్మార్ట్ ఫోనులో భాషల కుండే, సొగసులు తగ్గాయీ ... ఎమోజీ(emoji) లతో, ఎవరికి తెలియని భాషలు పుట్టాయి. డోన్ట్ టాక్. ॥ నేను పుట్టాను ... ... ... ॥ _4వ చరణం:_ మనుషుల మనసులు, కలిపేటందుకె ఫోనులు వున్నాయీ ... ఏ ఫోనైనా, మంచిగ వాడే మార్గాలున్నాయీ ... మంచిగ వాడని, ఫోనుల కెపుడూ వైరస్ లొస్తాయీ ... వాట్సాపులో, పెట్టేటందుకె నీతులు వున్నాయి. డోన్ట్ టాక్. ॥ నేను పుట్టాను ... ... ... ॥ _5వ చరణం (ఆఖరి చరణం):_ గంటలు రోజులు స్మార్ట్ ఫోనులో, వాగుతు గడిపేసెయ్ ... ఫోన్లో వున్న బేటరి తీసి, బయటకు పారేసెయ్ ... వైఫై సిగ్నల్ ఆపేసెయ్ ... సిమ్ము కార్డును విసిరేసెయ్ ... డ్రైవ్ ద డేటాకార్డ్ ఔట్ ... ... ... హహ్హహ్హహ్హహ్హ !!! ॥నేను పుట్టాను ... ... ... ॥ _ప్రేమ్ నగర్_ సినిమా లోని _ఘంటసాల మాస్టారు_ పాడిన _నేను పుట్టాను ... ... ... _ పాటకు

8, సెప్టెంబర్ 2019, ఆదివారం

కరచాలనాలు వద్దు...నమస్కారాలే ముద్దు -------------------------------------------- తలలోని పోలుసులై జిలపెట్టు చుండ్రును.. గోరార హాయిగా గోకు చేయి కళ్ళలో పుసులను వేళ్ళతో తొలగించి ...వాల్చూపు సొగసు కాపాడు చేయి జలుబుతో నాసిక జలపాత మవువేళ.. ,చీమిడి బర్రు బర్రునా చీదు చేయి ముక్కులో కొలువైన పోక్కుల్ని నేర్పుగా... కెలికి కెలికి వెలికి వలుచు చేయి చేవిలోతు లోతుల్లో చేరినా గులిమిని.... .....చిటికినవేలితో చెణకు చేయి గజ్జలసందులో ఘనమైన మట్టిని.......... నలుగుపెట్టినట్టు నలుపుచేయి కురుపులు ,గాయాల,దురదల్నికడతేర్చ.. బర బరా బర మని బరకు చేయి మలమూత్రముల కంపు చెలరేగిపోకుండ... చెంబుడు నీళ్ళతో కడుగు చేయి అట్టి ఆ చేయి మర్యాద యుట్టిపడగ ...నిన్ను తాకంగా ఇటువచ్చుచున్నదోయి ఎవరిచేతులో ఏముందో ఎవరికెరుక ......కోటి రోగాల పుట్ట ఈ చేయి గనక చాలు చాలింక.. కరచాలనాలు చాలు ........దండమేట్టినవాడేరా..ధన్యజీవి ..!!

6, సెప్టెంబర్ 2019, శుక్రవారం

కిన్నేరమ్మసొగసులు...కూనలమ్మ కులుకులు...ఎంకి తీయని కలలు...మనతెలుగు పలుకులు....:కి : నన్నయ తిక్కన కవుల పదభందాలూ...సాహితీ ప్రియులకూ సుమగంధాలూ...:న: శ్రీనాధుని సీసం ...పోతన మకరందం...సరసహృదయవర్యులకూ నవరస నైవేద్యం....:కి: కృష్ణరాయ ఫ్రౌడత్వం...పెద్దన నవసీసం....తెలుగు భాషకంతటికీ దేదీప్య మణిమకుటం.. నాయకరాజుల చరితం.. చేమకూరిప్రతి పద్యం..తెలుగు వెలుగు జిలుగులకు కనకాభిషేకం....:కి; కవివరేన్యులందరికీ కవితారస చందనం..వాగ్గేయకారులకూ పదేపదే వందనం ... నవ్యకవులు.భవ్యకవులు.. అందుకోండి స్వాగతం!!...తెలుగుజాతికంతటికీ ఈ గీతం అంకితం..!!..: కి;

29, ఆగస్టు 2019, గురువారం

ఈమధ్య ప్రతిరోజూ ఉదయాన్నే ఇంట్లో నేను మా ఆవిడ కలిసి కూర్చొని కబుర్లు చెప్పుకుంటూ కాఫీ తాగటం అలవాటు గా మారింది. మొన్నామధ్య ఉదయాన్నే నేను పేపర్ చదువుకుంటూన్నప్పుడు కాఫీ కలుపుకుని వచ్చి ఓ కప్పు నాకందిస్తూ నా పక్కన కూర్చొంది మా ఆవిడ "ఏమిటోనండి ! జీవితం ఆనందంగా లేదు"అంది. ఆశ్చర్యంతో ఆమె వైపు చూశాను. ఆమెకు ఏమి లోటు ఉంది ? "ఎందుకు అలా అనిపిస్తోంది?" అడిగాను "అందరూ అంటారు నాకు అన్నీ ఉన్నాయి అని . కానీ ఎందుకో సంతోషంగా మాత్రం లేదు" ఆమె జవాబు అదే ప్రశ్న నాకు నేను వేసుకుంటే నా జవాబు కూడా అలాగే అనిపిస్తోంది. ఆలోచిస్తే కారణం ఏమీ కనిపించడం లేదు. కానీ నేను సంతోషంగా లేను వెతకడం మొదలుపెట్టాను. ఎందరినో అడిగాను. సమాధానాలు తృప్తిని కలిగించలేదు చివరికి నా మిత్రుడు డాక్టర్ సురేష్ చెప్పిన సమాధానం నా ప్రశ్నలు అన్నిటికీ సమాధానం ఇచ్చింది ప్రపంచం లో అత్యంత ఆనందకరమైన వ్యక్తులయ్యేందుకు అవి మీతో పంచుకుందా మనిపించింది మీ కోసం ఆ వివరాలు : మనిషి ఆనందాన్ని నిర్ణయించే హార్మోనులు నాలుగు 1. ఎండార్ఫిన్స్, Endorphins, 2. డోపామిన్, Dopamine, 3. సెరిటోనిన్... Serotonin, 4. ఆక్సిటోసిన్..... Oxytocin. ఈ నాలుగు హార్మోనుల గురించి మనం తెలుసుకుంటే మనం సంతోషంగా ఉండడం ఎలాగో తెలుస్తుంది. ఇవి మనలో ఉంటే మనం సంతోషంగా ఉండగలం Endorphins: మనం ఏదైనా వ్యాయామం చేసినపుడు ఎండార్ఫిన్స్ విడుదల అవుతాయి. ఈ Endorphins మన శరీరం లో వ్యాయామం వలన కలిగే నొప్పులను భరించే శక్తిని ఇస్తాయి అప్పుడు మనం మన వ్యాయామాన్ని ఎంజాయ్ చెయ్యగలుగుతాము. అందుకు కారణం ఈ Endorphins నవ్వడం వలన కూడా ఈ Endorphins ఎక్కువగా విడదల అవుతాయి. అందుకే యోగా లో హాస్యాసనం కూడా ఒక ఆసనం గా మన పూర్వీకులు నిర్ధారించారు. చివరిగా నవ్వడం అనే ప్రక్రియ నిర్వహిస్తారు. "నవ్వడం ఒక భోగం - నవ్వలేకపోవడం ఒక రోగం" అన్నారు జంధ్యాల ప్రతిరోజూ 30 నిముషాల వ్యాయామం చేస్తూ, చక్కటి హాస్య భరిత జోకులు చదువుతూ, వీడియో లు టిక్ టాక్ లు చూస్తూ ఉండండి. 2. Dopamine: నిత్య జీవితం లో ఎన్నో చిన్న పెద్ద పనులు చేస్తూ ఉంటాము. ఇవి వివిధ స్థాయిలలో మనలో Dopamine హార్మోను ను విడుదల చేస్తాయి. దీని స్థాయిని పెంచుకోవడం వలన మనం ఆనందం గా ఉంటాము ఇంట్లో చేసిన వంటను మెచ్చుకోవడం వలన మీ ఆవిడలో డోపామిన్ స్థాయిని మీరు పెంచగలరు ఆఫీస్ లో మీ పని మెచ్చుకుంటే మీ డోపామిన్ స్థాయి పెరుగుతుంది. అలాగే కొత్త మోటార్ సైకిల్ కొన్నప్పుడు, కొత్త చీర కొనుక్కున్నప్పుడు , కొత్త నగ చేయించినప్పుడు, షాపింగ్ కి వెళ్ళినపుడు మీకు ఆనందం కలగడానికి కారణం ఈ Dopamine విడుదల కావడం కాబట్టి మిత్రులారా ! షాపింగ్ బడ్జెట్ పెంచండి. లేదా పొగడడం నేర్చుకోండి. పైసా ఖర్చు కాదు కదా! 3. Serotonin: ఇతరులకు సహాయం చేసినపుడు, వారికి మేలు చేసినపుడు ఈ సెరిటోనిన్ విడుదల అవుతుంది మనం స్నేహితులకు , సమాజానికి మేలు చేకూర్చే ఏదైనా మంచి పని చేసినపుడు మనలో విడుదల అయ్యే ఈ Serotonin ఎక్కవగా విడుదల అవుతుంది ఇందుకు మనం ఏమేమి పనులు చెయ్యవచ్చు ? 1. స్నేహితుల ఇళ్ళకు వెడుతూ ఉండడం (వాళ్లకి ఆనందం కలగడం కోసం ... ఏమేమి కొత్తవి కొనుక్కున్నారో ఎంక్వయిరీ కోసం కాదు సుమా) 2. మొక్కలు నాటడం.. 3. రోడ్ల గుంతలు పూడ్చడం 4. రక్త దానం.. 5. అనాధ ప్రేత సంస్కారం.. 6. అనాధ సేవ.. 7. యువతకు స్ఫూర్తి కలిగించే కార్యక్రమాల నిర్వహణ. 8. మంచివిషయాలు పేస్ బుక్ లో బ్లాగ్స్ లో పోస్ట్ చెయ్యడం ఇవి అన్నీచేయ్యడం లో మన మన సమయాన్ని మన జ్ఞానాన్ని పంచుతున్నాము కనుక మనలో సెరిటోనిన్ విడుదల అవుతుంది 4. Oxytocin: ఇది నిత్య జీవితం లో మనం పెళ్లి అయిన కొత్తలో బాగా విడుదల అయ్యే హార్మోను. ఎవరిని అయినా మనం దగ్గరకు తీసుకునేటప్పుడు మనలో విడుదల అయ్యే హార్మోను. ఎదుటివారిలో కూడా విడుదల అవుతుంది స్నేహితులను ఆలింగనం చేసుకోవడం వలన ఇది విడుదల అవుతుంది (ప్రేమికుల విషయం లో డోసు ఎక్కువ విడుదల అవుతుంది) మున్నా భాయ్ లో " జాదూ కి జప్పీ" లాగ అలాగే కరచాలనం సినిమా ఆక్టర్ ని, రాజకీయ నాయకుడిని కరచాలనం చేస్తే మనం పొంగిపోయేది అందుకే ! గుర్తుకు తెచ్చుకోండి . మీ మొదటి స్పర్శను మీ బిడ్డను, మీ జీవిత భాగస్వామిని మొదటి సారిగా కౌగలించుకున్న మొదటి క్షణాలు. ఇప్పటికీ మరపు రావు తలచుకున్న వెంటనే ఎంతో ఆనందం కలుగుతుంది అలాగే మీ పిల్లలను దగ్గరకు తీసుకున్నప్పుడు కూడా అందుచేత మన ఆనందం కోసం ప్రతిరోజూ ఇలా చెయ్యడం అలవాటు చేసుకుందాము 1. Endorphins కోసం రోజులో ఒక అరగంట నుండి గంట వరకూ కేటాయించి వ్యాయామం చేద్దాము 2. Dopamine కోసం చిన్న చిన్న లక్ష్యాలను సాధించి మనలను మనం పొగుడుకుంటూ Dopamine పెంచుకుందాము మగవారికి ప్రత్యేకం 1. వంటను రోజూ మెచ్చుకోండి (నేను తిట్లు తినేది ఇందుకే) 2. డ్రెస్ మెచ్చుకోండి 3. మేకప్ మెచ్చుకోండి ఆడవారికి ప్రత్యేకం 1. గుర్రు పెట్టారని తిట్టకండి 2. కూరలు తేలేదని చిరాకు పడకండి. కంది పచ్చడి చేసి పెట్టండి. సాంబార్ చెయ్యండి 3. మీ ఆయన్ను పొగడడం వలన మీకే లాభం అని గుర్తు పెట్టుకోండి 3. Serotonin కోసం మంచిపనులు చెయ్యడం నేర్చుకోండి. రోజుకు ఒక పది రూపాయలు ఇతరులకు ఖర్చు పెట్టండి గుడిలోదక్షిణ గానో, గుడి బయట బిచ్చగాళ్ళకు దానం గానో ఇవ్వండి ఏడాదికి ఒక మొక్కను నాటండి. ఏదైనా సాంస్కృతిక కార్యక్రమాలకో , సమాజ హితానికి జరిగే పనికో కొంచెం సొమ్ము ఇవ్వండి . అలాంటి పనులలో పాల్గొనండి పైన అటువంటి వారి ఉదాహరణలు కొన్ని ఇచ్చాను కదా వారి కార్యక్రమాలను ఫాలో కండి 4. ఆక్సిటోసిన్ కోసం ఇంతో వాళ్ళని hug చేసుకుంటూ ఉండండి. పిల్లలు ఏడుస్తూ ఉంటె హాగ్ చేసుకుంటే వారికి సాంత్వన ఎందుకు కలుగుతుందో అర్ధం అయ్యింది కదా ! అలాగే ఇంట్లోవాళ్ళని , స్నేహితులనూ కూడా హాగ్ చేసుకునే అలవాటు చేసుకోండి ఇందులో ప్రమాదాలు ఎదురయ్యే పరిస్థితులు తెచ్చుకోకండి పిల్లలను హ్యాపీ గా ఉంచడం కోసం 1. గ్రౌండ్ కి వెళ్లి ఆడుకోనివ్వండి -Endorphins 2. వాళ్ళు సాధించిన దానికి పొగడండి -Dopamine 3. పంచుకునే తత్వాన్ని అలవాటు చెయ్యండి -Serotonin 4. దగ్గరకు తీసుకోండి -Oxytocin Have a Happy Life. 😊😊😊 ఓ మిత్రమా మీ జీవితం ఎల్లప్పుడూ ఆనందకరంగా ఉండాలని ఆకాంక్షిస్తున్నా.. సేకరణ:watsup messege

27, ఆగస్టు 2019, మంగళవారం

అమ్మలగన్న యమ్మ ముగురమ్మల మూలపుటమ్మ చాలపె ద్దమ్మ సురారులమ్మ కడుపాఱడీపుచ్చినయమ్మ, దన్నులో నమ్మినవేల్పుటమ్మల మనమ్ములయుండెడియమ్మ, దుర్గ మాయమ్మ కృపార్థియిచ్చు తమహత్త్వకవిత్వపటుత్వ సంపదల్!!

26, ఆగస్టు 2019, సోమవారం

సినీ వాలి- కుహూ రాత్రి. ఆధునిక సాహిత్యంతో పరిచయం ఉన్న మిత్రులందరికీ సినీవాలి అనగానే సినీ కవి ఆరుద్ర గారి ఆధునిక కావ్యం గుర్తుకొస్తుంది. ఈ కావ్యానికా పేరు పెట్టడం కూడా తమాషాగా జరిగిందట. మన కేంద్ర సాహిత్య అకాడెమీ తరఫున ఒక కావ్యమాల తయారు చేస్తూ దానిలో మన తెలుగు కవి ఆరుద్ర గారి పద్యాలు కూడా చేర్చిన శ్రీ కాటూరి వెంకటేశ్వరరావు గారు ఆ గ్రంథాంతంలో కవుల వివరాలు ఇస్తూ పొరపాటున శ్రీ ఆరుద్ర గారు అంతకు ముందే సినీవాలి అనే కావ్యాన్ని వ్రాసినట్లుగా పేర్కొన్నారట. అప్పటికి శ్రీ ఆరుద్ర గారు అటు వంటి కావ్యాన్ని దేన్నీ వ్రాసి ఉండలేదు. అందు చేత తర్వాతి కాలంలో శ్రీ ఆరుద్ర వ్రాసిన తన ఆధునిక కావ్యా నికి సినీ వాలి అని పేరు పెట్టారు. నేడమావాస్య.. అంటూ ప్రారంభమయ్యే ఈ కావ్యానికి ఈ పేరు చక్కగా సరిపోతుంది. ఇంతకీ సినీవాలి అంటే అర్థం – చంద్ర కళ కనిపించే అమావాస్య అని.( సాహితీ పరిచయం ఉన్న నా మిత్రులకీ విషయం తెలిసే ఉంటుంది. తెలియని వారి కోసమే ఈ వివరణ). ఎంత నిరాశా నిస్పృహల్లోనూ ఆశా లేశం ఉంటుందనే విషయాన్ని సూచిస్తుందీ సినీవాలి అన్న పదం. ఇంగ్లీషులో చెప్పాలంటే there is light at the end of the tunnel అంటాము. ఇది సరే .మరి అసలు ఏ చంద్ర కళా కనిపించని అమావాస్యనేమంటారు? కాళ రాత్రి అనేనా? ఏ చీకటి రాత్రినైనా కాళ రాత్రి అనేయవచ్చును కాని చంద్ర కళ కనిపించని అమావాస్య రాత్రికి ప్రత్యేకంగా ఒక పేరుంది. అది కుహూరాత్రి. కుహూ రాత్రి అంటే ఏ చంద్ర కళా కనిపించని కటిక అమావాస్య అన్నమాట. మరి ఇటు వంటి మాటలు ఏ కవుల ప్రయోగాలలోనైనా కనిపిస్తాయా అంటే అరుదుగా అని చెప్పవచ్చు. జాను తెనుగు కు పెద్ద పీట వేసే శ్రీ మల్లాది రామకృష్ణ శాస్త్రి గారు 1947 లో విడుదలైన పల్నాటి యుధ్దం సినిమాకు వ్రాసిన ఒక పాటలో ఈ పదం వాడేరు. మాంచాల తన ప్రియుని రాక కోసం ఎదురు చూస్తూ నిస్పృహతో ఈ కుహూ రాత్రి నా రాజు వేం చేయునా, నా జీవితమ్ము రసీభూతమ్ము చేయునా అని పాడుకుంటుంది. ( అయితే ఈ పాట సినిమాలో అప్పటి వారి ఒప్పందం ప్రకారం శ్రీ సముద్రాల రాఘవాచారి గారి పేరుతో ఉంటుంది.) సినిమా పాటలలోనూ తన కథల్లోనూ కూడా కుహూ రాత్రి వెలది వెన్నెల వంటి పదాలను ప్రయోగించిన శ్రీ శాస్త్రిగారిని కొనియాడకుండా ఉండగలమా? (నిరుడు ఇదే రోజు ఈ గోడ మీదే ప్రచురించిన ఈ ముచ్చట అప్పుడు చూడని వారి కోసం మరోసారి)

Steve Jobs' last words........ He died a billionaire at 56 y.o. of Pancreatic Cancer and here are his last words on the sick bed: "I reached the pinnacle of success in the business world. In others’ eyes, my life is an epitome of success. However, aside from work, I have little joy. In the end, wealth is only a fact of life that I am accustomed to. At this moment, lying on the sick bed and recalling my whole life, I realize that all the recognition and wealth that I took so much pride in, have paled and become meaningless in the face of impending death. You can employ someone to drive the car for you, make money for you but you cannot have someone to bear the sickness for you. Material things lost can be found. But there is one thing that can never be found when it is lost – "Life". When a person goes into the operating room, he will realize that there is one book that he has yet to finish reading – "Book of Healthy Life". Whichever stage in life we are at right now, with time, we will face the day when the curtain comes down. Treasure love for your family, love for your spouse, love for your friends... Treat yourself well. Cherish others. As we grow older, and hence wiser, we slowly realize that wearing a $300 or $30 watch - they both tell the same time... Whether we carry a $300 or $30 wallet/handbag - the amount of money inside is the same; Whether we drive a $150,000 car or a $30,000 car, the road and distance are the same, and we get to the same destination. Whether we drink a bottle of $300 or $10 wine - the hangover is the same; Whether the house we live in is 300 or 3000 sq ft - loneliness is the same. You will realize, your true inner happiness does not come from the material things of this world. Whether you fly first or economy class, if the plane goes down - you go down with it... Therefore.. I hope you realize, when you have mates, buddies and old friends, brothers and sisters, who you chat with, laugh with, talk with, have sing songs with, talk about north-south-east-west or heaven and earth,... That is true happiness!! Five Undeniable Facts of Life : 1. Don't educate your children to be rich. Educate them to be happy. So when they grow up they will know the value of things, not the price. 2. Best awarded words in London ... "Eat your food as your medicines. Otherwise, you have to eat medicines as your food." 3. The One who loves you will never leave you for another because even if there are 100 reasons to give up he or she will find one reason to hold on. 4. There is a big difference between a human being and being human. Only a FEW really understand it. 5. You are loved when you are born. You will be loved when you die. In between, you have to manage! NOTE: If you just want to Walk Fast, Walk Alone! But if you want to Walk Far, Walk Together! Six Best Doctors in the World 1. Sunlight 2. Rest 3. Exercise 4. Diet 5. Self Confidence and 6. Friends Maintain them in all stages of Life and enjoy a healthy life.”

18, ఆగస్టు 2019, ఆదివారం

https://www.facebook.com/groups/153791365318044/permalink/366379990725846/

14, ఆగస్టు 2019, బుధవారం

జీవితాన్ని అనుభవించు వయసే "అరవై" వృద్ధాప్యాన్ని ఆస్వాదించు నీవే "దొర"వై.. హోంవర్కు దిగులు లేదు పసివాళ్ళలా.. వొత్తిడుల గుబులు లేదు పడుచువాళ్ళలా.. 'నడికారు' లాగ లేదు కలవరం.. వొడిదొడుకులు లేకుండుటె ఒక వరం.. అసలు.. జీవితాన్ని అనుభవించు వయసే అరవై.. వృద్ధాప్యాన్ని ఆస్వాదించు నీవే దొరవై.. బడి కెళ్ళాలని లేదు గడబిడ.. హడావిడి పడుట లేదు పని కడ.. బస్సు కొరకు వెయిటింగు బెరుకు లేదు.. ఉస్సురుస్సురనే ట్రాఫిక్ ఉలుకు లేదు.. ఉదయం రాందేవ్ యోగా, ధ్యానం మధ్యాహ్నం ఎండ తగులని విరామం.. సాయంకాలాలు సమవయస్కులతో చర్చోపచర్చలు, చతుర సంభాషణలు.. అసలు.. జీవితాన్ని అనుభవించు వయసే అరవై.. వృద్ధాప్యాన్ని ఆస్వాదించు నీవే దొరవై.. అమ్మా నాన్నల పోరు లేదు.. ఆఫీసు, బాసు జోరు లేదు.. మనుమలు, మనుమరాళ్ళ ఆటపాటలు, కొడుకులూ, కోడళ్ళు.. కూతుర్లూ అల్లుళ్ళ హర్షాతిరేకాలు, ఆహ్లాదపూరితాలు.. ఆశీస్సులకై శిరసువంచే ఆనందమయ సన్నివేశాలు.. అసలు.. జీవితాన్ని అనుభవించు వయసే అరవై.. వృద్ధాప్యాన్ని ఆస్వాదించు నీవే దొరవై.. పాఠశాల, క్రమశిక్షణ వంటివి లేవు.. పరిమితులు, అనుమతుల బాధలు లేవు.. పెద్దవారు అడ్డుకునే సందేహం, ఎవరేమంటారోననే అనుమానం మచ్చుకైన కానరావు, మరియాదలు తప్పవు.. ఏదైనా అనొచ్చు.. ఏమైనా కనొచ్చు.. మనసుకు తోచిన రీతి మాట్లాడడమే పద్ధతి.. అసలు.. జీవితాన్ని అనుభవించు వయసే అరవై. . వృద్ధాప్యాన్ని ఆస్వాదించు నీవే దొరవై..

12, ఆగస్టు 2019, సోమవారం

పాండవ వనవాసం చిత్రం లోని పద్యం ధారుణి రాజ్య సంపదమదంబున గోమలి గృష్ణజూచి రంభోరు నిజోరు దేశమున నుండగ బిల్చిన యిద్దురాత్ము! దుర్వార మదీయ బాహుపరివర్తిత చండ గదాభి ఘాత భగ్నోరు తరోరు జేయుదు సుయోధను నుగ్ర రణాంతరంబునన్! కురువృద్దుల్ గురువృద్ధ బాంధవులనేకుల్ చూచుచుండన్ మదో ద్ధురుడై! ద్రౌపదినిట్లు చేసిన ఖలున్! దుశ్శాసనున్ లోకభీ కర లీలన్ వధియించి తద్విపుల వక్షశ్శ్తెల రక్తౌఘ నిర్ఝర ముర్వీపతి చూచుచుండ అని నాస్వాదింతు నుగ్రాకృతిన్

11, ఆగస్టు 2019, ఆదివారం

ఎవరు వ్రాసారో తెలియదు కానీ చాల బాగుంది. అందుకే మీకు పంపిస్తున్నాను. నేటి సెల్‌ఫోన్ చరవాణి... జేబుల్లో కీరవాణి మాయచేసే మహారాణి వ్యసనాల యువరాణి గుప్పిట్లో ఉండాల్సింది.. అందర్నీ గుప్పిట్లో పెట్టుకుంది అదనపు అవయవంగా మారి.. అవయవాలన్నటినీ ఆడిస్తోంది "ప్రపంచానికి" అవసరమని రూపిస్తే.. తానే "ప్రపంచమై" కూర్చుంది సౌకర్యం కోసం సృష్టిస్తే .. సృష్టించిన వాణ్ణే శాసిస్తోంది "నట్టింట్లో" మాటలు మాన్చి.. నెట్టింట్లో ఊసులు కలిపింది. చాటింగులు... మీటింగులు... ఆపై రేటింగులు..అంటూ యువతను పెడద్రోవ పట్టిస్తోంది సమాజాన్ని పట్టి పీడిస్తోంది. విలువైన సమయాన్ని తనలోనే చూపిస్తూ చిత్రంగా హరిస్తోంది అయిన వాళ్ళు పక్కప్రక్కనే ఉన్నా యంత్రాన్ని ప్రేమించే పిచ్చివాళ్ళను చేసింది వ్యసనపరులుగా మార్చింది. ప్రమాదవశాత్తు పడిపోయినా... "ప్రాణం ఉందోలేదో చూసుకోకుండా "ఫోను"ఉందో లేదో చూసుకునే స్థాయికి దిగజార్చింది. ఎన్నని చెప్పను దీని లీలలు ఓ మిత్రమా...! విజ్ఞానం కోసం చేసింది అజ్ఞానంగా వాడకు ఊడిగం చేయించుకో... అంతేగాని బానిసగా మారకు. దేన్నెక్కడుంచాలో అక్కడే ఉంచు. నెత్తినెట్టుకున్నావో .. పాతాళానికి తొక్కేస్తుంది. బి కేర్ ఫుల్ అది మాయల మహరాణి వ్యసనాల యువరాణి చేతిలోని చరవాణి.

10, ఆగస్టు 2019, శనివారం

నాన్నకు ప్రేమతో.... ఏమని చెప్పను.. ఎంతని చెప్పను.. నాన్న ఔన్నత్యం నాన్న ఆకాశమంత...అంతకు మించి...అనంతమంత!! ఆకాశమంత ఔన్నత్యం, వెన్నెల కురిపించే చక్కనయ్య, చంద్రయ్య మోము, చల్లని వెన్నెల లాంటి గుణం, కమ్మని వెన్నలాంటి మనసు, నడకతోపాటు నడత నేర్పే నేర్పరి, సేవా సహన శీలత, కోమలతల త్యాగం... ఏమని చెప్పను!? ఎంతని చెప్పను!? ఎంతచెప్పినా తక్కువే నాన్న గురించి చెప్పడం. నాన్న గొప్పదనాన్ని అక్షరాలుగా మార్చి, వాక్యాలలో ఒదిగింపచేసి నాన్న గుణగణాలను లెక్కిస్తూ పోతే నక్షత్రాల సంఖ్య కూడా తక్కువే పడుతుందేమో! నాన్న ఔన్నత్య విస్తీర్ణం ముందు అంబరమంతా నేలమీద పరచినా చాలా తక్కువనిపిస్తుంది. అలుపెరుగని సూర్యుడు, అనునిత్యం చంద్రుడు, పోరాడే సైనికుడు, కష్టించే శ్రామికుడు... ఇలా చెప్పనలవి కానంత కీర్తి ఆయన సొంతం. త్యాగానికి నిలువెత్తు నిదర్శనం. ప్రేమకు తరగని శిఖరమంత కూర్పులు. మంచికి మానవత్వానికి చెరగని చిరునామా నాన్న. సంతాన అభివద్ధి కోసం తాను రెక్కలు ముక్కలు చేసుకున్నా కూడా తన సాధకబాధకాలను ఎవరికీ చెప్పుకోడు. నిస్వార్థంగా బిడ్డల భవిష్యత్తుకు రాచబాట వేసి , వారిని కీర్తి శిఖరాలను అధిరోహింప చేసి... తాను మాత్రం ఒక అనామకుడిలా మిగిలిపోయే త్యాగనిరతి '' నాన్న ''. నాన్న త్యాగం గురించి కవితా రూపంలో '' పగిలిన కాళ్ళు ప్రశ్నిస్తున్నాయి... అదేమంటే శీతాకాలం కదా అందుకే పగిలాయని నాన్న జవాబు! చీలిన పెదాలు హెచ్చరి స్తున్నాయి ... ఎండన తిరిగి వేడిచేసి చీలాయి లేరా అని నాన్న జవాబు! చిరిగిన చొక్కా పేదరికాన్ని చూపెడుతున్నది... ఈ వయస్సులో నన్నెవరు మెచ్చుకోవాలి లేరా అని నాన్న జవాబు! అలసిన మొహం కష్టాన్ని గుర్తిస్తున్నది... ఎండతాకిడికి మొఖం వాడిందిరా ఎక్కువ పనేమి చేయలేదులేనని నాన్న జవాబు! స్వేదం బొట్లు బొట్లుగా కరుణగా జాలువారుతున్నది... ఉక్కపోతకు అలా వస్తుంది లేరా అని నాన్న జవాబు! తెగిన చెప్పులు ఆర్థిక ఇబ్బందిని చూపెడుతున్నది... వేసుకోవటానికి ఇవే మెత్తగా ఉంటాయని నాన్న జవాబు! కూడులేక దేహం బక్కచిక్కి శల్యమై పోయింది... లావుగా ఉంటే పనిపాటా చేయలేమని ఇలా వున్నానని నాన్న జవాబు! ప్రశ్నలన్నీ నేను సంధించినవే తెలిసీ తెలియని అమాయక సందిగ్ధ వయసులో జవాబులన్నీ నాన్ననుండి వచ్చినవే జీవితాన్ని కాచి వడబోసిన వయసులో! వయసు పెరిగాక మనసు పరిణితి చెందాక నాన్న చెప్పే జవాబులన్నీ అబద్ధాలని గ్రహించాను తాను ఎన్ని కష్టాలు ఎదుర్కొన్నా మోముపై కనపడనీయకుండా నన్ను సంతోష తీరాలకు చేర్చిన నాన్న! తల్లి నవ మాసాలు మోసి కంటే.. మనల్ని నడిపించే దైవం నాన్న. నాన్నంటే ధైర్యం.. నాన్నంటే బాధ్యత.. నాన్నంటే భద్రత, భరోసా.. అంతకుమించిన త్యాగం అతడు. చేయి పట్టి నడిపిస్తూ.. ఆడిస్తూ.. అల్లారుముద్దుగా పెంచుతాడు. ఆటలతో పాటు ఆత్మస్థైర్యమూ నేర్పిస్తాడు. జీవితాంతం పిల్లలను తన గుండెలపై మోస్తాడు. కన్నబిడ్డలే జీవితంగా బతుకుతాడు. వాళ్ల సుఖం కోసం చెమట.. కాదు, కాదు.. రక్తం చిందిస్తాడు. ఈ క్రమంలో తానేమైపోయినా పర్వాలేదు అనుకుంటాడు. పిల్లల కోసం ఎన్నో త్యాగాలు చేస్తాడు నాన్న. తను తిన్నా, తినకపోయినా.. తన దుస్తులు బాలేకపోయినా.. పిల్లలకు మాత్రం ఏ లోటూ రాకుండా ఉండాలని పరితపించే వ్యక్తి నాన్న. పిల్లలు ఒక్కో మెట్టు ఎదుగుతుంటే ఎంతో సంతోషపడతాడు. వాళ్లు ఏదైనా సాధిస్తే చిన్న పిల్లాడిలా సంబరపడిపోతాడు. మనల్ని కంటికి రెప్పలా కాపాడే నాన్నకు ఏమిచ్చినా తక్కువే !!

6, ఆగస్టు 2019, మంగళవారం

మూడేళ్ళ క్రితం రాసానని జూకర్ బెర్గ్ గుర్తు చేసాడు... ************************************* * ఏ పత్రిక చరిత్ర చూసినా ఏమున్నది గర్వకారణం.? కలం జాతి చరిత్ర సమస్తం ప్రభుత్వ భజన పరాయణత్వం! ప్రసార చరిత్ర సమస్తం పరస్పరారోపణోద్యమం మాధ్యమ జాతి చరిత్ర సమస్తం అధికారానికి దాసోహం! ఏపేజీ చూసినా రేపులు, హత్యలు, యాసిడ్ దాడులు.. ధనవంతులను కీర్తించడం నేతలకు తలవంచడమే! ఉద్యోగులను కాల్చుకు తినడం జీతాలను ఎగవేయడం సంపాదకులు దుర్బల జాతిని బానిసలను కావించారు! కునారిల్లిన సంసారాలు మరణించిన జర్నలిస్టులు అసహాయుల హాహాకారం పత్రికల్లో మూలుగు తున్నవి!!

5, ఆగస్టు 2019, సోమవారం

* స్థానము తప్పివచ్చునెడఁ తానెటువంటి బలాడ్యుడున్ నిజ స్థానికుడైన యల్పుని కతంబుననైనను మోసపోవుగా కానలలోపలన్ వెడలి గందగజం బొకనాఁడు నీటిలో గానక చొచ్చినన్ మొసలికాటున లోఁబడ దోటు భాస్కరా!*

2, ఆగస్టు 2019, శుక్రవారం

*ఒకసారి శ్రీనాథ కవిసార్వభౌములు పల్నాటిసీమ కు వెళ్లారు. అక్కడి నీటి ఎద్దడి చూసి ఈ కంద పద్యాన్ని చాటువుగా చెప్పేరట. సిరిగలవానికిజెల్లును తరుణులు పదియారువేలుతగపెండ్లాడన్ తిరిపెమునకిద్దరాండ్రా పరమేశా!గంగవిడువు పార్వతిచాలున్

23, జూన్ 2019, ఆదివారం

ఆ చల్లని సముద్ర గర్భం దాచిన బడబానలమెంతో.. .... ఆ నల్లని ఆకాశంలో కానరాని భాస్కరులెందరో...భూగోళం పుట్టుక కోసం కూలిన సుర గోళాలెన్నో.. ఈ మానవ రూపం కోసం జరిగిన పరిణామాలెన్నో...ఒక రాజును గెలిపించుటలో ఒరిగిన నరకంఠం లెన్నో.. శ్రమజీవుల పచ్చి నెత్తురు తాగని ధనవంతులెందరో...అన్నార్తులు అనాధ లుండని ఆ నవయుగ మదెంత దూరమో.... కరువంటూ,కాటకమంటూ కనిపించని కాలాలేపుడో...అణగారిన అగ్ని పర్వతం కనిపెంచిన లావా ఎంతో.... ఆకలితో చచ్చే పేదల శోకంలో కోపం ఎంతో...కులమతాల సుడి "గుండా"లకు బలియైన పవిత్రులెందరో... భారతావని బలపరాక్రమం చెర వీడేదింకెన్నాళ్ళో.....

20, జూన్ 2019, గురువారం

అధ్యక్షస్య కురు స్తోత్రం తత్పశ్చాత్కార్య దర్శినః, ప్రశస్య చ సభాం పశ్చాత్ యత్కించిజ్జల్ప సాధు తత్. -ముందుగా అధ్యక్షుడిని పొగుడు. తరువాత కార్యదర్శిని, ఆ తరువాత సభను ఘనంగా స్తుతించు. ఇక ఆపైన నువ్వు ఏమి మాట్లాడినా సరే! అద్భుతంగా ఉంటుంది. (సభా విజయ రహస్యం.)

17, జూన్ 2019, సోమవారం

మంత్రికి తెలివుండాలి* బంటుకి భక్తుండాలి* గుర్రానికి వేగముండాలి ఏనుగుకి బలముండాలి* సేనాధిపతికి వ్యూహముండాలి** సైనికుడికితెగింపుండాలి* యుద్ధం నెగ్గాలంటే, వీళ్ళందరి వెనుక కసి వున్న ఒక రాజుండాలి** 👉#మనందరిలో_ఒక_రాజుంటాడు కానీ మనమే #రాజులా ఆలోచించడం ఎప్పుడో ఆపేశాం! 👉 "మన కసి -అడవులని చీల్చయినా సరే, సముద్రాలని కోసయినా సరే, కొత్త దారులు కనుక్కోగలదు" అని మనకి తెలుసు. అయినా... భయానికి బానిసయ్యాం. ఓటమికి తలొంచేసాం ! 👉చరిత్రలో... చాలా మంది రాజులు... 🌺ఓడిపోయారు 🌺పారిపోయారు 🌺దాక్కున్నారు 🌺దాసోహమయ్యారు. కానీ కొందరే... అన్నీ పోగొట్టుకున్నా కసితో మళ్ళీ తిరిగొచ్చి యుద్ధం చేశారు. 'రాజంటే స్థానం కాదు, రాజంటే స్థాయి' అని నిరూపించారు. 👉 డబ్బొచ్చినా, పోయినా వ్యక్తిత్వం కోల్పోకు... రాజ్యాలున్నా, చేజారినా రాజసం కోల్పోకు... 👉�రాజంటే.. కిరీటం, కోట, పరివారం కాదు..‌ రాజంటే ధైర్యం... రాజంటే ధర్మం... రాజంటేయుద్ధం...! 👉ఒకరోజు విందుభోజనం చేస్తావు.. ఇంకోరోజు అడుక్కుతింటావు- పాండవుల్లా...! 👉ఒక రాత్రి బంగారు దుప్పటి కప్పుకుంటావు‌.. మరో రాత్రి చలికి వణికిపోతావు- శ్రీరాముడిలా...! 👉ఎత్తు నుండి నేర్చుకో, లోతు నుండి నేర్చుకో... రెండింటి నుండి ఎంతో కొంత తీసుకో...! 👉 రాజంటే స్థానం కాదు రాజంటే స్థాయి... 👉స్థానం - భౌతికం.. కళ్ళకు కనపడుతుంది. స్థాయి - మానసికం.. మనసుకు తెలుస్తుంది...! మనందరిలో ఒక రాజుంటాడు... బ్రతికిస్తావో... చంపేసుకుంటావో...నీ ఇష్టం..!

16, జూన్ 2019, ఆదివారం

కలడందురు దీనులయెడ కలడందురు పరమ యోగి గణముల పాలన్ కలడందురన్ని దిశలను కలడు కలండనెడివాడు కలడో లేడో.

11, జూన్ 2019, మంగళవారం

ఆహా.. ఏమి రా"సినారె". ------------------------ సినారె అచ్చంగా తెలుగు వాడు.. అందుకే.. నాకు బాగా నచ్చుతాడు.. గజళ్ళకు గజ్జెకట్టి నాట్యమాడించాడు... ..... శాతవాహనుల వ౦శాన పుట్టిన వాడు కాకతీయుల పొతుగడ్డ మెట్టినవాడు పల్లెలోనే కాదు డిల్లీలొ సైతమ్ము పెద్దగద్దెలనేలి పేరుకెక్కినవాడు ఎవడయ్య ఎవడు వాడు ఇ౦కెవడయ్య తెలుగువాడు ప౦చె కట్టుట లొ ప్రప౦చాన మొనగాడు క౦డువాలేనిదే గడపదాటనివాడు ప౦చబక్ష్యాలు తన క౦చాన వడ్డి౦చ గో౦గూర కొసమై గుటకలేసేవాడు ఎవడయ్య ఎవడు వాడు ఇ౦కెవడయ్య తెలుగువాడు నేల నల్దెసల డెరాలు దాటిన వాడు అన్ని మూసలలొల్న అట్టె ఒదిగిన వాడు “ఏ దేశమేగినా ఎ౦దుకాలిడినా” ఆవకాయ వియోగమసలె సైపని వాడు ఎవడయ్య ఎవడు వాడు ఇ౦కెవడయ్య తెలుగువాడు మ౦చి మనసెదురైన మాలలిచ్చెవాడు భాయి భాయి అన్న చెయి కలిపేవాడు తిక్కరేగి౦ద౦టే డొక్క చీల్చేవాడు చిక్కులెరగనివాడు చిత్తాన పసివాడు ఎవడయ్య ఎవడు వాడు ఇ౦కెవడయ్య తెలుగువాడు!

3, జూన్ 2019, సోమవారం

వాట్సాప్ మెసేజ్ ల పై పేరడీ పాట: _పల్లవి:_ నేను పుట్టాను, లేండ్ లైన్ వచ్చిందీ ... ... ... నేను ఏడ్చాను, సెల్ ఫోన్ వచ్చిందీ ... ... ... నేను నవ్వాను, స్మార్ట్ ఫోన్ వచ్చింది. నాకింకా లోకంతో పని ఏముంది. డోన్ట్ టాక్. ॥నేను పుట్టాను ... ... ... ॥ _1వ. చరణం:_ మనిషిని మనిషిని కలిపేటందుకు లేండ్ లైన్ వచ్చిందీ ... ఎవరికి దొరకక తిరిగేటందుకె సెల్ ఫోన్ వచ్చిందీ ... ఒంటరి తుంటరి బ్రతుకు కోసమై స్మార్ట్ ఫోన్ పుట్టిందీ ... అందరి బుర్రలు నమలడానికే వాట్సాప్ వెలిసింది. డోన్ట్ టాక్. ॥నేను పుట్టాను ... ... ... ॥ _2వ చరణం:_ లేండ్ లైన్ మ్రోగితే, అందరి గుండెలు ఆనందించాయీ ... సెల్ ఫోన్ మ్రోగితే, అందరి మనసులు చిరాకు పడ్డాయీ ... స్మార్ట్ ఫోన్ తో, అందరి బ్రతుకులు చతికిల బడ్డాయీ ... తెల్లవారినా అవి, కొంచెం కూడా బాగవ కున్నాయి. డోన్ట్ టాక్. ॥ నేను పుట్టాను ... ... ... ॥ _3వ చరణం:_ వాట్సాపులో వసతులతోటీ, షరతులు వున్నాయీ ... హద్దు మీరితే అంతు తెలియనీ, శిక్షలు పడతాయీ ... స్మార్ట్ ఫోనులో భాషల కుండే, సొగసులు తగ్గాయీ ... ఎమోజీ(emoji) లతో, ఎవరికి తెలియని భాషలు పుట్టాయి. డోన్ట్ టాక్. ॥ నేను పుట్టాను ... ... ... ॥ _4వ చరణం:_ మనుషుల మనసులు, కలిపేటందుకె ఫోనులు వున్నాయీ ... ఏ ఫోనైనా, మంచిగ వాడే మార్గాలున్నాయీ ... మంచిగ వాడని, ఫోనుల కెపుడూ వైరస్ లొస్తాయీ ... వాట్సాపులో, పెట్టేటందుకె నీతులు వున్నాయి. డోన్ట్ టాక్. ॥ నేను పుట్టాను ... ... ... ॥ _5వ చరణం (ఆఖరి చరణం):_ గంటలు రోజులు స్మార్ట్ ఫోనులో, వాగుతు గడిపేసెయ్ ... ఫోన్లో వున్న బేటరి తీసి, బయటకు పారేసెయ్ ... వైఫై సిగ్నల్ ఆపేసెయ్ ... సిమ్ము కార్డును విసిరేసెయ్ ... డ్రైవ్ ద డేటాకార్డ్ ఔట్ ... ... ... హహ్హహ్హహ్హహ్హ !!! ॥నేను పుట్టాను ... ... ... ॥ _ప్రేమ్ నగర్_ సినిమా లోని _ఘంటసాల మాస్టారు_ పాడిన _నేను పుట్టాను ... ... ... _ పాటకు వరుస అన్వయం. # ఇదీ మొత్తం పాట. #

31, మే 2019, శుక్రవారం

తెలుగెక్కడుందిరా తెలుగోడా, నీ తెలుగు తెల్లారె తెలుగోడా...! అమ్మనే ఈజిప్టు మమ్మీని చేసావు, నాన్ననే డాడీకి డమ్మీని చేసావు... నీ బిడ్డ అఆలు దిద్దనే లేదు, తన భాష చదవడం రాయడం రాదు... తెలుగునే వెలివేసె మన బడులు, తెలుగు మాట్లాడితే పగులుద్ది దౌడ... తెలుగెక్కడుందిరా తెలుగోడా, నీ తెలుగు తెల్లారె తెలుగోడా...! లేత మనసుల్లోన నీతులే ముద్రించు శతకాలు అటకెక్కి చెద పట్టినాయి, బతుకు పుటలను తెరచి వ్యాఖ్యానమొనరించు మన తెలుగు సామెతలు మంట గలిసాయి...! రామాయణం లేదు, భారతం లేదు, భాగవత పద్యాల్లొ ఒకటైన రాదు...! కథలు చెప్పే బామ్మ అమ్మమ్మలేరి? కదలరే టీవీల చుట్టూత చేరి...! మమ్మీకి ఎల్ కే జి ర్యాంకులే ముఖ్యం, డాడీకి లైఫులో విజయమే లక్ష్యం...! తెలుగెక్కడుందిరా తెలుగోడా, నీ తెలుగు తెల్లారె తెలుగోడా...! మువ్వన్నె జెండాను తెగ ఊపుతున్నావు, దాన్ని చేసిన తెలుగువాడెవడొ తెలుసా? వెండి తెర హీరోలను వీరులంటున్నావు, నిజ జీవితపు తెలుగు హీరోలు తెలుసా? గుడి గుడీ గుంచాలు... కోతి కొమ్మచ్ఛీ, ఏళ్ళు గడిచెను తెలుగు ఆటలే చచ్చి... పసివాళ్ళ చేతులకు సెల్ ఫోనులిచ్చి, పెంచావు వీడియో గేమ్సుపై పిచ్చి... పోటీకి సయ్యంది నీ తెలుగు మేధ, ఉనికినే మరచింది... అది అసలు బాధ...! తెలుగెక్కడుందిరా తెలుగోడా, నీ తెలుగు తెల్లారె తెలుగోడా...! కూడుపెట్టని భాషని 'భాష' కాదన్నావు, డాలర్లు తెచ్చేదె అసలు చదువన్నావు... తెలుగు పండగలన్ని మొక్కుబడి చేసావు, కార్పొరేట్ పండగల ఉచ్చులో పడ్డావు... గ్లోబునే గెలిచాము చూడమన్నావు, తల్లి వేరును మటుకు తెగనరికినావు... తెలుగు మొనగాణ్ణి అని తొడచరిచినావు, తల్లి పేరడిగితే తెల్లబోయావు...! నీ పిల్లలకు ఒక్క తెలుగు పేరుందా? సెంటిమెంటల్ స్టంటు చాలు, నీ బొందా...! తెలుగెక్కడుందిరా తెలుగోడా, నీ తెలుగు తెల్లారె తెలుగోడా...! వెంకీ ---

తెలుగెక్కడుందిరా తెలుగోడా,
నీ తెలుగు తెల్లారె తెలుగోడా...!

అమ్మనే ఈజిప్టు మమ్మీని చేసావు,
నాన్ననే డాడీకి డమ్మీని చేసావు...
నీ బిడ్డ అఆలు దిద్దనే లేదు,
తన భాష చదవడం రాయడం రాదు...
తెలుగునే వెలివేసె మన బడులు,
తెలుగు మాట్లాడితే పగులుద్ది దౌడ...

తెలుగెక్కడుందిరా తెలుగోడా,
నీ తెలుగు తెల్లారె తెలుగోడా...!

లేత మనసుల్లోన
నీతులే ముద్రించు శతకాలు
అటకెక్కి చెద పట్టినాయి,
బతుకు పుటలను తెరచి
వ్యాఖ్యానమొనరించు మన తెలుగు సామెతలు
మంట గలిసాయి...!

రామాయణం లేదు, భారతం లేదు,
భాగవత పద్యాల్లొ ఒకటైన రాదు...!
కథలు చెప్పే బామ్మ అమ్మమ్మలేరి?
కదలరే టీవీల చుట్టూత చేరి...!
మమ్మీకి ఎల్ కే జి ర్యాంకులే ముఖ్యం,
డాడీకి లైఫులో విజయమే లక్ష్యం...!

తెలుగెక్కడుందిరా తెలుగోడా,
నీ తెలుగు తెల్లారె తెలుగోడా...!

మువ్వన్నె జెండాను తెగ ఊపుతున్నావు,
దాన్ని చేసిన తెలుగువాడెవడొ తెలుసా?
వెండి తెర హీరోలను వీరులంటున్నావు,
నిజ జీవితపు తెలుగు హీరోలు తెలుసా?

గుడి గుడీ గుంచాలు... కోతి కొమ్మచ్ఛీ,
ఏళ్ళు గడిచెను తెలుగు ఆటలే చచ్చి...
పసివాళ్ళ చేతులకు సెల్ ఫోనులిచ్చి,
పెంచావు వీడియో గేమ్సుపై పిచ్చి...
పోటీకి సయ్యంది నీ తెలుగు మేధ,
ఉనికినే మరచింది... అది అసలు బాధ...!

తెలుగెక్కడుందిరా తెలుగోడా,
నీ తెలుగు తెల్లారె తెలుగోడా...!

కూడుపెట్టని భాషని 'భాష' కాదన్నావు,
డాలర్లు తెచ్చేదె అసలు చదువన్నావు...
తెలుగు పండగలన్ని మొక్కుబడి చేసావు,
కార్పొరేట్ పండగల ఉచ్చులో పడ్డావు...
గ్లోబునే గెలిచాము చూడమన్నావు,
తల్లి వేరును మటుకు తెగనరికినావు...
తెలుగు మొనగాణ్ణి అని తొడచరిచినావు,
తల్లి పేరడిగితే తెల్లబోయావు...!

నీ పిల్లలకు ఒక్క తెలుగు పేరుందా?
సెంటిమెంటల్ స్టంటు చాలు, నీ బొందా...!

తెలుగెక్కడుందిరా తెలుగోడా,
నీ తెలుగు తెల్లారె తెలుగోడా...!
వెంకీ
---