*నా తెలుగు* ......శ్రీధూర్జటిఆ.వె౹౹ తీయనైన బాస...తేనెలొలుకు బాస...తేటి మాట మూట... తేట వూట...తరచి... తరచి చదువ తనివితీరదెపుడుతీపి రుచుల మావి తెలుగు బాస...!! ★సీ౹౹నన్నయ తిక్కన యర్రనలుగలసి నుదుట కుంకుమ రూపు నిలిచి మెరిసె శ్రీనాథు కలమున శ్రీలు పొంగిన కవిత ఆభరణమ్ములైనందగించెఆంధ్రభోజుని యింటి అష్టదిగ్గజ కవుల్ అందెల సవ్వడైనలరు దొడగె మొల్లలల్లిన రాత ముచ్చట గాజులై గల గల రవముల గారవించె ఆ.వె౹౹పాల్కురికియు మరియు పినవీరభద్రుడు పట్టుచీర వోలె పరవశించె కవుల మొయిలి గుంపు కావ్యమాగాణిపై తేనెజల్లుబోయ తెలుగు తడిసె ★ సీ౹౹కొమ్మలందున జేరి కోయిల పాటలా అలరించి పాడెనె అన్నమయ్య రామరామయనుచు రాచిలక పలుకై రాజిల్లి మురిసెను రామదాసు వేమన బద్దెన వెంకయ్య గారలు దుక్కి దున్నె తెలుగు ధరణి యందు గురజాడ జాషువా గిడుగు చిన్నయ సూరి సేవ చేసిరిచట ఛేవ తోడ ఆ.వె౹౹వంద వేల సంఖ్య వచ్చిరి కవులౌర...!! కదన తొక్కినారుకవనసీమ మార్పులెన్నొ తెచ్చె మన భాష యందున కాని చిదుప లేదు కొంచమైన....!! ★ఆ.వె౹౹కొత్త రుచులు కోరి కోయిల గీరగా గార్డభంబు వలెను గానరీతి వేష భాష మారి వంకర నడకతో వగచుచున్నదయ్య వనిత తెలుగు ★ తే.గీ౹౹ తిరిగి పొందవలయు పూర్వ తీరు తెన్ను తెలుగు వెలగవలయు నిల్చి తెల్లవార్లు నవ్వ వలయు తెలుగు నాడు నవ్వినట్లు దేశ భాషలం దెపుడును తెలుగులెస్సె....!! ********************అందరికి తెలుగు భాషాదినోత్సవ శుభాకాంక్షలు గిడుగు పంతులుగారికి నమస్సులు

రోజుకో పద్యం 1946పగవల దెవ్వరి తోడను,వగవంగా వలదు లేమి వచ్చిన పిదపన్‌,దెగ నాడ వలదు సభలనుమగువకు మనసియ్య వలదు మహిలో సుమతీభావం: ఈ లోకంలో ఎవరితోనూ విరోధము మంచిది కాదు. దారిద్ర్యం వచ్చిన తర్వాత బాధపడకూడదు. సభలో ఎవ్వరిని దూషించరాదు. స్త్రీకి తన యొక్క హృదయము తెలియనీయరాదు.

పుష్ప విలాపాన్ని గుండెల్లో వినిపించిన కరుణశ్రీ 108వ జయంతి ఈరోజు.. ........నే నొక పూలమొక్క కడ నిల్చి చివాలున కొమ్మవంచి గో రానెడు నంతలోన విరు లన్నియు జాలిగ నోళ్ళు విప్పి "మా ప్రాణము తీతువా" యనుచు బావురు మన్నవి; క్రుంగిపోతి; నా మానసమం దెదో తళుకు మన్నది పుష్పవిలాప కావ్యమై.తల్లి యొడిలోన తలిరాకు తల్ప మందు ఆడుకొను మమ్ములను బుట్టలందు చిదిమి అమ్ముకొందువె మోక్ష విత్తమ్ము కొరకు! హౄదయమే లేని నీ పూజ లెందుకోయి?జడమతుల మేము; జ్ఞానవంతుడవు నీవు; బుధ్ధి యున్నది; భావ సమౄద్ధి గలదు; బండబారె నటోయి నీ గుండెకాయ! శివునకై పూయదే నాల్గు చిన్ని పూలు?....బుద్ధ దేవుని భూమిలో పుట్టినావు సహజ మగు ప్రేమ నీలోన చచ్చెనేమి? అందమును హత్య చేసే హంతకుండ! మైలపడిపోయె నోయి! నీ మనుజ జన్మ.పూజ లేకున్న బాబు నీ పున్నె మాయె! కోయ బోకుము మా పేద కుత్తుకలను అకట! చేసేత మమ్ముల హత్య చేసి బాపుకొన బోవు ఆ మహా భాగ్య మేమి?ఇట్లు పుష్పాలు నన్ను చీవాట్లు పెట్టి నట్లుగాన్ - పూలు కోయ చేయాడలేదు; ఏమి తోచక దేవర కెరుక సేయ వట్టి చేతులతో ఇటు వచ్చినాను